mysticalforum

Welche Substanzen konsumiert ihr zu welchem Zweck und bei welcher Gelegenheit am liebsten? Teilt mir eure Vorlieben mit.

achtung..bei der umfrage wer ist was? haben 5 zivilpolizist angegeben! wenn auch nur einer die wahrheit gesagt hat..na dann vile spass...hehe



kann unser ruf überhaupt noch schlimmer werden? no comment

lol,nun auch wenn zivilpolizisten diese page anschauen würden, würden sie bestimmt nicht bei einer umfrage im forum bekanntgeben dass sie zivilpolizisten sind.
was den ruf betrifft: also meinen erfahrungen nach stehen goapartys ihrem ruf nicht nach, was drogen anbelangt und ehrlich währt am längsten.

Ich persönlich mag grass am liebsten. ist halt immer noch die im vergleich zur wirkung am wenigsten schädliche droge (meiner erfahrung nach).
Wasa ich an grass sehr schätze ist das es sehr geschprächsanregend sein kann wenn es in einer gruppe konsumiert wird und andererseits sehr entspannend wirkt wenn ich alleine kiffe.
Amn liebsten Kiffe ich zuhause vor der stereo anlage mit guter chill musik etwas kühlem zu trinken (oder rotwein), hochgelagerten beinen und nackenrolle. Marijuana ist die geniesserdroge pur.

Psilocybin ist ebenfalls ein sehr interessanter stoff, jedoch finde ich dass man die wirkung von hallucinogenen im allgemeinen nur mit wirklich guter vorbereitung und bei wachem und bereitem geist richtig verarbeiten kann. Also nichts für den alltag oder zur entspannung. Hallucinogene sind wie eine gute massage, am anfang tut es ein bisschen weh doch dann entspannt sich der (geistes-) muskel. Die Psilocybinwirkung ist mir persönlich auch lieber als die des LSD, da Psilocybin eine kürzere Wirkzeit hat und ich, meistens nach 6-8 stunden müde werde und hunger bekomme, LSD aber etwa doppelt so lange wirkt.

ich finde solche umfragen super unüberlegt und einfach doof. sry. zelebrieren wir nun auch noch eine drogenkultur auf dem internet? schon mal überlegt, dass es für den betreiber probleme geben kann, weil die polizei definitiv mitliest?

gibts dann plötzlich halt wieder razzias z.b. in zürcher clubs. einfach nicht fragen wieso, wenn so drogenverherrlichende beiträge veröffentlicht werden, mit umfrage...

ps: wär ich ein zivi, hätte ich in der frage wer ist was ganz sicher zivilpolizist angekreuzt, wieso denn nicht? am auffälligsten sein ist am unauffälligsten.

kann so viel unüberlegtheit echt nicht fassen!!

geil?????????

