kennst du Otto

[troll]

ja ich konsumiere seit etwa sechs jahren, in unregelmässigen abständen. Manchmal Monate lang gar nichts und dann gibt es zeiten wo ich geleitet bin. ich konsumiere pilze einige male im Jahr.zu weihnachten und Pfingsten und zu bestimmten konstelationen. Pilze konsumiere ich in grossen mengen bei Naturbegegnungen und Reisen. ich konsumiere sie mit verschiedenen hindergründen. Im schamanistischen sinn, zum erforschen des seins und in die göttlichkeit des rausches einzutauchen. Den ich bewerte den richtige Rausch als was kostbares. LSD konsumiere ich in kleinen (viertel) dosierungen auf Festen, um wach zu bleiben und in grösseren zur problemfindung und inspiration, dies kommt sehr selten vor, alle paar jahre. ich mache für mich danach immer eine auswertung. Wie wars? was hats gebracht? und und und...

ich habe auch schon missbräuchlich Haluzinogene genommen. Aus versehen. Hat mich sehr viel gekostet.
Ich benutze sehr oft Hanfoel in grossen mengen,für Hirn arbeiten.
Dies ist meine Droge.
Damit kann ich mich drei tage beschäftigen, ohne nach tanken.
Ist die anstrengenste, aber auch erfahrungsreichste art.

...und dienen einem zweck, meinem ziel der geistigen freiheit...

bin ich mit dir einig
Wir haben einiges gemeinsam.
bin schon lange auf der suche nach menschen mit erfahrungen.

Habe auch ein buch gelesen von carlos. sehr inspirierend. habe einige dinge ausprobiert

[Titali]

Aber deno werd ech us junki abgstämpflet, wöu ech zom konsum vo halluzinogenen stohne.
Alles het eh werkig, au die fertiggrecht wo fou gstopft send met monoglutamat.
Mormone säget sie sei nüechtern, wöu sie kei alk trenket ond kei kaffee ond rouche au ned.
Schoggi ässed sie aber ond ässed züg met monoglutamat.

Wo esch die nüchternheit?
Ech gebs wenigschtens zue.

Es esch eh ilusion die nüchternheit.

wieso duesch du dich sälber verurteile? also ich merke, du hesch es problem mit dim konsum, wahrschinlech, wüe du vo öperem beschuldigt bisch worde oder????

wenns dich stört, denn söttisch viellecht würklech öpis ändere, wüe wenn eim beschuldige bloooge, denn isch meistens öpis dran, wenn sie dir am arsch verbi gönd, denn hesch ou du keis problem!!!

also, stoh zu dir sälber, wenn du ou nur sache machsch, wo du derhinter chasch stoh, denn chöi dir die andere OTTTOS doch völllig egal sie

wo bliebt nüchternheit? du hesch antwort scho ghä: es isch en illusion

[troll]

jo ech ha es problem.
onakzeptanz i däre gselschaft.
Met em konsum ned, ech stohne fou der hender, aber ech ha scho mängi hörde mösse näh devör. ech be knap der psichateri entronne. iv stelle luzern meint, dies sei eine reaktion auf meine kindheit. Schamanisms werd hüt onder depression abdo.
Das sagt otto!!!
Hmm... ech cha dermet guet omgoh, aber ech werde ned eso akzeptiert.
Werde stetig gfrogt öb ech heroin nämi. ha verfilzti hoor und wollepullover ah ond liebe birkestock sandale.
lege uf anderi sache wärt und chome demet vor decki hörde. Ech wohne ufem land, ganz imene chline Dorf.

ech gloube das esch mis problem.
ech cha ned ehso läbe wie ech wot, ohni ih mim ort ahsegge.
Ech söu mech integriere!¨!!
Was das heisst esch jo klar.
Aber wär loht sech sinni freiheit loh näh?

Mercie aber föhr dini nöchfrog.

