mysticalforum

SORRY 3 MAL GSCHRIBE UND JEDESMAL EIFACHT WEG KLICK UND WEG EIFACHT SO OHNI ÖPPIS Z MACHE, KEI BOCK ME.

So starte mer no mol en Versuech und hoffed dass es dies mal ohne Komplikatione funktioniert.

Also ich bin am Fritig znacht nach dem ich Z Züri im Tonight gsy bin in Olte a choo, und s Vario isch scho recht volle gsy. Am Samstig am Morge 5.30 han ich denn für 3 Stunde gsoundet.
Ich han uf jedefall voll s Fest gha obwohl ich scho chli müed gsy bin, vom vorobig het s voll grockt.
Jedefalls au vo minere Site e risigs THX an Andi dass ich han chönne cho spiele und an alli Freaks wo det gsy sind zum min Sound z lose.
Für mich isch es no relativ schwer öppis über die ganz Party z schribe well ich immer weder mol weg ha müesse zwüsche dure aber wo ich det gsy bin hets gfägt.
Es isch aber net mit de vergangene Johr uf em Schelte z vergliche, isch halt ganz öppis anders, im Club. Aber trozdem find ichs cool het d Osterdelirium chönne Statt finde und ich hoffe scho jetzt ich stoo nächt Johr weder uf em Line up. THX Andi und Crew.

Jo musikalisch isch mir besonders Ufgfalle; Kaidun, QED , und natürlich wie immer de Amba.

Kaidun: Din Live act het Hammer tracks derbi, han mir Zit gnoo zum dir bewusst zue z lose und es sind do no ei zwöi sache wo zur professionalisierig no müestisch bedenke, aber suscht HAMMA BRO, mach witer jetzt und din Weg isch sicher.
Det wo du gspillt hesch, bin ich under de Gallerie gsy und wie de Jack scho gseit het, TRAMPOLIN, ich jedefalls han mich unter de galerie füre bege im fall der Fälle.
Jo vo minere Site es risigs Top, mach witer so.
Hesch es gar net verdient im grosse Floor so ganz eleige am Sonntig wo mir vo Biel zrug cho si, aber das isch halt Tag Zite, hesch es jedefall no einisch für dich eleige chönne gniesse.

jOCKER TEAM :
Merci für euchi Gastfründschaft, het mega guet do am Samstig am Morge chli go ligge i euchem Heim.
Ich freue mich scho jetzt uf next Weekend.


So leider leider isch das für mich en rechte Stress gsy a dene Ostere, aber isch geil gsy,natürlich tuets mir echt leid, dass ich am Sunntig zobig nümme han möge cho de Flying Fish cho lose und de Globetrekker und am Mäntig de Magic Mind, aber ich kenne alli 3 und ich weiss Ihr händ das sicher Guet gmacht.
Jo es Sorry an die Lüt das ich nümme anwesend gsy bin, bi eifacht z kabutt gsy.

Also ich hoffe, dass ihr alli de Weg wieder is Vario findet, wenns heisst
TEAM SPACE NOMADS TALES FROM SPACE 2 @ VARIO CLUB,
mit Shiva Joerg, Brainwash, Bubble , und und und , also sicherlich eine Reise wert.



KURZ FASSUNG

DONT FORGET :




greezzz Fra

isch mir glich ganga..
bi erscht am samschtig znacht cho...
pumpa voll und hammer harti musig isch gloffa.
sehr tribenda sound vom kris was i köhrt ha.tiptop

wo i de uf am hintera floor agfanga ha...heieieieiieii isch det poscht ab...
ha as paarmal dänkt...die wo det oba am tanza gsi sind, flügend mit allem, ein stock tüffer..
aber nix da...het usgseh wiea as tramoplin.
hammer stimmig händ ihr gmacht..so macht sounda eba spass. thx au mal an eui tanzenda.

im grossa und ganza...
club wird mega schön, wenn er fertig isch.
für min gschmack (persönlich meinig) sehr harta sound vor und nach mir gloffa, uf beidna floors
aber bi de am morga am 10i au scho wieder wiiter...is pilger jack
Thx an andi und sini crew. het spass gmacht bi eui (trotz däm alta cd player hehe)
gruass vo klosters
Jack

bin erst am sunntig obe cho, woni am 9i agfange ha sounde, esch es no ziemli leer i beidne floors gsi, d lüüt send denn aber no cho und es het geil grocket..

