virus ti oder nordwave

[amoa]

hallo zusammen.
werde mir nächstens einen neuen synth zulegen.entweder einen virus desktop ti oder der neue nordwave von calvia.
ich möchte mich langsam mal mit dem thema sounddesign/klangprogramierung ausseinander setzen und von daher denke biete sich diese beiden synths gerade zu a.

was für den virus sprechen würde wäre die integration als plugin im sequenzer und die kompaktheit.

beim nordwave gefällt mir halt das one knob per parameter prinzip.

rein vom klang her denke ich spielen die beiden in etwa der gleichen liga.



meine frage.
hatt jemand von euch schon so ein gerät.habt ihr irgendwelche tipps die es zu beachten gibt?oder gibt es sonst noch geräte die ihr mir ans herz legen könntet.

grüsse
Marco

[psygnosis/mindsurfer]

hoi

kenne zwar den neuen nordwave nicht, aber mir gefällt der virus im vergleich zu nordlead2/3 besser. irgendwie vielseitiger. ein allrounder und natürli wie gesagt super integration mit vst. weiss nicht wie gross der preisunterschied ist, aber ich würd den virus nehmen!

[amoa]

hey salü.
ja das mit der integration ist scho sehr geil.muss mich aber noch erkundigen ob das auch au dem mac richtig laäuft
vom preis her ist der virus ca 200 fr günstiger,also von da her nicht extremer unterschied.

gruss

[ZWIEBACK]

Also de virus TI isch voll de allrounder vo demher als erste Synthesizer sehr z empfehle. De Nordwave isch eher chli en spezialist und drum als erste Synthesizer fasch chli Luxus. Vom Sound her sind natürli beidi aller ersti sahne. De virus tönt halt eher "elektronisch" und de nordwave chan au recht krass tönendi "natürlichi" sounds mache (willer so geili samples hed) wod bim virus eher ad grenze stosse wirsch. Au elektronischi sounds wo anologe charakter hend töned hammer ufem nordwave. aber ebe isch hald scho eher luxus mit sine 2 timbre.
Ich denke ich a dinere stelle würmer scho eher de virus poste.
...wenn lust hesch chasch min nordwave gern mal usprobiere.

[Kollegoli]

sali

aso ich han de nordwave zwar erscht eimal usprobiert, aber er isch definitiv en völllig andere synth als de virus. er isch für e ganz anderi zielgruppe gmacht.

de virus ti isch mega s'allround grät. mit ihm chasch alles mache und du häsch 16 "timbre" (oder wie sie dass be access nänned). das heisst du chasch 16 verschiedeni tön gliichzit mache. dezue hat er no e fetti ladig effect, was bedüütet, dass du nöd zwingend e soundcharte mit mega viel audioiigäng bruuchsch, zum effect uf d'virustön zknalle.

de nordwave isch miinere meinig nah en luxussynth. er hat nur 2 "timbre", das heisst me chan nur 2 tön gliichziitig mache. ich glaub zwar dass du au es mega breits spektrum vo tön mache chasch, obs a das vom virus anechunnt, weissi nöd. de nordwave isch eifach voll edel und ich denk, die tön wod mache chasch, sind dann all so highend mässig. dezue hasch halt no geili samples druf, was heisst dass du ihn au als giige, piano etc. bruuche chasch... und es tön würklich guet. das chasch mitem virus wohl nöd. de nordwave hat au effekt, aber nur es paar.. defür töned die dann au sehr guet und sind edli effekt. die sind glaubs weniger zum umespiele denkt, sondern würkli nur zum de sound edler zmache.

bem virus isch au en vorteil, dass du alles mit allem moduliere chasch. du häsch es menü (ufem pc vorzugswiis) wo alli parameter irgendenere modulationsquelle zuordne chasch. das isch natürli sehr geil... da chasch experimentells züg mache bis an bache abe und ich denk zu tön cho, wod menschheit nonid ghört hat. wie du ja seisch isch bem nordwave defür aschiinend de vorteil, dass alles per knobs verstelle chasch, das gibts bem virus wohl nöd... da musch oft is menü oder an pc.

ich denk me chan säge, dass de virus en edle allrounder isch, wo du völlig frei bisch und wo wahrschiinlich sabolut beste priisleistigsverhältnis hät und de nordwave eifach es edels instrument isch.

ich persönlich wür mir ganz klar de virus chaufe, ellei scho weg de 16 "timbre". ich meine 16 tön gliichzit mache isch halt scho geil. mit nur 2 timbre musch dtön immer wieder als audiospur ufnäh. und de klang vom virus isch sehr geil und sehr vielfältig. wenni scho en virus ti het, dann würmers villicht überlege, obi en nordwave chauf...
uf jede fall sind 2 sehr verschiedeni synths und während mer virus nordlead no als ähnlich hat chönne bezeichne, chamer das be virus und nordwave definitiv nümm.

[ZWIEBACK]

he oli, wodsch nöd in promusig als verchäufer ga schaffe? ...hahahaa

[amoa]

hey danke an alle für die schnellen antworten.

werde mir das nochmal gründlich durch den kopf gehen lassen.aber irgendwie pässlet mir der virus schon ein bisschen mehr.


grues us em püntnerlande

[kaidun]

16 oder 2 timbre heist ned daser nur 2 oder 16 fach polyphon esch..
wär ja trurig es nordwave wo nur 2 tön uf einisch spellt. super harmonie..

[ZWIEBACK]

Polyphonie und Multitimbralität hed nüt mitanand z tue...
de Oli hed obe erchlärt wases mit de Timbres uf sich hed und was Polyphonie isch hesch ja grad selber gseid.

[Kollegoli]

ja aso gnueg polyphon sind ja beidi. de virus hat glaubs öpe 80 stimme, bem nordwave weissis nöd, aber sicher gnueg.

ein timbre bedüütet, dassmer eis grüsch/ton chan ane schruube. en tb303 zb hat 1 timbre, da chamer nur ein ton gliichzitig demit mache. de korg radias zb hat 4 timbre, also chasch vier verschiedeni tön gliichzigt demit spiele (zb ein bass, ein pad, ein düdel, und zb igenden wusch (aso so machs ich ämmel)). mit em virus chasch 16, was halt scho sehr viel isch. das wär so, als würsch 16 vst-plugins gliichzitig laufe lah. und zb 16 vanguard laufe zlah isch fürd ressource nöd soo luschtig.

[ZWIEBACK]

Also s beste wär du chaufsch beidi und entscheidisch nachher wele dir besser gfallt.

[kaidun]

ne tb esch absolut monophon und hed ke tibre..
aber neh würdi ali beide..

[amoa]

Also s beste wär du chaufsch beidi und entscheidisch nachher wele dir besser gfallt.

das ist mir auch schon druch den kopf

[i.dot]

ich denk me chan säge, dass de virus en edle allrounder isch, wo du völlig frei bisch und wo wahrschiinlich sabolut beste priisleistigsverhältnis hät und de nordwave eifach es edels instrument isch.

+1

..und am besten du gehst in einen guten musicshop & vergleichst die beiden persönlich

[Kollegoli]

ne tb esch absolut monophon und hed ke tibre..
aber neh würdi ali beide..

neinei, wiegseit, multitimbralität hat nüt mit polyphonie ztue. de tb hat nur 1 stimm und nur "eis timbre". wenner 4 timbre het, wärs so, als hettsch 4 tb's.