mysticalforum

sooo montag und mir tut noch jeder knochen weh

zuerst mal etwas 45min zu fuss unterwegs bis zur party... ein schöner nachtspaziergang mit klarem sternenhimmel! es war aber etwas anstrengend, da ich noch mein equipment mitschleppte.. (aber was macht man nicht alles hihi).. trotzdem schöne reise in das elfenland

angekommen und zuerst einmal von den vielen kleinen teelichtern verzaubert. liebevolle leute. viele bekannte gesichter. nettes PA. alles friedlich und gemütlich.

zum sound:

- mellycimy: ich wüsste nicht wann ich zum letztem mal zu fullon/oder gar dark so richtig abgehen konnte. echt super aufgelegt. kompliment!

- laughingspacedevil: verzwirbelter sound, richtig oldskoolmässig aber trotzdem neu. schade wegen dem stromunterbruch (kannst ja nix dafür). aber mach weiter so.

- gj-i-sawa.... oh yess!! ..keine weiteren kommentar. einfach super

- psycharox. oldskoooool! oh war das schön wider mal die guten alten tracks zu hören. sehr schöne auswahl

- kollegoli: du hast mich am meisten überrascht. dein sound ist einfach sooo schön und warm. alles wirkt harmonisch... trotzdem dass ich mich fast nicht mehr auf den beinen halten konnte. dein sound hat mich nochmals gepackt... eine phantasievolle musikalische reise. danke. weiter soooo...

danke fürs organisieren... war eine mega schöne party. schad dass die blaumeisen am nachmittag noch auftauchen mussten.. das wäre ja echt nicht nötig gewesen, da die party eh gleich fertig war... naja hoff es gibt keinen ärger.

nochmals THX für alles

gruss

psygnosis

Hallo ihr lieben Organisatoren,

ihr habt meinen Sonntag gerettet.
Nachdem mein Wochenende immer mehr zerbröckelte und so einiges ungeplant und schief verlief, war ich Samstag nacht um 1 Uhr wieder zuhause.

Am Sonntag morgen war mir dann ziemlich schnell klar: ICH HABE BEWEGUNGSDRANG.
Etwas untüpisch für mich habe ich mein Auto angeworfen. Kurz bevor ich losfahren konnte ruft mich doch auch noch ein bekanntes Pärchen an. Ebenfalls Frühaufsteher

So trafen wir uns kurz vor Mittag auf dem Schwarzenberg und durften nach dem hübschen Spatziergang noch ein wenig feiern und die Knochen schütteln.

Noch ein Stück netter remember Goa (in meinen Ohren jedenfalls) und chilliger Sound zum Runterkommen.

Das ganze hat uns so gut getan, dass wir auf dem Rückweg das Verlangen hatten noch was Gutes zu tun und allerhand Müll eingesammelt haben.

Ja... nochmals dankeschön... auch all den netten Gesichter die ich antreffen durfte.


@unkown met rote Hose: ich han no es paarmol dänkt: "wenns söl si werded mer eus weder gse"

amüsant fand ich auch die reaktionen der zahlreiche wanderer und biker....

einige zb ein älteres pärchen hatt sich, leicht zur musik wippend, sehr interessiert was wir da machen und so etwas hätten sie noch nie gesehen... die farbigen fäden und so und die "gspässige" musik.

ein biker hatt sich gefreut dass er doch endlich mal zufällig an eine goa fährt.

leider haben sich wohl einige nicht so gefreut... obwohl man die musik nun wirklich nicht weit gehört hatte.

Do chame nome säge BRAVO BRAVO

nome scho de fuessmarsch a das schööne plätzli uf tuuusig m.ü.m esch es wunderbars erläbnis gse,
wobi die volli pracht ersch bem rückmarsch mit tagesliecht richtig zur gäutig cho esch
absolut tadelloses soundprogramm esch eim bote worde... vo schubendem fullon über chlini dunkli iflöss bis zum geile progi esch alles debi gse und vo mer us gse alles zu sinere ziit...