typisch

nichtsdabeidenkenderzuvielkonsumierendemöchtegerngoakopf

schade schade, das meine so unüberlegte umfrage euch allen die polizei an die partys treibt, die ja vorher nie etwas davon gehört hat dass an partys drogen konsumiert werden. und natürlich hat sie das auch erst beim lesen dieses topics bemerkt und nicht schon bei den duzend anderen hier in der drogen abteilung des forums (z.B: schönstes erlebnis, oder wieso regt sich niemand auf das es hier auch leute gibt die links für eine seite posten die salvia (zwar legal aber droge) verkauft ).
Dieses Forum bietet aber nunmal eine Plattform um sich über Drogen zu unterhalten, wo man sich nichteinmal anmelden muss und anonym bleiben kann. Was soll den eurer meinung nach hier drinnen gepostet werden? Etwa Themen wie:
Wie kann man das Krebsgeschwür der Drogen beseitigen? oder
Ich war jahrelang konsument, doch jetzt habe ich das licht jesu gesehen. wem geht es auch noch so?
Und alle unschuldigen goanerlis können dann sachen wie: also ich habe noch nie drogen konsumiert und werde das auch nie. reinschreiben.
lol
Einige Leute wie ich sehe vertreten die meinung der drogenkonsum an partys sei todzuschweigen(wie bei den Houseis zB), ich nicht (vielleicht bin ich der einzige). Ich glaube dass es mir persönlich und auch der allgemeinheit nutzt offen über meinen drogenkonsum zu reden und mich mit anderen über das auszutauschen. Ein forum ist schliesslich auch ein ort wo man diskutieren soll um wissen zu vermehren indem man seine mit der meinung anderer vergleicht.
Zwar gebe ich zu das ich mit dem titel: welche drogen findet ihr geil. vielleicht etwas daneben gegriffen habe. da er vielleicht dazu einlädt das thema zu profanisieren. Ich wollte eigentlich nur ein gegentopic zu welche drogen findet ihr scheisse eröffnen. Möglicher weise hätte ich den titel anders formulieren sollen, es tut mir dementsprechend auch leid.
Mir ist ist es aber immer noch ernst damit mein interesse zu bekunden die drogenerfahrungen und substanzbewertungen anderer mitgeteilt zu bekommen. schliesslich werden drogen trotzdem konsumiert da wäre es doch blöd seine erfahrungen auch nicht weiterzugeben, die negativen sowie positiven.Es wird ja auch niemand gezwungen hier zu posten und seinen namen preiszugeben desshalb muss man sich ja auch nicht einloggen bei diesem thema.
Wenn ihr aber findet das schade dem ansehen der Szene, das hier über drogen diskutiert wird und das desswegen die Bullen an Partys und in clubs aufkreuzen, habt vielleicht ihr ein bisschen wenig nachgedacht. Zu den 2 Clubs die dieses We geschlossen wurden kamen die Bullen weil sie Drogen verkauften, nicht weil die leute dort konsumierten.
Ausserdem hat die Szene ihren Ruf sich selbst zuzuschreiben, da es nunmal einfach so ist dass an Goas Drogen konsumiert werden und das von mind 70% aller Partybesucher. Der Name Psychedelic-Trance sagt ja auch so einiges aus worum es bei dieser art von musik geht, und woher die inspiration dazu kommt. Vielleicht stösst es vielen Leuten auf, aber die musik die wir hören ist halt mit drogen wie LSD und Psilocybin verwurzelt.


Ich finde es aber vorallem schade auf welche beleidigende art hier gegen mich vorgegangen wird.

Ich zitiere fragender:

erstens, find ichs sehr profilneurotisch von euch hier in diesem forum eure zugedröhnte meinung zu deponieren!! hab ihr keine freunde mit denen ihr dies besprechen könnt????

aha, mini meinig esch zuedröhnt. fends no frech so eppis vo epperem wo mich gar nid kennt. wieso esch mini meinig denn zuedröhnt nur will eg au über die positive site vo de droge wott rede?


Ich zitiere Brain4theworld:

zelebrieren wir nun auch noch eine drogenkultur auf dem internet?

Eine Kultivierter Drogenumgang wäre von mir aus gesehen sehr wünschenswert. Leider haben wir in unseren sozialen kreisen keine drogenkultur aber viele drogenkonsumenten. Und dieser jämmerliche zustand wird sich mit todschweigen von problemen und beschneidung der diskussionsfreiheit sicher nicht ändern.

am auffälligsten sein ist am unauffälligsten.

wenn das stimmt ist das thema hier wohl das beste um den drogenkonsum an parties zu tarnen, da wollt ihr ja scheinbar





Ich zitiere kopfweh:

nichtsdabeidenkenderzuvielkonsumierendemöchtegerngoakopf

hmm, eg gseh mich weder als goachopf no als möchtegern goachopf. eg be eifach dr Milan wo gern mol eis kifft (nebed sine ville andere interesse uf welli eg jitz und do nid möcht igoh)

ich zitiere fragender:

zweitens, denk ich, dass es wenig nutzt sich als konsument zu äussern und vorlieben darzustellen. sich berauschen ist weit mehr als blosses vergnügen!!!!!!

