mysticalforum

Hy Jungs,

ich wett euch zu dere erste Party gratuliere das händ ehr super gmacht, super stimmig , gueti Lüt und guete Sound.
Mit guetem Sound mein ich au , es het vo allem chli öppis derbi gha.
Ich muess sage ich han würklich sehr gern für euch gschpillt , und wenn ihr wieder mol ein Party lönt lo stiege, denn chom ich jeder Zit gern wieder für euch cho sounde.

Ich han mich super wohl gfühlt und han das mol es guets Set abgliferet , glaub ich uf jedefall, i dem Sinn au es THX an alli wo de Weg zum Nachtschattetanz gfonde händ,
und zäme mit uns allne is neue Jahr gschacked sind.

Es het uf jedefalls gfägt, witer het mir die Ganzi Athmosfäre gfalle chli und Familiär, bin überzoge uf de Time gate het ich mich net halb so wohl gefühlt.

Danke im Solanum Team für die Party , Thx dass ich han dörfe debi si, das isch würklich ein gelungener Start is 2008 gsi, bis bald.


Gruess Fra aka Bahia


No es paar Bilder und impressione zu dem Festli :






























Greatings Fra aka Bahia ( Space Nomads )

Gute Obe. Oder wie i mim Fall Gute morge.

Bin au mit ere super stimmig hei gange. Isch e super obe gsi.

S line up isch en super mix gsi. Chli schnäll chli Dark chli Full und e prisse Chill.

Auso es het sich würcklich glohnt Snowboard Ferie Abzbräche um wider e chli go rocke.
D Deko isch dezent gsi und het sich ufs wäsentliche beschränkt. Weniger isch meh...

Leider hani no e chlini Kritik a d Chai Chuchi.
Lüt Probieret doch bitte de chai be vor ihr en Verkaufet.
Am Schluss hets nur no nach warmem Wasser mit milch gschmeckt.
Und duet doch d milch grad mit i choche. Sust chunt me en lauwarme chai über.
Aber no Probs. Ihr händ de lade super gschmisse. Besser aus mäng angere wo s erste mau so en gig verastautet.

När hani no en chlini Frag.
Wän gits die nächst

nemotilz hat geschrieben: Leider hani no e chlini Kritik a d Chai Chuchi.

do möchti mi aschhlüsse

aber was sölls, denn alles i allem han ichs eifach meega schön gfonde. Ich ben zwar erscht vor de 6ne am Morge uftaucht; han aber no ordeli Spass gha. Esch es Gfühl gsi wie heicho woni ufs Gländ gloffe ben *träum*

Omline am Morge früe hed mer meega gfalle. Han paar Mol hei welle aber mi eifach ned chönne losrisse. Schad heds kei Demos gä....

För min Gschmack esch vell Möll omegläge. Han denn grad no well kei Iitrett zahlt no chli gfötzelet bevori gange ben.

Och Jugs... es hed soooooo guet to wedermol dosse uf de Matte z sto ond sech triibe z lo *hüpf*


@Nadja: esch mega schön gsi der bem öberd Tanzflächi schwebe zuezluege. Besch es herzigs hippie girl

@all: Love & Light ond nomol es guets Neus voll Glöck ond Gsondheit

Sven

...hallo zusammen...

...es fing mit einem zauberhaften film der marke "blair whitch projekt"an...so verbrachte ich 0.00 allein im wald gegenüber, dem taxifahrer sei dank...nebel überall...von überall her knallkörper, die die gespenstische stille vertrieben...dann das läuten einer glocke, die womöglich religiösen hintergrunds war...zurücklaufen...dann endlich ein auto, noch ein taxi...noch jemand, der in diesem moment mein schicksal teilt...eine stunde umherirren, aber wenigstens nicht allein...dann ein polizeiwagen, dessen inhalt uns freundlichst darauf hinweist, dass beim foifweiher niemand ist...dann endlich die erste kerze...freude puur...

