mysticalforum

Hallo,

Ich habe auf meinem Pc jede menge Vst plugins. Jedoch arbeite ich mit Abelton Live und Reason auf dem Mac. Die Plugins funktionieren auf dem Mac leider nicht. Was mich ziemlich ärgert.

Vieleicht könnt ihr mir da helfen? Gibt es da eine Lösung, oder muss ich mir Mac kompatible Plugins "kaufen"?

so viel ich weiss bruuchsch "mac-kompatibli" plugins...

uf de neue intelmac funzt sogar anschiinend fascht nüt meh vo de alte plugins..

Ja das auf den neuen Mac`s vieles nicht mehr funktioniert hab ich auch schon gehört. Aber ich habe zum glück noch einen normalen Powerbook G4.

Ja ich habs mir schon fast gedacht, ja ist echt schade. Aber halb so wild ich mach sehr vieles mit Reason und für die Hardware nehme ich Abelton Live. Aber halt so die spielereien fehlen mir wie z.B. Glitch, Delaylama usw.

Gad dr Delay Lama chasch o für mac abelade:
http://www.audionerdz.com/download.htm

Susch gits doch o jensti Sache... Ha o lang mit mac gschaffet, im Notfau eifach afrage...
Greez

Hey cool, jetzt ha ich immerhin mal de Delaylama

Kollegoli hat geschrieben:so viel ich weiss bruuchsch "mac-kompatibli" plugins...

uf de neue intelmac funzt sogar anschiinend fascht nüt meh vo de alte plugins..

das isch natürlich quatsch @ fascht nüd meh.

fact isch du bruchsch en sogenannte UB - update. (Universal Binary) also kompatibel für die allte PPC-Macs und die neue Intels.

wenn du dini Plugins vorher ufem Mac ehrlich kauft häsch bechunsch i de meischte Fäll die Updates per Downloads vom Hersteller.

Natürlich isches logisch das mitemene .exe installer vo Windows nüd chasch installiere ufem Mac - weder uf de PPC-Struktur no uf Intel.

Die meischte Plugins sind aber mittlerwiile uf Intelbasis erhältlich.


Ich wird nögschtens vo Powerbook uf Intelmac umstiige ... soundtechnisch hani das Züüg parat das alles lauft.
hehe .. und eigentlich langet jo s'Logic interne Zeuchs scho!

wie heisst des format wo du brusch ?? -> Au?

Hab en Vst -> Au konverter...damit kann man vst´s dann für mac kompatibel machen...hab´s allerdings noch nie ausprobiert......

http://www.fxpansion.com/index.php?page=5&tab=22

pm me..

gruuuß domi

Ja s problem isch das es nur für die neue Mac mit Intel chips funktioniert. Ich ha ebe no es vorgänger Modäl also de Normali Powerbook G4. Ja isch ziemlich ärgerlich ich bin zwar voll zfride mit mim Mac aber das isch öpis wo mich grusig stört.

huh?

du häsch es intel-only plugin?
bisch sicher?

ich känne glaub keis plugin wo nur uf intel funzt.
entweder es funzt uf beide strukture oder nur uf de alte .....
das isch eher de normalfall.


um was für es plugin handelt sichs dänn?

Ja was han ich alles, Abino, Absynth,Glitch,Delaylama, V-Station usw. Ja ha das ganze halt nit ganz legal erworbe

Klar wenn es uf Legalem wäg erwirbsch. Sind die Plugins Windows sowie au Mac kompatibel. Nur sind die Plugins nit grad unbedingt billig ellei de Absynth chostet e halbs vermöge. Da chunts druf a was für en crack es isch. Und das isch au s problem de findsch nume sälte en crack für Osx.

ich glaube entweder häsch e crack wo nid funzt oder eifach e windows-version.

die erwähnte plugs settet alli uf powerbook laufe.
ok, de glitch da kenni nöd und um de delaylama machi e grosse boge


meh chani eigentlich nümme säge zu dem ganze.

hm...ja ich wird da scho irgend e lösig finde. E sooooo schlim isch es nit, ich chum eigentlich ganz guet ohni Plugins klar aber hilfrich wärs halt mängisch scho.

Also ich finde de Delaylama lustig Eifach als Spielerei aber ernsthaft in Sound packe würd ich de nit

Also wenn vor hesch dir die Plugins Illegal abezlade wieds bis ez gmacht hesch denn isch das ja kes problem. Wennd Universal-Binary Versione suechsch ja denn wirsch es problem ha, will da no praktisch nüt crackt isch aber au das isch nur e frag vode ziit. Plugins als PPC Versione gibds vill wo crackt sind und du uf p2p tuschbörsene wie z.B. Emule oder Amule(...für Mac) abelade chasch. Übrigens, V-station gids abstrakter wiis zwar als Mac
Version (isch au crackt und downloadbar) aber nöd als VST wie bide Win Version. Klingt zwar komisch, iss aber so. Das heisst ufem Mac Cubase laufts ned. Öhm ja und obe hed no wer gschribe dases Konverter gid zum Win Plugs uf OSX laufe z lah. Isch aber falsch. De Konvertiert nur vom Format VST zu AU (also nüt Win to OSX).Demfall unintressant für Cubase benutzer. Das bringts nur für Sequenzer wo AU Plugs understützed aber kei VST.
So ez fallt mer nüt meh i...
ich hoffe du chunsch au drus, susch chaschmer ja alüte catweazle, södsch mich ja kenne...

Hei Zwicki,

Ja es git scho Plugins han doch au no es paar chöne *organisiere* aber es isch um einiges schwieriger öpis gschits zfinde Ja das es nur in Au umwandelt ha ich scho gwüsst. Es Logic zumbiespiel unterstützt die. Und ich glaube sogar das es im Abelton au gaht bin mir aber nit sicher. Und wenn schon ohni plugins goht bi mir dwält nit under. Es wär zwar no hilfrich aber ich mache s meiste eh mit Reason und bruche Abelton eigentlich nur um Hardware ufznäh und Samples ine bastle.

Aber du chunsch ja glaub au am Luca sini Party dän chöne mir ja dörte no drüber quatsche.

Gretz Sebi