So sache find eg guet, und deför hani ou das topic eröffnet, demit d lüüt au choi schriibe wenn und wie si droge konsumieret. Wer no toll wenn au no genauer chöntsch beschriibe was das denn genau für inhält send vomene ruusch send wo ne zu eppis meh loi lo werde als blosses vergnüege.


wenn ihr mich oder mini meinig weit kritisiere esch das jo ok, aber bitte aständig und mit argument, nid mit blöde sprüch. Der seit nemmli wahrschinlech die gliiche lüt wo über de pinboardkrieg wetteret.
Ig entschuldige mich au das eg die ganzi sach so profan agange bin, es esch nid mini absecht gsee do es flachs drogehochjuble z starte. aber eg han das thema halt au mit es pitzeli meh humour und weniger ernschthaftigkhait ufgfasst wie die meischte andere wo do inne gschribe hend. Tschuldigung

Auso i finge das Thema interessant! Es isch e fakt das a Goas - und abgseh dervo o a aune angere Parties wie Hip-Hop Jams, Disos oder sogar bi de "Füdlibürger" daheim - Droge konsumiert wärde. Mit dere Umfrag chame z.B. luege ob würk immer wie me Coci a üsne Parties konsumiert wird, so fern das d Lüt sech derfürhei da mitsmache und d Wahrheit ds schribe. I fänds wie gseit würk ächt interessant was bi derä Umfrag usechämti wenn würk aui ehrläch würde mitmache...

Mau abgseh dervo dänkeni chum, dass wäg der Umfrag plötzech d Outdoorgoas vo de Bulle grumt wärde. Der Ruef vo hemmigslose Drogeparties hei mir ja eh scho wäg, egau was mir hie aui im Forum schribe oder nid schribe. Wenn d Bulle beschliesse das si bi de Goas wei cho eklig tue, de het das sicher angeri Gründ aus e Forumumfrag!

I gloube o nid, dass der Betrieber vo derä Site a d Kasse chunt weme sone Umfrag its Netz steut. Süsch müesste ja so site wie Eve & Rave scho lang wieder zueta ha. Dört im Forum wird ja o offe übere Konsum diskutiert. So lang me ufemne einigermasse normale Niveau blibt und nid angeri Lüt zum Drogekonsum wott zwinge oder überrede und so lang das es nid drum geit das jede schribt wie viu Pilleli oder süsch zügs är sech pro Wuchenänd cha i gring schiesse, fingeni das hie vou ir Ornig.

hei auso nei doch nid e sooooooo......schulterzuck und abwend......

i mein jo, i bi de erschti wo seit, dass me set ernschthaft über de konsum vo droge afo redä. will berusche isch würkli nid eifach spass (oder geil). bi also voll drbii binere ernschthaft diskussion.

und we du ernschthaft hesch welle über das thema schriebe, de formulier doch au dini frog es biz me i diä richtig. e forumsite wiederspieglet dis lächle bim schriebe leider no nid.

glaub do muesch dr chli kritik alose. zumindescht vo mir

und no was wo mir i dem zämehang ufgfalle isch. dini liste vo substanze i dinere umfrog. wieso e lischte? es git e unmengi vo substanze. diä ischränkig isch für mi es wieters indiz für nid so ganz ernschthaft. sörry

will eigentli gohts dir doch um das was mir mit droge wiederentdecke oder um wiä gömmer uf dere reis mit eus um. und das isch minere meinig no in etwas sglich. egal was konsumiert worde isch. hoff i ha di richtig verstande.

das du do mit so heftige sprüch ideckt wirsch liegt minere meinig no eifach am unglückliche start vo dem topic. i muess säge, ha mi im erschte moment au es biz gnärvt über diä art. ersch etz wo i länger a dem textli schriebe gseh i das me diä frog au cha luschtig verstoh. und i bi sicher es git es paar mönschli wo de humor sofort erkenne. und für diä isch es so guet. für mi und schienbar anderi au sets ernschthafter si.

aber me chas jo au ernschthaft luschtig ha

sind lieb zuenand! da isch was won ich uf mdma inere dimension kenneglernt han wo nüechter lang gange wär das z`erreiche. chline bitrag zum eigentliche thema

übrigens isch mini meinig glich bim topic welche drogen findet ihr scheisse.

es cha nid si, dass mir so wichtigi themas so betitlä!!

droge si weder scheiss no geil! es brucht e ernsthafti usenandersetzig!

jawohl

Eg chan mich nur nomol entschuldige deför, wenn eg mit em titel vo dere umfrag so viel lüüt in ihrem empfinde vo ethisch- und moralischer verträglechkhait bim umgang mit em thema droge enttüsche.
Droge sind, das mein eg ou, secher es ernschts thema. Zuegeh muess eg ou das de vo mir gwählti titel e chli scharf formuliert esch.

