en friedliche song
Finds a schöni sach, für mich, verträumt, aagnäm zum lose.
Wie fascht immer für mich (det dure bin ich fanatisch) fäält mer de gfühlsmässigi höhepunkt am schluss...
Obwohl, ich chum de höhepunkt scho mitüber. Und doch irgendwie chan ich das lied gliich im chreis umelaufe laa und weiss irgendwänn nüme wo de aafang und wo de schluss isch...
Das isch aber au e qualität vomene lied. Halt nöd so miin gschmack.
S lied hät aber immer gnueg Ghalt für miich, so dass ich nie sgfüühl han müesse "zwarte".
Was beats und wusches betrifft... wenn en hit mache wotsch, het de thujon völlig rächt, denn müestisch, au minere meinig na, für de 0815 hörer sicher no so züüg inneknalle, demit jaa au de unkreativschti tänzer sini bei vom bode bringt und jede schnallt wenn neui elemänt in song chömed.
Aber wenn eifach en friedliche song willsch mache, find ich, hesch es gschaft und ich wür nüüt me mache zum en "uufblase".
Ich find er isch was er isch.
Sounddesign gfallt mer mega guet, de gsammtsound überhaupt. Und ich find diini rythmik uusgfiilt und fiin, schöni sounds au deet. Halt nöd im vordergrund und nöd uufdringlich, was, glaub ich, dezu füert, dass vill hörer warschiinlich gar nöd schnalle werdet das du dier müe gä hesch mit de beats.
Wie hesch es gschafft, de song übers ganze band uf 0db ufezbringe?
klingt super.
Überhaupt, mit dem zämme hangend, drüümlichkeit vo diim song find ich genial. hall und delay voll im griff oder so....? Wenn ich überhalb vo 500Hz so luut bin wie du klingts nur no nervig. isch da es mastering wos so guet anebringt oder chunt das scho vom mix her?
huet ab!
Gruess
Raphi
(sorry deinzahl "du", ier sind ja zwei...)