[Waldfrieden]

noch ne frage an alle die sich für schamanismus interessieren:

kennt jemand carlos castaneda?

hallo

ja ich kenne carlos castaneda. fand die bücher jetzt nicht so berauschend, eher etwas trocken.
wollte noch sagen das ich bücher lesen zwar gut finde, doch gerade im schamanismus geht es um das ausüben dieser "religion" in dem man reisen macht, rituale, aufs herzen zu hören lernt etc.

grüsse
waldfrieden

[Ogetron]

Also Otto meldet sich jetz halt trozdem. Ich selber konsumier eigentlich genau garnüt, mich stressts aber au nöd wenn öper irgendwas konsumiert wernn er das verantwortlich macht.
Aber zu dem Bitrag mussi jetz halt glich min Ottosenf dezu abgeh.

jo ech ha es problem.
onakzeptanz i däre gselschaft.
Met em konsum ned, ech stohne fou der hender, aber ech ha scho mängi hörde mösse näh devör. ech be knap der psichateri entronne. iv stelle luzern meint, dies sei eine reaktion auf meine kindheit. Schamanisms werd hüt onder depression abdo.
Das sagt otto!!!
Hmm... ech cha dermet guet omgoh, aber ech werde ned eso akzeptiert.
Werde stetig gfrogt öb ech heroin nämi. ha verfilzti hoor und wollepullover ah ond liebe birkestock sandale.
lege uf anderi sache wärt und chome demet vor decki hörde. Ech wohne ufem land, ganz imene chline Dorf.

ech gloube das esch mis problem.
ech cha ned ehso läbe wie ech wot, ohni ih mim ort ahsegge.
Ech söu mech integriere!¨!!
Was das heisst esch jo klar.
Aber wär loht sech sinni freiheit loh näh?

Mercie aber föhr dini nöchfrog.

Dich stört d Nichtaktzeptanz i de Gesellschaft, also wenn ich de Betrag da obe lise den wunderts mich nöd gross das es nöd akzeptiert isch. So wies tönt lebsch vo de IV? Und wenn das halt en Otto liest den chömed halt so SVPler Sprüch use,.
Otto chönt sich im Gegezug au drüber beschwäre das du d Regle vo de Gsellschaft nöd akzeptiersch, inakzeptanz also.

Allerdings chan mer ja sägä i de Schwiiz bisch ja ziehmli frei, chasch die ja chum beschwere, musch ja nöd vo de Meinig vo anderne Lüüt läbe.
In Saudiarabie gits uf sowas wo du tribsch Todesstraf, das isch den Nichtaktzeptanz.

[Waldfrieden]

Dich stört d Nichtaktzeptanz i de Gesellschaft, also wenn ich de Betrag da obe lise den wunderts mich nöd gross das es nöd akzeptiert isch. So wies tönt lebsch vo de IV? Und wenn das halt en Otto liest den chömed halt so SVPler Sprüch use,.
Otto chönt sich im Gegezug au drüber beschwäre das du d Regle vo de Gsellschaft nöd akzeptiersch, inakzeptanz also.

Allerdings chan mer ja sägä i de Schwiiz bisch ja ziehmli frei, chasch die ja chum beschwere, musch ja nöd vo de Meinig vo anderne Lüüt läbe.
In Saudiarabie gits uf sowas wo du tribsch Todesstraf, das isch den Nichtaktzeptanz.

jetzt musch mer aber folgendes säge: wieso sölls ned akzeptiert si well er vo de iv lebt? bim ne herr ospel werds akzeptiert? devo abgseh wieso halted er sech ned ad regle vo de gsellschaft? well er ke börschteschnett hed?! chansch höchschtens säge er halted sech (sowit ech das us dene text drususelese) ned as gsetz well er pilze inehaut. nur: woher well das de ottonormalbörger wösse ohne ehn zkenne?

[Melliandra]

Hm... ich gseh das au so.

Ich meine werum sind Droge illegal? Will "mer" anschienend denn nümme
fähig isch im "normale" Läbe z'bestah. Fahd a chlaue, gheit usem
gsellschfatliche Rahme use.

