mysticalforum

Da anschiinend süsch niemer s Bedürfnis het do drüber öbbis z schriibe (bini öbbe dr einzig gsi vo däm Forum wo dört gsi isch?), machi itz haut es Thema drzue uf (weis gar nid obi drzue überhaupt befuegt bi ).

Auso, dasch mini ersti Goaparty gsi und i mues säge, s isch e gueti Erfahrig gsi und i weis itz: Nie wieder Indoor! I wirde sicher wieder mou ane Goa go aber denn unbedingt Outdoor, wüu für e Nichtraucher isches tatsächlich e totali Tortur. I mues säge i bi erstuunt, wiviu do graucht wird und vorauem wi viu kifft wird!!!

Anonste hani punkto Sound öbbis völlig anders erwartet!!! I ha jo äxtra nomou nochegfrogt was für Sound ächt z erwarte isch und mir isch gseit worde, eher heitere Goa und weniger Dark, aber es isch s pure Gägeteil gsi. Di ganzi Nacht düre eifach nume RUMS RUMS RUMS, ok, so 3-4 Stund isch das ganz nätt aber denn wirds aasträngend.
I bi vorauem abem Sound vom Bliss erstuunt gsi, bi drum uf sinere Website gsi chli go lose und das woner dört so druffe het tönt für mi no rächt guet, aber a däre Party het au är hets mi dünkt praktisch nume huere brutale Sound abgloh wo mi teilwiis fasch echli a Hardcore Techno erinneret het .

Und:
Mi hets dünkt d Soundqualität sig hundsmiserabel gsi....oder emu dr Bass sicher 5 mou z heftig, zum Teil hets irgendwie scho Melodielinie gha, aber die hani fasch nid ghört wüu dr Bass über aues drübergwummeret het.
Ersch am Morge am 9i isch denn dr Sound chli passabler worde aber denn bini scho viu z K.O. gsi.

Trotzdäm bini so am eis, zwöi am Morge mou zimlech heftig abgange, denn hets au am meiste Lüt gha, d Bude isch zimlech gfüllt gsi und i ha tatsächlech dä "tranceähnlich Zuestand" erreicht woni eigentlich aagstrebt ha, ohni Droge (nume chli z viu Alk ). Und vo däm her het sechs trotzdäm glohnt.

Aber in Zuekunft wirdi mi chli besser informiere, damit möglechst folgendi Pünkt gwährleistet si:
-Outdoor
-Guets Soundsystem
-Gueti Mischig zwüsche Bass und Melodielinie
-Vorwiegend sehr melodiöse Fullon
-Aagmässni Priise ar Bar (isch vo mir us gseh völlig überrisse gsi!)

jo dasch sone sach wen mer natuerlich nichtraucher esch aber ebe chasch ned emmer goenne. i has eigentli voer en indoor no ok gfonde.ond die schoen walliserin met de lange donkle hoor ui ui ui

firetiger hat geschrieben:jo dasch sone sach wen mer natuerlich nichtraucher esch aber ebe chasch ned emmer goenne. i has eigentli voer en indoor no ok gfonde.ond die schoen walliserin met de lange donkle hoor ui ui ui

Aber dr Sound isch doch würklech viu z basslastig und qualitativ schlächt gsi.....oder steui do z höchi Aasprüch?
Mi hets dünkt wo denn am 9i mou chli Melodie driicho si dass die so wie zwüsche däm Bassgedonnere zerschellt si, die si gar nid richtig zur Gäutig cho.

firetiger hat geschrieben:i has eigentli voer en indoor no ok gfonde.ond die schoen walliserin met de lange donkle hoor ui ui

was e walliserin mit schwarze längä hoor und emne wunderschöne gsicht, so öbbä 19 oder 20??
wenns die isch woni meine....de hetsi mi ou scho mau verzouberet are party....isch sogar no e sehr ä nätti xi

jetzt mol ehrlich zu basslaschtig esch es voer mech ersch weni i mini pompi gschpoere.ond sowiso eifach mol z frede sie met dem wo grad griffbar esch waer au mol laessig. went daenksch s get laender ohni strom ond flueesend wasser usw,ond eusereis jommered die ganzi zit.chasch jo mol d zitig uftue em fernseh chasch es au emmer weder gseh ond mer laetschet emmer a allem omme.

firetiger hat geschrieben:jetzt mol ehrlich zu basslaschtig esch es voer mech ersch weni i mini pompi gschpoere.ond sowiso eifach mol z frede sie met dem wo grad griffbar esch waer au mol laessig. went daenksch s get laender ohni strom ond flueesend wasser usw,ond eusereis jommered die ganzi zit.chasch jo mol d zitig uftue em fernseh chasch es au emmer weder gseh ond mer laetschet emmer a allem omme.

