08.03.08 Eli's Geburiparty
Verfasst: Mo 10. Mär 2008, 18:52
Salü mitenander und hoi eli
, ich han mich do nomol ganz herzlich deför welle bedanke, dass mir a dinere Party hend dörfe uflegge, es hett verdammt Spass gmacht und mir sind jederziet wieder debie , und wegem Flyer esch au easy, d'lüüt hend hoffi mal scho gschnallt, dass d'Nooboot eigentlich d'Moonboots send 
.Zude Party selber chani nur sege: eifach de hammer gsi, zwar echli frostig ide Nacht, aber mit öppe 3 Jackene und 2 Schlofsäck
hani warm gha. Vom Sound her sind natürli die erste 6 Stund voll zgeil gsi *g* , da ja eigentlich nur euse Fründechreis für de Sound zueständig gsi esch. S'Set vom Equirel und em spontan mitmachende Fingolfin het mir sehr guet gfalle und nacher no de Ajanix und de GalakticVibes(wo nach dem viele üebe scho voll s'professionele Niveau druff hett, *congratulations*). Da ja Drastico erst am Morge cho esch, hends na en Stund länger chöne Sounde und ich han am Schluss auna en Liedwunsch chöne iefetze, lol, obwohl ich uf de CD s'4. lied han welle aber de Cue Point bim 3. gsetzt han, voll verhengt (jaja de gratis Whiskey für Dj's esch gschuld), esch hald anstatt Ziki - Tactic Mind gloffe, zum Glück au en hammer Track gsi .Hmm nacher esch denn mal Nygma cho und hettmer eigentlich au guet gfalle, chli düsterer als euse Sound aber d'stimmig esch cool gsi. Sokrates & Garfield hend glaub so ziemli s'standard set brocht mit es paar Änderige, leider bini nacher echt zmüed gsi und ben go penne bis am 08:30. Woni denn mal wieder ufgstande bin esch scho ziemli gli Rasael und Herve cho und endli hani sie mal wieder gseh, in letschter Ziit beni amigs am Morge nüme a Partys gsi doch dasmol hanis endli wieder mal dörfe erlebe, voll die flüügerli melodie wow , nacher Drastico hett ich persönlich lieber ide Nacht ghört aber au am Tag esch de Sound voll abgange. Cämix hett mich dasmol ned so wahnsinnig mitgrisse aber bin au chli dure gsi, aber es hett es paar super Tracks i ihrem Set gha
, öhm ja und ergendwenn simmer denn nach öppe 4 Aläuf mal gange D'Lüüt und stimmig sind miner Ahsicht na würkli sehr guet gsi und s'Wetter hett ja au voll verhebt, am Morge wos denn na d'blache wegg gno hend und somit de ganz Dancefloor is Sunneliecht taucht wurde esch, super sach.
Also ja wett namal de Eli und de Seli Danke sege, all de Fründe wo ihre ghulfe hend die Party zverastalte, natürli au em Garfield, wo au mega viel gmacht hett, im Höschi (er heisst glaub so mitem Soundsystem), hammer alag Soundqualität esch mega suber gsi. Öhm ja hoffe han niemert vergesse, danke nomol a alli.
Leider muess ich jetzt de suuper positivi Report no is negative inezie. Ich weiss die Diskussion hets i dem Forum schomal geh, aber ich weiss nüme ob ich mich s'letschtmol dezue g'üsseret gha han oder ned, jedefalls schrieb ich jetzt do no mini persönlich Meinig:
Wo ich öppe am 3:30 zu mim Zelt gloffe bin hani gmerkt, dass es paar Hünd mega Luut am belle send, ich han mis Zelt hinder de Boxe gha und wenn mer uf de Dancefloor esch, hettmer d'hünd ned ghört. Zerst han ich denkt, OK, die bellet jetzt wills mich gseh hend und ich do dur de dunkli *Wald* laufe, aber sie hend eifach nüme ufghört, selbst det wo ich scho i mim zelt gsi bin. Plötzlich hett en Hund afoh jaule wie wenn mer en voll hane würd quäle, es hett tönt als würd mer mit eme spitzige Gegestand uf de Hund isteche und ich glaub fast jede cha sie vorstelle, wie ich mich i dem Moment gfühlt han, ich bin in nullkommanichts us mim Schlafsack kroche und halbe vöregrennt, ohni gnau zwüsse, sölli jetzt zum Hund oder de go sueche wo de Hund ghört, kei ahnig, jedefalls han ich i dem Moment so en Wuet verspürt gegenüber dere Person wo de Hund mitgnoh hett. Und ich bin ganz ehrlich, ich hett die Person am liebste zämegschlage (also wenns e Frau gsi wär natürli ned), ich bin eigentlich kei gwaltätigi Person (was mini Fründe bestätige chönd) aber i dere Situation hett ich mich glaub ned under Kontrolle gha. Vilicht denket jetzt es paar, wow wie chan de so usflippe nur will en Hund am jaule esch, aber naja, das hett no anderi zämehäng wo do jetzt ned gnäuer erlüteret werded. Sicher esch diskutiere besser als Gewalt, aber ob das immer de glichi Effekt hett, isch zbezwiefle
. Jedefalls isch de springendi Punkt a dere ganze Sache, dass ich es nöd chan verstoh, wie mer sim Hund so öppis chan atue und en mit ane Party neh, mir isches scheiss egal, wenns denn Lüüt het wo seget, de esch voll intollerant, akzeptiert kei anderi Ahsichte etc. bla bla bla, HÜND GHÖRET NED A PARTYS!!, und jede wo en Hund mit ane Party nimmt(lol es gett sogar so tuble, wo hünd a indoor partys mitnehmet), isch i mine Auge voll weich!!! Aja ade Party bini fast no vo 2 Hünd bisse wurde, will die so verstört ume gloffe sind.
Hmm das hett jetzt richtig guet to, dass vode Seele zrede und bin gspannt was ihr dezue meined.
Wünsch euch no en schöne obe!!
Bravo, dah bin Ich 130% dinärä meinig! Und schriebä chamer das nie zvill, wil jede Hund anärä Party isch s zügniss vonänä Weichbächer wos immer no nid tscheget hed.
D Ohm-Vögel send zuu wetzig gsi aber de onabsechtlech Drift met dim Hippiebüssli esch au ned übel gsi 
wer scho kuul....