Also wemmer sich no i dem Rahme inne chan bewege, denn seid
au nimert öbis, will mer denn ja au gar nid uffallt. Han no nie stress
gha mit irgend öberem wäge Droge, klar bim Auto fahre chämt mer über,
aber da gfärdet mer ja au anderi demit.

Blaaa es isch no chli früe, aber eigendlich isches ja jedem sies eignige Problem,
solang mer niemert anderscht gfördet oder öberem uf de Täsche lied.

[troll]

Ech lbe ned vo de iv.
Ech ha de ustret gä. ech ha gseit ech weig kei iv bezieh ond us däm grond heisi mech ih psychi welle due. auso mister, ech be so schlagfertig. ech gloube das du öberhaupt kei ahnig hesch wies so ih däre wäut zue ond här goht. *Ech be sehr sozial angaschiert. Ech schaffe im sozialwässe und ufem Buurehof. auso, ech dräge min bitrag zuor gselschaft. Ech akzeptiere alli lüüt. Aber de Staat het mehr scho mängisch as bei gseicht. Ech seiche ned zrog. Das choschtet sehr vöu. Ond wenn lüüt mer wei achso guete rat gä, wie ech söu mech der gselschaft ahpasse, muss ech eifach säge nei.
Emmer mönd sech mönsche ih de geslschaft ahpasse. gselschaft wo vo der parteie, multis ond riche gmacht werd.
wo jeder sin biitrag söu leischt oder züg choufe. Ech gseh sehr wohl i gseschaft ond ih däre ehri politik, aber ech muss mech secher ned ahpasse.
Ech schaffe met Geistigbehendertre mönsche zäme ond die läbed au ned för die produktivi gselschaft. ond det chömet au die svp stüresparende bonze ond säged die brucht zföu gäud. Söued sie stärbe? nei sie dörfet genau wie du ond ech existiere. Ech zwenge sie ned so zie wie gselschaft. ech gseh genau det ene ehri ufgab.

jede mönsch het sini ufgab, aber höt gseht die ufgab so us:
Entweder onderdröcke, messbruche, konsumiere ond sies läbe ih de ilusion hegä, glöcklech zii met sim gäud ond sine materiele güeter ond debi sies läbe lang zschaffe.


Du gsehsch ned döre, äbe nüechtern.

ech mache nüd iligals, aber öbis wo ih de gselschaft ned aktzeptiert werd. wiso? wöu sie ansgst derfo hei. angst ehres wäudböud wordi zäme gheie.

Ech be ih de gselschaft doldet, aber ned akzeptiert.

Ech gloube es get mönsche wo no ned erwachse worde send.
Die wäud gseht ned eh so us wie im fährnseh. Ned farbig ond glöcklech.
Sie gseht au echli düschterer us. die geselschaft ist nicht am individeum orientier, sondern an der masse. Weisch was si ih de fabrek möchet met sache wo ned so send wie di andere? ab ih usschos, ou wen nor öbis chlises ned stemmt. wie sdatom ufem jogurt. Was du gschrebe hesch, mister ogetron, esch genau das. Was ned fonktioniert werd verschrottet.
Danke

So gseht das us.

Mitdenken ist gut, selber denken macht schlau.

Todesstrafe für freidenker, ist nich denken.
Im kaufen bin ich frei, im denken lieg ich in fesseln.
Freiheit besteht darin tun und lassen zu können was man ohne jemanden oder etwas zu schaden.

Aber läb du ih diner ilusion vo freiheit wiiter ond schaf ond kosumier ruhig wiiter.

[Melliandra]

...Freiheit besteht darin tun und lassen zu können was man ohne jemanden oder etwas zu schaden.

Das isch de wichtigscht Satz und ich weiss nid was du alles hesch müesse
dure mache, aber ich läbe nach dem Grundsatz und es hed sich no nie öber
mier in Wäg gstellt.

...dFrag isch halt immer ab wen schadet mer öberem. Mer schadet
au öberem wemer halt sini Stüre nid will zahle und und und.