Ja Jack, die denon pitchers hends in sich gha.. i ha mer denn no mini Pioneers deheime lo hole... (esch vo vorteil wenn mer nur 15 minute vo de party weg wohnt)

es het emol gfäged, danke de lüüt wo so guet abgange send, han denn mit em f-roger no es ping pong gmacht bis am 2 (oder esch scho 3 gsi ?... ), a dere stell thanks an f-roger fürs sounde met dir, esch cool gsi. Danke au an andi, dass er mer so langi sound ziit geh hed (!!).

chume gern weder!

PS. D stäge esch nach jedem bier steiler worde, het mi de au prompt no ufe de latz ghaue.....he he!

esch ächd herlich gsi die party..
am samstig woni serst mol gspellt ha eschs plötzlech voller wurde.
welch eine freude. leider hani aber au gar nüt ghört uf dem podest obe
und die halb alag esch glaub au ned glofe
hed aber glich huere spass gmachd..
am sunntig nomitag heds de im vordere rum chum me lüüt gha.
trotzdem amüsant gsi. has langsam eh nüm gseh

fra und christian, üchi set hani glaub voll verpasst. aber werded d'bude grockd ha so wini euch kenne

im jackomo sis set esch ja ächd de böörner gsi..
zum teil beni under der gallery ghanged, aber sobaldi ufe gluegd ha, hani wäg müese..
de bode esch zeh santimeter ufe und abe. hed tönt als würd e horde elefante druf umegumpe.. oder esch das ächd so gsi???

am suntig morge beni de nomol go ineluege..
profiler und b-freak hend hammer sound brochd.
hed rechdig guet da, nach drü täg power sound mol chli öbis ruhigers..

merci andi und crew asi ha chöne cho spiele und für die cooli party..
hoffe weder mol

greez gian

De muesi ou no shcnäu öbbis derzue schribe...

Auso mir si am Samschdi am Abe so gäge Mitternacht langsam (oder ändlech? ) mau dinne xi, bi denn ziiiiiimlech skeptisch xi no....scho huere kabut und müed....denn ufem vorder floor bini nur churz schnäu am afang xi, isch aber nid so mi sound xi oder ischmer ämu so ine cho...
Denn bini de mau schnäu hige ufem 2. floor xi u de het o gad dr Kaidun agfange mit sim Act....Und ja är het agfange...
Ganz fett xi Gian !!! Nume witer so!!!
Denn hani dr Dave xeh (oder besser xeit är mi... ), isch geilo xi chlei dumm due u so hehehehehehe

När nachem Kaidun isch Alpha cho, wie vo ihm gwohnt heftig schruuuuubende, schiebende Power Sound...hetmer ono ganz guet gfaue...

I hami aber de doch sehr gfreut woni der Jackomo ha xeh und är de o scho gli het agfange sis Set zum Beste bringe....und das hesch gmacht u gschafft isch ganz ganz fett xi....hoffe xeh di baud wider mau am sounde !!

Denn hani no d Saphira und d Bella dörfe kennelerne, het mi wi shco xeit sehr gfröit hehe
Und ou süsch wider viu bekannt gsichter troffä

I bi de scho ziimlech früe leider wider gange, ha aber eifach nüm möge...dank däm erhousam fritig abe...

Auso aus i auem e sehr e schöni Party xi, zwar wie der Fra ou het xeit, chames nid mid outdoor vergliche, i bi aber trotzdäm positiv überrascht xi, merci a die ganzi *Schii-Crew

Ds einzige wasmi chli übertribe het dünkt isch dasme fürnes grosses Bier 7.- het zaut...aber das isch o nume e chline Punkt und het mini Stimmig gad gar nix chönnä abezie...

so und jez machi Schluss...

Ganz liebe Gruess u bis baud

Wo fangen wir an... am besten bei der Ankunft - die wurde uns nämlich erstmal mit der Anwesenheit der Polizei versüsst und wir fragten uns doch gleich, ob das ein schlechtes Omen sei. Wie sich im Verlaufe der Nacht herausstellte, war wohl einer mit der Kettensäge unterwegs, oder war das nur ein Gerücht? Zum Glück haben wir von allem dem nichts mitbekommen.