...die töne liessen nicht lange auf sich warten...die atmosphäre war irgendwie süss, hatte etwas von den alten partys, die mit wenig aufwand überzeugten...sogar die anlage sowie der fast gefrohrene chai hatten dazu gepasst...die musik liess manchmal zu wünschen übrig...mitten in der nacht teilweise ein kitsch-gedüdel, dass keinen ganzen satz we...
...dann progi, dass eher zur hellen zeit der party gepasst hätte...und dann full on, dass ich mir eher in der nacht gewünscht hätte...der schluss war dann genial, wenn auch sehr leise...das frühe ende tat der stimmung auch nicht wirklich einen abbruch...

...trotz des unprofessionellen charms hinterlässt diese kleine waldparty bei mir einen schönen nachgeschmack - vielleicht gerade desswegen...

...was auch ein grund ist, wesshalb ich 1. wiederkommen würde, 2. den organisatoren danken möchte, und 3. froh bin, nicht doch an die zeitbrücke gegangen zu sein - wie die überwältigende mehrheit...

merci vell mol a all die lüt wo cho send und es speziels dankeschön ah ali hälfer und djs ich hofe das der chai snächschte mol beser use chund den gniesbar wäri anderscht. isch uf iedefal en neui erfarig gsi und es esch schön so fell lüt gse wo sech fröied das macht scho gluschtig no mol eini smache aber jetzt wot ich au no chli go party gniese

s isch würklich es meega schöns fäschtli gsi... klein aber fein s het vorallem meega spass gmacht das ich a sonere party s erscht mal han dörfe uflegge

isch en super abschluss gsi fürs alte jahr... und en hammer start is neue

dankä für diä glungäni party...

hallo ihr liebe

mir hät d party au guet gfalle...

equirel hät es paar mega schöni trippigi lieder laufe laa... hät mi voll driigsoge und es sind au ordentli lüüt um mich ume am abshake gsi.. isch voll geil gsi mit eu!

pinky and brain...ich versuech mich jetzt so diplomatisch uuszdrucke wie möglich... falls sie sich zum ziil gno händ, da absolut unpsychedelischti sound zspile wod goa-szene zbüüte hät, dänn händs echt voll abgsahnet...

und dänn sokrates...*stuun*... vor einehalb jahr i mine auge no es musikalischs genie mit eigene ideä und ächter persönlichkeit im sound... und wäni ihn jetzt a de party nöd hinder em mischpult gseh hett staa, dänn hetti de sound echt nüme als sini musig erkännt...mis herz hät scho chli blüetet über die wandlig, aber bi de lüüt schiints azcho.

ich bin dänn chli in wald und han mer d schönheit vo de natur iezoge... de näbel, d bäum, d stimmig i dere nacht... ich bin u dankbar gsi, dass ichs neue jahr han dörfe a some mystische platz afange.

danke omline für di schön musig am schluss! hätt voll guet taa und min ganze körper i schwingig versetzt... han mängisch s gfühl gha z schwebe... isch echt schön gsi.

alles i allem e schöni, familiäri party mit villne strahlende gsichter... danke!

ich ha die party au cool gfundä !!!

dankä a d organisation für das fäscht hät spass gmacht !!!

greetz !

Zersch woti mol allne danke wo die Party ermöglecht hend, suscht wäri ned vell gange ohni all die helfer ade bar, dj etc... danke für euche isatz!

Es het eus mega spass gmacht die Party dörfe z Organisiere und mer euses beste ge dases guet usechunt und wiemer sgfühl hend esches das au

Fode Party selber hani denn ned sovell metbecho weli au vell beschäftigt gsi ben aber i denke es esch e glungni sach gsi und het hoffentli allne spass gmacht

Wänn gits die next?

Jo das wösemer nonig gnau, aber wasmer wössed dasmer secher weder eini mached denkes so früelig/sommer secher weder eini

Danke no a all wo cho send esch bi ba boimig gsi

Beni


Edit: No öpis chlises: am 12 am mettag ca. esch denn au no deilipoz cho aber denn hemmer de sound scho abgschalte gha und si hend nurno gmeitn mer hege das super gmacht demfall jetz alles em grüene bereich

Für mich isches en absolut schöne Sylvester gsi!
Nur scho s'Acho... no ganz leer, zmitzt im Wald de chlii Platz, herzig dekoriert, es Plätzli zum höckle, sFüür und ganz liebi Lüüt vode Partyorganisation...