[Kollegoli]

@troll

was du seisch stimmt für mich im grosse und ganze alles.

mit sich zrechtfinde und sich apasse, isch aber ämmel au meh gmeint, als mit schaffe und konsumiere. idere beziehig bisch du, wie du ja seisch, gänzlich apasst. aso ich meine du schaffsch ja und chasch uf eigene bei stah. das heisst für mich du bisch a die gsellschaft apasst, im sinn vo dass du da ellei chasch überlebe.

aber mit apasse isch ämmel au gmeint sich da chönne wohl zfühle und kei aggressione geg die "schaaf" (nüt geg schaaf) zentwickle. us dim text gaht zimli eidütig hervor dass du en gwüsse hass oder mindestens e fortgschritteni, negativi abneigig gege de otto häsch. i dere beziehig schiinsch du nöd apasst zsii.

jetz isch aber dfrag: hilft dir de hass (oder vo mir us die abneigig) öpis? hilfts de welt, de natur oder suscht öperem öppis? glaub nöd.
klar, me chan nöd eifach säge "guet ich hör jetz uf hasse", aber ich persönlich, würdi dir vorschla, über de hass nahzdenke und s'schöne, wo i jedem, ja sogar i jedem otto isch, zgseh versueche - das isch nämlich würkli da. us miinere sicht, bisch du, eifach gseit, eine mit offene auge. de otto hat zueni auge. aber das chamer em otto nöd übel näh. er hät das so glernt und gseht, zumindest unterbewusst, kein usweg (er hat ja au zueni auge, dann gseht er au nöd, logisch oder). es isch e verdammt schweri ufgab oder andersch gseit e verdammt hohi erwartig, vo öpperem zfordere, über das, was er glernt hät usezwachse. das erwart ich vo niemertem. ich verstah de otto; ich gseh viel problem und destruktion i sim verhalte, aber ich verstah ihn. s'verhalte vom otto machtmer ämmel au weh, aber mann, er isch en mensch und villicht doch nöd ganz so "gschiid", wie ich oder du das gern hett.

ich han also im verlauf vo de letschte jahr (insbesondere au dur ebe de i mim vorherig beschriibene trip) glernt, für und mit em otto "zempfinde", anstatt sis verhalte eifach nur zverurteile. glaub mer, du chasch usfascht jedem otto de chasper zumindescht es chliises stückli usehole wenn ihm mit gnueg judihuiglattcheibigkeit begegnisch.

ich finde zumene gsunde und tüüfe getrippe ghört au, dass mer sich da zrecht findet und eim ab de andere lüüt nöd nur schlecht wird (ok, wenns eim paar mal schlecht wird isch imho okee). wenn mer nämlich die ander lüüt akzeptiert und ihne au die akzeptanz entgegebringt (was nöd blindi apassig isch), dann chunnt die akzeptanz au zrugg. so wie ich us dim text liis, wird dir regelmässig übelst übel abem otto. de otto merkt das und deswege wird ihm au übel ab dir.
es liit a dem, mit em offenere herz und em beweglichere geist, de erschti schritt zmache.

ich find em otto sis verhalte grosseteils au voll verschisse, ich gib mer alli müeh, mich nöd wie de otto zverhalte (z.b. so ökotechnisch). dennoch wirsch du chum was bewürke chönne, so lang du em otto mit somene, wenn au versteckte, hass begegnisch. ich für min teils hans glücklicherwiis gschafft, dass ich chan em otto id auge luege und ihn trotzdem gern han. de otto begegned mir somit au nett und er gseht i mir zwar en durreknallte siech wo spinnt, aber nöd im negative sinnn, er finds ämmel sogar luschtig. wenii jetz em otto über okologische sache oder sogar strippe verzell, dann hat er plötzlich e ganz offes ohr und sini abneigig isch scho um dimensione chliiner.

[troll]

jo ech zahle jo mini stüre au ond ech wot si au zahle.