Öhm.... Was hei itz dritt Wäut-Länder mitere Goaparty ztüe? I säge nume dasi erstuunt bi dases so brutale Sound gsi isch und froge mi a was das ligt. Das isch aues. Weni gwüsst hätt dass dr Sound so dumpf isch hätti uf e nächsti Glägeheit gwartet.

bliss is a genious! just open your mind... or get a BETTER SOUND SYSTEM hehe

hey dragonfly vergesses voer hoet i muess jetzt bauer sucht frau luege

Mir hätts gfalle...Bliss isch genial gsi

Ich denke, es isch eher a de Soundalag gläge, dass es teilwis so schlächt tönt hätt.
Je nachdem, wo mer gstande isch, isch es au wider besser gsi...aber als Laie säg i da gschider nöd meh dezue

Danke Windkind, Dj Lockvogel und Ella (?), ihr händ mit euiem Sound defür gsorget, dass d Pause vom halbi 4 bis am 5 kei Sekunde langwilig gsi isch

So ganz näbebi han i sogar no mini Französischkenntnis chönne uffrische

Ich chume uf jede Fall gern wider mal uf Biel...danke allne, wo die Party uf d Bei gstellt händ

Heya Dragonfly, da ich selber Nichtraucherin bin chan ich dich guet verstah. Mir isches a Indoorpartys au viiiiil zveraucht, extrem stickig und zu heiss vor allem wänd so meeega am shake bisch wies ich immer bin

Ich würd dir uf jedä Fall wärmstens empfehle ane Outdoor zgah. En Outdoor chasch mit ere Indoor nöd vergliche, isch ä total anders Erlebnis!!!

Oh Dragonfly... i glaube du hesch di fasch scho z fest mit auem usenanggsetzt, so dass du dir us Informatione im Internet und us Erzählige vo angerne scho so e gnaui Vorstellig vo Goas gschaffe hesch, das im Prinzip ja fasch muesch enttüscht wärde...

Sicherlich chöi sech nid aui gliich defür begeistere, meines nid bös. Was bi de einte es Kribbele uslöst, laht de anger chaut. Erzwinge chame nüt. I ha ahand vo dine Schilderige z Gfüeu, du wetsch das scho fascht krampfhaft eso erläbt ha, wieme's dir verzeut het.

Bis nid z fescht enttüscht. Gang ersch wider ane Party, wes di würkli so fescht gluschtet, dass di nüm chasch zrügghaute.. wiu di wotsch bewege zu dere Musig unger "Glichgsinnte". Und zwar frei vo jegliche Erwartige. De chunnts scho guet. U süsch weissme de wenigstens, dassme nid viu cha afah demit, u das isch immerhin en Erkenntnis

Also ich hans luschtig gfundä...
Findä aber au das dä sound i dä nacht sehr sehr härt gsi isch. Aber Dark isch das no lang
nöd gsi! Zum glück nöd, suscht hettis glaub nöd usghaltä. Für mich isch dä Windkind (8.00- 9.45)
dä absoluti höhepunkt gsi! Keinä hät so intelligentä Sound abloh wiä er. Nöd eifach sinnlos härt,
sondern mit niveu (weiss nöd wiänis anderscht söll sägä). Dä Live-Act vom Bliss hani nöd schlächt
gfundä, aber ja, nüt speziells. Er hät übrigens am samstig zum erschtä mal Fondue ka!

Dankä no a alli wo i dä pausä zu üs übärä cho sind. Isch super gsi!!
Dankä au a dänu für diä sehr guätä gspräch wommer ka händ!

Freuä mi scho uf diä nächst Biella Party!

Bis dänn

Ja und...?

Hätt er s Fondue gern gha??

Er häts gärn ka, ja. Vorallem wo dän dä Kirsch ufä tisch cho isch!

Saphira hat geschrieben:Oh Dragonfly... i glaube du hesch di fasch scho z fest mit auem usenanggsetzt, so dass du dir us Informatione im Internet und us Erzählige vo angerne scho so e gnaui Vorstellig vo Goas gschaffe hesch, das im Prinzip ja fasch muesch enttüscht wärde...

Sicherlich chöi sech nid aui gliich defür begeistere, meines nid bös. Was bi de einte es Kribbele uslöst, laht de anger chaut. Erzwinge chame nüt. I ha ahand vo dine Schilderige z Gfüeu, du wetsch das scho fascht krampfhaft eso erläbt ha, wieme's dir verzeut het.

Bis nid z fescht enttüscht. Gang ersch wider ane Party, wes di würkli so fescht gluschtet, dass di nüm chasch zrügghaute.. wiu di wotsch bewege zu dere Musig unger "Glichgsinnte". Und zwar frei vo jegliche Erwartige. De chunnts scho guet. U süsch weissme de wenigstens, dassme nid viu cha afah demit, u das isch immerhin en Erkenntnis

Nei äbe wie gseit, es isch für mi e tolli Erfahrig gsi, trotz auem und au wenn dr Sound nid 100% mis Ding gsi isch...es isch gliich abgange und es ischs Wärt gsi. I hamer itz eifach gseit dasi nümm ane Indoor go wüus mer eifach z verraucht isch.

Hmmm und punkto Sound.....i ha Goa bishär nume uf mim chliine 6-Watt-Playerli i mim Zimmer kennt und dört hani mitübercho, dass au im Goa dr Beat eigentlich nume e elementare Grundbaustei isch vom ganze Sound, wo jo au i aune andere Trancearte vorchunnt. Es isch nid wie im Hardcore, wo dr Bassbeat eifach im Vordergrund stoht.....das isch mini Aasicht gsi und drum bini zimlech überrumplet gsi wo do a däre Party dr Bass so huere gwummeret het. Klar ischmer bewusst gsi dases viu lüter isch und somit viu meh "vibriert", aber i ha überhaupt nid drmit grächnet dass dr Beat so viu breiter isch. Für mi isch Trancebeat (ob Goa oder Mainstream) e Beat wo im Hintergrund so chli "tp tp tp tp" macht und em Sound e Bode git und nid e Beat wo im Vordergrund stoht und die andere musikalische Elemänt fasch überrollt.