Als zweites sind mir die vielen Leute aufgefallen. War eine recht lange Schlange vor der Kasse. Drinnen war’s dann auch entsprechend gut gefüllt, aber trotzdem noch so, dass man immer ein Plätzchen zum Tanzen fand. Zum Sound kann ich wie immer wenig sagen, da ich doch nie weiss, wer wann, wie, wo auflegt oder Liveact macht. Auf dem Mainfloor spielten sie doch sowieso die ganze Nacht über denselben Track, nicht? Dank meiner hinreissenden Begleitung wusste ich dann aber auch, wann ich mich in den hinteren Floor zu verschieben hatte um das 3-stündige Set von Jackomo zu geniessen. Ja, der Jack weiss halt einfach, wie man die Bude zum kochen bringt. Positiv überrascht war ich auch vom fortgeschrittenen Umbau im 2. Floor, mit der erhöhten Tanzfläche. Auch wenn ich hoffe, dass die Baustelle noch nicht ganz fertig ist so... ich hatte einige male vor Augen, wie die ganze Konstruktion in sich zusammen fällt, als so viele Leute dort oben rumhüpften Aber Spass gemacht hat's trotzdem. Und auf den Sofas unterhalb der Galerie wären, wir auch bestimmt weich gelandet.

Die Nacht verging wie im Flug, viele bekannte Gesichter habe ich getroffen und auch einige neue Mysticals kennengelernt. Ich denke da an Halucinognom, Napf-Zwärgli und die Blaue Fee - hat mich ebenso gefreut Und Dalamascus hat am Vormittag auch noch kurz hallo gesagt, zu dem Zeitpunkt befand ich mich allerdings schon im Halbschlaf und war nicht mehr so aufnahmefähig – Sorry!

Am Mittag haben wir uns dann auf den Nachhauseweg gemacht. Wir waren müde und erschöpft aber glücklich von einer langen aber kurzweiligen Nacht

Irgendwie mag ich den Varioclub


Und zu guter Letzt noch eine kleine Dankesrunde: 1. Merci Verena für die lustegi Nacht, isch doch widermau es eimaligs Erläbnis gsi.
Danke em Joker, dass er mir e nöie Drink gäh het - me isch lieber einisch meh vorsichtig. Merci Grosi, dass mi vom aujährliche Eiertütsche dispensiert hesch - i häts gloub nüm gschafft , Merci unbekannte Cap-Träger für die schöni Ussicht. Merci Chrigel, dass mer geng hesch müesse d Ussicht versperre

Bis zum nächsten mal!

Saphira hat geschrieben: war wohl einer mit der Kettensäge unterwegs, oder war das nur ein Gerücht? Zum Glück haben wir von allem dem nichts mitbekommen.

ähm, das würd mich aber interessieren, ob an der story was dran ist. scheinbar hat ja jemand auf goatrance.ch einen eintrag gemacht, dass er mit der kettensäge kommt und "goahippies" (da hätt ich ja noch glück gehabt...) niedermetzelt....

also wenn der typ dann tatsächlich mit ner Kettensäge auftaucht, ist das schon scary......

ist tatsächlich so.. kei witz.
kranke sau..

kaidun hat geschrieben:ist tatsächlich so.. kei witz.
kranke sau..

voll krank, ich hoffe den haben sie gleich mal in eine zwangsjacke gesteckt.....

@ gian i hoffe hesch em nüt vo minere party am friitig gseid...

@ gian i hoffe hesch em nüt vo minere party am friitig gseid...

ou ez hätten wele ufd gesteliste due.. fuck
überleggmer aso nomo öbi söll cho spiele.....

Ich hoffe, die haben den geradewegs in die Gummizelle gesteckt. Hallo, geht's noch?

Mit ner Motorsäge an ne Indoor... im Wald hät's wenigstens Bäume gehabt!