Aber hesch du no nie welle läbe ohni mösse zdänke was ech muss mache befohr ech cha frei sie demet ech kei problem ha mettem stür amt.
log ech läbe vo 900.- im monet. do frogt sech stüramt, wiemer so cha läbe, s existänzminimum liet bi 2450.- wie esch das auso möglech? är macht iligali gschäftli oder schwarzarbet. du musch rächeschaft ablge was du machsch, wenn du ned schafsch ond ned arbetslosgmäudet besch. ech goh us prinzip ned us arbetsamt ond werde weder schräg ahgluet. was mach ech auso fausch? esch es fausch ned iv ond arbetslosegäud zbezieh?
Ech gloube wemmer einisch met em staat echli meh ih kontakt chond, merkt mer wie das echli denäbe louft. Ech ha sehr velli erfahrige gmacht ond kollege vo mer au. I andere mönsche get mer nüd oder wot mer nüd gä ond die wo nüd wönd wärdet schräg ahgluegt.

Stüramt weis genau was bi öiser WG abgoht ond mer hend no nie gäge öbis verstosse, aber mer wärdet met mahnfenger zeigend behandlet.

Was chöndi das ächt sie?

log ech ha emmer ah sguete gloubt. ech strahle nüd bösses us.
ha emmer glout ech chöigs met rede kläre. uf dlüüt zue goh ond offe sie.
denkste.

vielecht be ech eifach eh mönsch wo meh freiheite brucht aus anderi.

es geht Vögel die chamer ohni problem imene chofi enne haute( wellensitich), ohni das sie stärbet ond de gehts anderi Vögel wo noch chorzer ziit stärbet.

[Röm]

Liebe Troll

Ech dänk ich gschpür chli was du meinsch. Es esch ned eifach enere Gsellschaft völlig ene anderi rechtig uszschloh. Schwerig esch au das do ede Schwiz halt würkli a Lüüt fählt wo als geischtlechi Füerer öppis witerzgeh händ. Aber esch au keis Wunder. Secher semmer materiell gseh eis vo de richschte Länder(oder sogar s`richscht??) Dafür esch d`Schwiz geischtlech eis vo de ärmschte...wenn du also völlig ufs geischtleche Erchenntniss us bisch gets einigi intressanteri Länder (bzw d`Lüüt wo det läbed) för dich!!

Du beschribsch dass du vell Froge hesch wo der niemerds en Antwort druf geh chan. Do en chlini Zwüschefrog: Glaubsch würkli dass d`Froge weniger wärde wenn du witer bewusstsiserwiterndi Sache konsumiersch?
Mini Erfahrig esch das die vermeindlech Erkenntniss wo ich bem Konsum vo halluzinogene und psychoaktive Substanze e höche Dose gwunne han mech em Aendeffekt emmer witer wäg vo mer sälber, ,jo sälbscht vo de nöchschte Lüüt und natüerlech au vo de Gsellschaft und em ganze System brocht het.
Wa bringts der em Endeffekt wenn du för dech de absolut Durchblick gunne hesch aber met dem wo vor diner Tür lauft nüm z`schlag chunsch?

Han grad letschti wieder en Film gseh über dÌndianer und eri ständige Ritual met de Ajuasca Wurzle...und i han ned gfunde das die ez DIE Lösig händ uf alli Froge...genau wie au verschedenschti Esoteriker oder en Mönch etc...ich dänk e sone Lösig gets ned und werds nie geh! Was i aber glaub esch dass si e dem enne wo si mache glücklich sind und för sech scho öppis gunne händ;nämlich en ennere Frede.

Genau da esch de Punkt. För mi esch nüm s`Zil de absoluti Durchblick überzcho;do länged nämli 10 Läbe ned.
I für mi han müesse merke dases vell wichtiger esch das mer au wemer uf vil Sache kei Antwort het doch eifach zfrede e siner chline Wält isch;egal wie die chli Wält usgseht...
I wett die Erfahrige met Droge überhaupt ned misse, jedoch weni hüt öppis konsumier machis eifach welli Spass und en gueti Party ha wott. S`andere füert enes emmer tüfers und engers Loch...
Was dänksch macht dich em Aendeffekt zfrede?