Und dänn weti vorallem eis säge: Ich find dJungs am Afang (Dominik, Carlo, Andrew, Philippe) händ ihres 1. Mal (bzw. 2. Mal) uflegge super gmacht! Und dFreud won ihr debi gha händ isch dütlich überecho! Danke, isch schön gsi das mitzerlebe... nur weiter so, das chunt guet!


Nach usgibigem Tanze under anderem Dank em Sokrates, hämmer dän gäge de Morge au chli die mystisch Stimmig vom Wald gnosse. Mega schön gsi...

Und so wünsch ich eu allne uf dem Weg no alles Gueti fürs neue Jahr! Es wird alles so sii wies sii muess...

So, mäude mi no es letzt mol zu dere Party , das mol usgschlofe und erholt, auso natürlich isch mir bewusst gsi, das min Sound het selle ir Nacht laufe, oder angersch usdrückt, dass ich het selle Morning Sound spiele, aber ich han das nit gmacht, well das erstens de Sound gsi esch wo no niemert gespillt het, und s au einigi Gä het wo Do druf gwartet händ,a dere Stell THX an (CHRIS , SASCHA, CHREGU, DANIEL, TIMBO UND PASCAL), ihr de Wäg zum Nachtschatte doch no gfonde heit zum das Killer Set cho lose.

2TENS han ich mich so Gfühlt, und han eifach welle mit dem Set is 08 starte, und ich han mich au a kündet mit dem Sound.

Witer wett ich au no derzue sage, ich han Jo gwüsst, das der Omline noch mer Soundet und bin mir sicher gsi dass er denn am halbi nüni die Party mit sim Sound scho wird easy abefahre, drum han ich denkt gib ich no mol Gas!!!!!

So auso THX nomol an alli Orgs, Musikans und Partypeoples für das fest, het mich gfreut euch kenne z lehre.

Cu bis Bald Fra aka Bahia

thanx very much... isch u schön gsi. vorallem woni denn am morge veschtgschtellt han das ich total verdräcket gsi bin...bi scho lang nümm per öffentlichi verchehrsmittel hei gange wiene junky (sorry där usdrock) aber i han teilwiis sälber müesse ab mir lache weil i han uf de schwarze hose fläcke gha wie der oli kahn nachemne parade match gäge barca... aber egal, danke ad orgis...dr eint o anger hani ja glaub vollglaberet o muen da nit no meh lob verteile. mr dörf sich ja schliesslich nüt iibelde.
ok, sorry i han mis velo im wald nümm gfunde, falls das öpert gfunde het...i hans au gfunde, so per zuefall (villich isch au en andere drmit hei) ...ich vermisse immer no idr schwiiz dr velo-bahnhof wie in holland...
aber zrugg zur party:
d musig hett für mini ohre chli lüüter dörfe sii...sdeko isch wie da glaub scho mau erwähnt bescheide ufds wäsentliche beschränkt gsi. nit zvill o nit zwenig.
i han e huufe bekannti gsichtli troffe o muen au säge das allgemein sehr gmüetlichi lüüt dete gsi sind...hmm, für mini verhältnis mängisch e chli zu gemütlich...aber i bin ja au e schtinkendi wildsau o sött nit welle mit fiine meersäuli go dräckele...
bis zum nechschte mau...

Ich möcht mich ganz herzlich bim Beni und de andere Organisatore bedanke für eini vode geilste Partys im 07. Ganz bsonders möcht ich au nomol Danke sege, dass mir hend chöne uflegge, es het verdammt Spass gmacht und es hett immer wieder Lüüt am shake gha und gege Endi vo eusem Set sind recht viel am tanze gsi, danke euch au, cooli stimmig hender verbreitet. Die ganz Atmosphäre esch eifach toll gsi, wedermal sone richtigi Goa Party im Wald und das mit de Militärdeckene hinderem Hüsli isch au super gsi zum chli relaxe.

Jedefalls esches super gsi und wenn ihr wiedermal en Party machet, wäret mir au wieder gern debie

I dem Sinn no en schöne Obe und Guet Nacht