mysticalforum

die party wär eidütig id gschicht iigange, wär dpolizei nöd so intolerant gsi und het das fescht nöd scho am 3 znacht abgstellt.
huere schad gsi um de ganzi ufwand wod orgs gha hend.. es isch wunderschön dekoriert gsi, e richtig märliwelt hends ufd bei gstellt, mit deko us holz und moos, au die viele farbspots hend super atmosphere gmacht..
ufs mal liislig worde...dbulle seged da und so..den wieder sound, den wieder ke sound..es hin und her, dass au ja alli verwirrt het..igendwenn isch den klar worde das ferit luschtig isch...chans nöd glaube dass die party weg lärmklage abgstellt worde isch, shet ja kei hüser ide unmittelbare nöchi gha.. die hend doch eifach grundsätzlich welle dparty schlüsse..huere schad so öpis..ja trotzdem kopf hoch erdmanndli & co..wär anderscht geil cho.

isch würkli mega schad gsi... die cheibe schlümpf...
aber ufne gwüssni art und wiis hendsis doch net so böös gmeint wie auscho anderi...
schlieslech hendsi de ganze gsellschaft erlaubt, bis am haubi 6i im rahme witer z'sounde *huch*
eg go devo us, dass ir nöchi vor dorfkirche irgend öpert reklamiert het... uf üsem fuessmarsch at party isch nämlich gnau a dere stell en dumpfe bass dörs wäldli, übers offnige fäld -> über d'husdächer zoge... evtl. isch dert en sehr heilligi osterfamilie läbhaft!? naja item...

möcht at erdmanndli crew & co es riese lob usspräche!
de platz isch zauberhaft gsi, eifach WOW... mit eidütiger liebi uft bei gstellt worde...
den am morge die fötzeliaktion, inkl. so guet wies geit ufrume vode bsuecher suupiii!!!

alles in allem (abgseh vode schlümpf) vo a-z BRAVO!

nur eis het mir chli z'dänke gäh und zimli zum schüttle bracht... de unklari fight am morge, vo dene zwei hünd
eg glaub de gross het churz später gwüsst daser en mischt gmacht het... aber wie geits am chli? wünsche gueti besserig!

bis baldig ir tollen fraggles

e wunderschöni party! bin leider chli spaht cho (erscht so um halbi drü), aber wiemer so z'vierte zude party gloffe sind, hani aso nie sound ghört, weder im dorf no am waldrand... - im dunkle hämmer d'cherzli am wägrand gsuecht und gfunde, isch wie spureläse gsi - und dänn de wäg zu de party, dur de morast, mega speziell, so wie herr der ringe... und wiemer so dur de ufgstellti iigang vo ufgrichtete tanne cho sind und i dem wunderhärzige wäldli acho... eifach WOW, hami eifach grad wohl gfühlt, dank dene liechter in verschiedene farbe wo d'bäum und äst so märlihaft belüchtet händ - die det ufzhängge isch sicher en enormi sach gsi... mir händ üs dänn mal chli neumed aneghängt und händ die agnähmi stimmig uf üs würke lah. De sound hani durchwegs guet gfunde, bin zwar kein experte, aber er hät so de "swipp-tock"-effekt gha, wo sound eifach sett ha *g*

es sind sogar no lüüt cho, wo de sound scho fertig gsi isch, und d'lüüt händ no mitenand gredt und au no mit es bizeli sunneschii hät drigüggslet. s'ufruume isch für mich überraschend schnell vor sich gange, han chum es paar cherzli chöne iisammle, da isch scho alles abbaut gsi - het gern meh gmacht für die party... wo eifach so elfehaft, märlihaft schön gsi isch, mit de belüchtig, de belüchtete ständ, äm sound, und de villne liebe lüüt.

Danke, allne wo das ermöglicht händ, und allne wo det gsi sind

sind au ca. halb 11 am abig acho , glaub dparty hetden gad öppe aafanga laufe.

shetmi dunkt das zimli vill de wäg detane gfunde händ ,mehreri hundert

shät mi nööd voll mitzoge ,doch es ich recht gmüetlich und lustig xi , gad richtig umde geburi richtig zgnüsse ,optisch etc. ,,,und die liecht natur deko...

de magnus gaht glaub e neui linie, meh soundtechnischi übergäng , zimli glunge muesi säge,meh chli offe nüme i ne eidütigi richtig ... zwüschet full on und dark wie vor es paar wuche und jahre , wo recht truckt und glich nöd ganz so nervös macht ,halt chli erdigi basslines,,,, das gfallt mir ebe
-
d lüüt händ sich es ziitli nöd chöne drah gwönne ,abr easy .. du magnus häschs merklich gnosse, zum teil ischs chochli in fine progi gange, muesch dini linie finde.