Vell Rueh und Zfrideheit
Röm

[troll]

Jo kollegoli

ech wet däm ned hass säge. ech rege mech eifach sehr uf mängisch.
weisch wemmer sini freiheit ned cha usläbe, ond ech wot bigott chei chend ässe, de werd mer met de ziit sehr trurig ond us däre trur enschtoht au eh gwössi abneigig. ech werde omhär gschöpft ond met spröch abdoh wie: musch dech haut echli ahpasse. ethisch ond moralisch be ech intakt.

ech gloube das wörd ech au, wenn ech uf abwäge mech wörd bewege.

ond scheiss egal cha eim sini omwäud ned sie, söscht het mer es problem.
scheissegal esch genau das verdränge wo ech meine.
ech be kei otto revolutinär.

min hass, wie du meinsch, esch ned uf ei person oder persone usgrechtet. es goht ah gmeinschaft.
ond as esch eh ganz anderi diskusieon, was beenhautet de otto. wie es geht au grau tön.ned nor schwarz ond wiss.könne das aues scho lang ond ech meine au ned das. ech gloue ehr verwächslet öbis grondreglens. es goht ah die lüüd wo emmer meinet sie heis droffe. gueti rotschläg verteilet wie mis grossi smartis.
Wo us ehrem standponkt use handlet und ehres handle uf anderi mönsche wei projetziere. wie die lüüt wo die arme junkis zuetextit, sie söuet doch ufhöre ond sech eh arbet sueche, stadt om gäud bättle.

Aber ech gloube das minii schroffi wortwahl fausch intepretiert werd.

Aber ech verstohne was du meinsch.
log ech akzeptiere jede mönsch ond schänke jedem sini freiheit.
nor mini wet ech au.

[Kollegoli]

wie genau fühlsch dann du dich in dinere freiheit igschränkt? aso wo genau? chasch mal zwei, drüü biispiel bringe, dass i genau weiss wasd meinsch?

[Ogetron]

Das wo de Kollegoli grad gfrägt hät hani jetz bim dure lese au denkt. Ich mein du lebsch vo dine 900.- Franke ,. lebsch wies tönt hät i dinere WG und chasch ja det tribe wasd willsch. Oder gsehnis falsch?

Ob jetz det use eine ume lauft wo weiss au nöd was denkt vo dir chan dir ja glich sie.

Und das mit de IV isch halt allgemein gseit gsi,. ebe weiss ja nöd vo was du lebsch,. aber s isch halt au nöd grad d Selteheit das es denn ebe Lüüt git wo vo de Sozi lebed und dass stresst Otto halt. Isch ja au verständlich oder?
Was i den au chli schräg find wend dich fascht bitz uslasch über Lüüt wo halt "normal" läbed,. ich mein ich läb plus minus wie de Durchschnitt, aber han halt glich min Spass an ere Goaparty. Wenn de Normalmensch mit sim Läbe, mit sim Job und sinere tüüre Wohnig wo er zahle muss glücklich isch passt das ja au. Stell der vor es würdet all so lebe wie du? Das würd au nöd ufgah.

Ich selber schaff mini 41 Stund i de Wuche und s passt für mich im Moment, au wenn i nöd immer top motiviert zur arbeit renne. Im Moment will i halt mis Auto ha und mini Wohnig ha und für das nim i das in kauf. Wenn mir das mal nüm passt chan mi immerno in e anderi Richtig entwickle und de Job hischmeisse. Logisch häsch nöd die ultimativ Freiheit wend so lebsch, aber defür es paar anehmlichkeite wo mer au schäzt.

Und was d Melliandra gseit hät isch eigentlich au mini Meinig. Solang mer niemertem Schadet oder belaschtet bi sinere Art vom Lebe störts mich au nöd.