Mini frag esch aber gsii:

Welche Substanzen konsumiert ihr zu welchem Zweck und bei welcher Gelegenheit am liebsten? Teilt mir eure Vorlieben mit.

Was eg immer no en gueti frag finde. Wöu me anhand vo dem chan en bestandesufnahm becho, über d gründ und d art vo der konsumation vo droge bi dene lüüt wo do inne poste.
Es esch wahrlech nid en Fragestellig und en Umfrag wo wisseschaftleche aforderige grecht wird. Aber das esch do inne gar nid möglech nur scho will das forum khai grösseri antworteliste zuelaht bi Umfrage. Sösch hett eg scho en vollstendigeri liste uf gfüert.
Es muess aber au nid immer alles todernst besproche werde. Me chan ernschti theme ou uf en lockeri art bespreche. Oder het epper vo euch schomol Schwarzes Fleisch des riesigen brasilianischen im Wasser lebenden Tausendfüsslers konsumiert oder abote bicho?
Und Droge nimmt me unter anderem au zum vergnüege sösch wörd me nid an partys konsumiere. Partys send jo zum vergnüege do, und jede wo behouptet dass er an partys ernsthaft und mit wüsseschaftlechem wert konsumiert lügt oder isch z blööd izgseeh das er sich nur zuedröhnt.

Wenn ihr säget das drogekonsum es ernsthafts thema isch und meh als nur spass, denn nemm ig mol a das ihr droge nid nur zum vergnüege nemet. Also schribet doch uf weli art ihr droge konsumieret und uf was ihr so achtet, damit au die ernsthafti site vom drogekonsum do i dere bestandesufnahm vertrete esch. Es esch jo nid mit dere umfrag beendet. Eigentli gohts mir meh um das was d lüüt do inne schriibe. Wenn alli wo do inne gmotzt hend über mini unernschti art und wiis mit em thema droge umzgah, dr allgemeinheit mitteilt hättet, uf welli (ernschthafti und wahrschinlech no "spirituelli") art und wiis sie droge nehmet. De wöre do inne jo ganz vill lehrrichi Bricht stoh, welli so nichtsdebiidenkendizuvielkonsumierendimöchtegerngoaköpf, wie eg schinbar eine bin, ufzkläre vermöge wie me denn en richtige umgang mit droge usgseeht.
Aber es esch ou nid schlimm wenn sich au so lüüt melde wo jedes weekend en deftige Drogecocktail dinne hend, wöu es eifach interessant isch z ghöre wie lüüt ihre konsum erkläret und chönne z vergliiche wie es denn bi andere usgseeht. Schliesslech send beidi Arte vo drogekonsum (Ernschthafte und Konsum zum Vergnüege) realität.

Was mis Närrische ufträte betrifft, und d merinig vo einige lüüt das segi nid vertragbar mit em thema droge, möcht eg no druf hewiise das eg dr meinig ben das Humour die beschti art isch um ernschti theme z beschpreche. Es git halt lüüt wo mini art nid verschtöi oder mich vellech äme missverstöi . Desshalb füeg eg ab jetz mine biiträg immer no die untestehendi signatur bii....

ich finde, dass der fehler schon im forumpunkt "drogen" liegt, den ich jetzt nie in einem goa forum veröffentlichen würde! klar ist es unumstritten, dass an goa parties drogen konsumiert werden, ich finde es jedoch unüberlegt, sich - anonym oder nicht - zu diesem thema in einem gesammtschweizerischen, öffentlichen forum zu 'prostituiren'. es gibt genügend andere foren, in denen man zu diesem thema rat findet, oder umfragen schreiben kann etc, ohne dass man eine weitere brücke gibt, die eine verbindung zwischen goa und drogen vermittelt. im sinne 'willst du wirklich rat - hol dir ne bröschure'

längst nicht alle partybesucher konsumieren drogen, aber genau die werden in den selben topf geworfen, liesst man mal als neutraler besucher den inhalt dieses themas. denn hier geht es für einen neutralen leser nicht um eine diskussion um drogen im allgemeinen, sondern im bezug auf die goa-szene, also ganz spezifisch. liegt nahe, dass an goa parties mehr razzias durchgeführt werden. kann sein, dass der punkt 'drogen' in diesem forum zu den zwei schliessungen der beiden zürcher clubs geführt haben? 'kann nicht sein' werden viele sagen. kann das wirklich nicht sein, wenn einige schreiber dieses forums sich unmissverständlich zu drogen äussern?