Mit ner Motorsäge an ne Indoor... im Wald hät's wenigstens Bäume gehabt!

ich schmeiss mich weg..

sodeli etz hanis au mol gschaft min sänf de zue ts gä noch dem herte lange aber voll coole wickend.

mis wickend het am donstig obe a gfange weder mol party im sedel in luzern
esch voll de boerner gsi aso vom saund ond de gmüetleche lüt
am fritig einisch am morge hei ko den es paar stöndli go schlöffele

am fritig obe klei dekos pastle bes am samstig morge früeh
am obe den ändli ab is vario det a ko upsss beni etz im falsche felm

do lauft doch eine met de ketensege ome do hani grad gmeint i sig im kettensägenmasaker 3 glandet heeh

wonis de mol realisiert han was do eigentli ab gloffe esch hani mi ome gluegt ond de ombau ferändrige a glueget ond han müesse säge momol nice hend die das gmacht aber do könt me schono klei öbis mache oder Henzmann?

zom saund esch supi dupi gsi äme im hendere flor oser dases es petzli ts hell gseh esch.

@Saphira has ned vergässe scheke der dens föteli so bald echs ufe rächtner glade han ond P.s het mi mega gfreut dech ts kenne lehre freu mi di weder mol ts gseh aber hoffes ts nöchst mol anere outdoor hehe

so am 11 am sonntig morge beni den mol rechtig basel ab kutterlet ond han en schöne sonntig nomitag im Thermalbad gnosse osert das ech gmerkt han dasmer noch sone partys ts damfbad und sauna ned söti beträte me werd au schampar müed det enne heeh.
gäge spote nomi simmer den ab noch basel cyti gange ond so witter hehe alles im allem es mega wickend gse woni so lang nömme werde vergässe so wönsche allne no en nice wick

Kettensägenmann

Jo de han ich no vergesse oder besser gseit extra net erwähnt , aber jetz wo drüber disskutiert werd, wett ich no dezue Sage, sowas het scho fast tradition a de Delirium es isch immer ergend öppis wo schräg glaufe isch, und das säg ich net well ich D Org wett schlecht mache im Gegeteil, ich findes eifach extrem Trurig , dass es Lüt get wo sich so mit irgendwelche Substanze zue dröhne und denn net demit chönne umgoo.

Was mich a dem ganze Stört isch die ganzi schlechti Promotion wo so einzelni Dummchöpf und psychos für unseri Szene mached, ich meine das sind ebe genau die Schlagzile wo unter anderem , näär Goaszene kabutt mached.
Ok dass i de Szene Konsumiert werd isch jo s einte, aber simmer ehrlech es isch jo net de Konsum selber wo schlecht isch sondern d Uswürkige bi gwüsse Lüt wo denn Usticked oder juni Mädels wo s Gfühl hend es seg weiss net was passiert, und so witer und so fort.
Und das Alles i unsere sogenannte fridliche Szene.

Ich sueche sit Monate en Location, und well ich en Suberi Sach wett mache und net go Lüge dass ich en Localität bechome, han ich mini grösti Müeh dermit öppis z finde wo au passt und mer öpper gern und ohni bedenke vermietet, und goz eso witer gsets schlecht us für mini Party im April, ich han sitt Dezember 24 Absage bechoo, ir umgebung Olten Lenzburg Frick Und sogar bis uf Bern bin ich go Sueche und abkläre und mich schissts langsam a, ha jetz no 2 offe wo ich sett bescheid becho die Woche sind das weder absage , denn wird das ganze wo Plant isch is Wasser falle.
Also das isch jo nur mini Party, aber mached witer so denn werd alles nur no schlimmer und no schwerer en Location z becho für unseri Partys.

Ich weiss es ned ha jetz das eifach mol müesse los werde, es isch eifacht Schad , well es isch jo net so schwer sich einigermasse Anständig zu verhalten.
Es isch afane trurig wie Masslos dass d Lüt inehaue, do no eis det no chli und und und also Masslosigkeit hoch 27, würd jo nüt sage wenn den näär net so züg passiert. S trurige a dem Ganze isch jo dass es nur en chline prozentsatz isch wo sich net benee chan, es het so viel Lüt wo a Partys gönd und wend öppis erlebe, sich entspanne ,Tanze ,abschalte, und was weiss ich, und alli die müend näär konsequenze träge für settigi Psychos.

Jo, was sell ich no sage ..........................eifach trurig..............................schade.


Fra aka Bahia

hesch scho rächt Fra...truurig, truurig