am ozora 07 häts au soen schwedische dj glaub gha ...de häts au so ähnlich gmacht ,schön fiin und glich mega spacig veränderet und sichsch immer meh vo hine cho und häts andere überno ,mega abwechsligsrich.....chas nöd gnau beschribe


ich hoffe die wo die party gmacht hend sind nöd zwiit usem feischter glähnt ,,,,,,
de platz isch hald chli zentral hügel ,und stadt rundume , altstette (mondoshiva) xi

aso steh , hektor , dän , oder und wer au immer,,,
hoffe ihr mached wiiter so

de platz isch halt s erscht wichtigschte..!!

grüessli

Es fettttts dankeschön ad Org....

eifach en hammmmmer Atmosphere änebecho... met em Dj-Bereich, em Igangstor, em Kerzemeer und em Liecht....

ich has en wunderschöni Party gfunde....
be fascht überegheit woni vernah han das ez fertig isch und am 6i dalag ganz abbaut wird unds kei sound meh git...

Wos de am morge no avo schneie het.. hetsmi ganz verrüert... hehe

wär ächt en Top-Party gsi... mal weder chli verchillter,familiärer,mystischer,spezieller,vo wärmi erfüllend....eifach HAMMER...

hoffe es git namal en Chance womer sone Atmospere chan uf bei stelle....

Chan gar nüm ufhöre schwärme...

Mer send denn am morge direkt wiiter zum kolleg hei go wiitersounde... wenigstens hemmer dmusig nöchli gha au wenns eim völlig inen andere Stimmig inedruckt het!!...

Toll merci... Viva la Schlüpf... iar verdammte *+#&(§"% !!! schade schade....

Danke..iar erdmandlis...hehe

nach langem sueche und im wald verirre (mindestens 1hrs oder so ), bini so um mitternacht au acho zum schnäll hallo säge und chli dr sound go lose ...

würkli wunderschöni party sehr familiär, im chline rahme aber doch sind mir alle awesende vertraut gsi... ha mich prächtig unterhalte mit einige lüüt

ja, dr magnus hät en neue style, gfallt mir guet, weniger strub als süescht, aber groovig

bin leider au früeh gange, aber hoffe dasses bald wieder en erdmänndli party git... keep it psychedelic

hallööle zäme nachdem mier au es ziitli quer dur de wald gwanderet sind hät eus am schluss nur no es dornefäld vo de party trännt, wo mer das dänn au no bezwunge händ und ich dänn d paty vo nöchem gseh han bini schier überegheit.
ich hans gfühl gha ich bin i ere andere wält

s isch alles meega verträumt gsi, en hammerschöne tanewald wo meega geil belüchtet und dekoriert gsi isch und überall cherzli grosses komplimänt ad organisation und d hälfer

de sound isch au vool abgange... de simon hät au wider vool grockt ( de track vo dier und em rasael isch eifach zum überegheie ) au de dr.magnus isch vool geil gsi,so düschtere sound gfallt mer eigentlich ned eso aber dasmal hets vool passt

es sind au alli lüüt dete gsi wos brucht zum so richtig party mache

nachdems gheisse het das de sound ab de halbi 6i nümme lauft isch d stimmig chli wegg gsi
jänu mier sind dänn no zum kolleg in chäller goge wiiter soundä

alles in allem isch es e wunderbari party gsi. danke viil mal

Will meine Begeisterung auch noch kund geben.
Haben den Weg gut gefunden... keine Ahnung wie man sich verlaufen konnte? Deko, Sound, Stimmung war supper...einfach eine wunderschöne Party, mit wunderschönem Schneefall am morgen.

Warte auf die nächste
Grüsse hüpf und tanz

Clandestina hat geschrieben: Haben den Weg gut gefunden... keine Ahnung wie man sich verlaufen konnte?

lol, tja das kann passieren wenn man von einem der mitveranstalter (gäll dän ) falsche wegangaben bekommt und sich dann nachher hoffnungslos im walde verlauft so ein spaziergang bei vollmond und frischer luft tut auch gut.

freue mich schon wenn es wieder heisst: hey der sound kommt doch von dieser richtung im wald?! hehe bis zur nächsten erdmänndli.

hallo zäme also ich has au mega schön gfunde mitem liecht und de bäum wiesi all so i einere reihe gschtande sind wie ime riesige blockhuus =)
leider bini halt scho so am 3 go schlafe und woni ufgwached bin het de sound scho abgschtellt und es sind fasch nurno helfer det gsi. hetmi no gwunderet dass alli so schnell abghaue sind...
em chline hund gahts übrigens guet. er isch bi dem kampf nöd verletzt worde nur sis herrchen isch chli bisse worde woner de dezwüsche isch. aber i glaube da isch au schowider verheilt =)

alles i allem trotzdem e schöni übernachtig im zauberwald =)

liebs grüessli mela

Kann mir jemand sagen, von wem das "Futurama" Lieder war? Und wie es wirklich heisst?
Danke