also wär ich ein bulle, würde ich mal schauen, wer sich so unter diesem thema 'drogen' meldet, danach würde ich schauen, welche parties diese person im forum eingeschrieben hat... und... ja genau 1+1=2. aber leider sind viele "drogen"-forumbesucher stärker in sprachen, als in mathematik

und das hochgejuble von 'divine' zum, thema 'salvia für die welt' finde ich noch unüberlegter. sorry

Welche Substanzen konsumiert ihr zu welchem Zweck und bei welcher Gelegenheit am liebsten? Teilt mir eure Vorlieben mit.

Genau diä frog uf dr mainsite. de hetsch zumindescht mich nid mit em wort "geil" vor de chopf gstossä. aber easy, dini entschuldigung isch acho und will i s`thema, etz wo de istieg chli klärt isch, trotzdem cool find, schrieb i no chli wieter.....

mir machts drum mühe, will i find, dass a partys eh scho viel zviel konsumiert wird eifach nur zum spass. i dängg, dass het sich i dene 15 johr wo ich mi i dere szene bewegä, mit dr zuenahm und verjüngig vom publikum verstärkt.

aber du hesch natürli rächt, we du schriebsch, dass beidi arte realität si. di spassigi und di ernschthafti. es brucht au beides!!!!
wiä i obe gschriebe ha: ernschthaft spassig si

Und Droge nimmt me unter anderem au zum vergnüege sösch wörd me nid an partys konsumiere

ja genau, leider mache da so einigi. nur zum vergnüegä.

es isch schwierig zum säge macheds nid. oder macheds e so oder e so. oder dängg mol a das oder a das....schliesslich glaub i as allumfassende universum und i mim verständnis vo dem muess jede sälber lernä.

i für mich finds den schlimm we de mönsch jedes wuchenend konsumiert. möglischt politoxisch und de am mentig voll depressiv ufs nexte weekend warte. zum sich wieder mit irgendwelche substanze ine traumwält katapultierä. es isch jo scho super, wenn si under de wuche nid irgendwelchi stöffli benutzä zum sich i dr wält zbewegä.

aber ebe, eigentlli goht mi das überhaupt nix a! jede söll mach was er will und es isch guet so!

für mich aber isch e party nid eifach nur spass und konsum. i würd säge, bi eher en ernsthafte konsument und partygänger wo aber trotzdem viel lached. (die ausnahme bestätigt die regel )

i konsumierä zum biespiel nid scho bevor i a dr party bi. i will immer zersch gspürä, wiäs mir goht und welli vibs um mich ume si. oft konsumierä i erscht am morgä. i dr nacht isch d`energie meischtens so intensiv, dass locker nüechtern magsch mithebe. sogar me als diä wo was i dr birre hend.

de lueg i das i nid zviel jointli verdrugge. es schlot mr uf psyche. git viel me birrefig bim abecho wenn kifft hesch. wenn kiffä de peace und ke überpotents indoorgrass. für mich!
ah jo, mini main indoorpartystöffli si speed und pillä.
outdoor chas chli psychedelischer si, wes mit mir stimmt und em umfeld.

so das si zwöi ideeä gsi vo mir. mol luegä ob do no me entstoht.

nur no eis: i glaub sicher nid, dass pozilei anhand vo some forum tätig wird. do muess glaub chli me abgoh. und das diä zwei clubs zuegange si. het garantiert nix mit goa ztue und no weniger mit dem forum. det isch es i andere dimensione abgange.

auso, wünsche euch was

sit ernscht und hend spass drbii oder

hend spass und vergässe de ernscht nid