...uf jede fall bis den wo mer zum sonneufgang s fäschtli verloh hend und s näbelmeer sind go gniesse wo ächt en troum gse esch!!

danke vöu mou, a alli wo zu dem schööne weekend bitreit hei inkl. de tanzende gmeinschaft... bis bald...

grüessli

[quote="psygnosis/mindsurfer"]amüsant fand ich auch die reaktionen der zahlreiche wanderer und biker....

einige zb ein älteres pärchen hatt sich, leicht zur musik wippend, sehr interessiert was wir da machen und so etwas hätten sie noch nie gesehen... die farbigen fäden und so und die "gspässige" musik.


jaaa... und zwei haben mit einem Lächeln im Gesicht die Deko studiert und sich ca 5 Minuten über das Geschehen unterhalten.
Niedlich

hed mer au sehr viel spass gmacht am morge no guete alte remember goa-trance oldschool sound ufzlegge, wo denn endlech d sonne dör de näbel broche esch. gern wedermou - nemme die alte platte emmer weder gern före.

danke für die blumen psygnosis

met emene liebe gruess a alli

bes zum nögschte mou

absolut ober geil isches gsi.

wohl die geilst party das jahr für mich.

D'Musig durchwegs mega und au schön abwechsligsriich.

D lüüt huerre geil. han no selte so viel lüüt so schön tanze gseh, vor allem am morge.

d'begegnige mit eu sind mega schön gsi.

gueti und luschtigi gspröch hani gführt. neui geili lüüt kenneglernt.

dank de sehr psychedelische musig und gwüssne interessante chueweide mit munzigchliine, interessante läbewese druf han ich au e sehr intensivi psychedelischi trance-erfahrig erlebe chönne. boah... das isch recht heftig gsi.

de DJ am afang hat mega geil ufgleit. scho det bini voll abghobe.

dann irgendwann d'melly. du hasch au supper ufgleit. mega psychedelisch und sehr triibend. sehr guet hat mer au die tänzerin gfalle vo det mega ufblüeht isch. isch schön gsi dir zuezuluege.

dann de ander DJ mit de rastas; isch au mega psychedelisch gsi, was i dem moment sgnau richtig gsi isch . zu dem set und dere situation bini voll i mich zruggkehrt (nach em schädliche büro- und normalogsellschafts-alltag, wo ich da in züri han, wo eus mega vo eus selber und vom "eigentliche" entfremded). i mir isch alles nur no explodiert.

dann de gi'i'sawa (oder so). du häsch au huerre geil ufgleit. au sehr psychedelisch. das isch au supper gsi. bisch eh en geile siech, tanzisch au sehr geil. isch immer schön gsi, dir zuezluege. en sehr psychedelische mensch.

dann psygnosis. isch au hammer gsi. wie immer mega schön und herzlich. ha zwar nöd allem zu hundert zueglost, welli mal chi ha müsse pause mache mit tanze und es interessants und wohltuends gspröch mit em david gha han.

dann psycharox. isch au sehr geil gsi. binary finary oléé, ich liebe die paar trancelieder wo da ammel ufleisch. und ja... ich weis..... schwanz!!! gell. . aber muss säge du losisch aso huerre luut. die monitore sind ja voll ohrefiggmässig ufdreit gsi. viel glück dim ghör !

dann ich selber. hey isch mega schön gsi, nach dere obergeile party mit eu obergeile lüüt no chöne für eu uflegge. und ich ha mi endlich au mal so richtig verstande gfühlt be dem set. es gid mer mega viel, dasses be eu acho isch und ich eu öpis vo mir ha chönne wiitergäh.
leider hat de compressor extrem dynamik killt, well irgend so en luschtige, ide hoffnig es wärdi lüüter, bem mischpult de master voll ufeda hät und ich das nöd tscheggt han. aber naja, nixda, da wird nüt lüüter. da wird nur dynamik weniger. aber es isch au nöd wiiter schlimm gsi.

dann schlussendlich futschmüed aber oberglücklich dihei acho, bin ich sanft aber plötzlich in schlaf verfalle.


a dere party bin ich mir minere brüederlichkeit mit allne andere lebewese, mit allem andere lebe, wieder mal düütlich bewusst worde. ich ha mi wieder afange richtig verbunde fühle mit allem. guet so.
zwüschedure hats mer aber saftig weh gmacht (wases au immer noimed dure macht und au jetzt no), wieni au ha müsse feststelle oder eher wiedermal mir bewusst mache, wie igsperrt vieli lüüt in ihrem routinierte und irgendwie schiinbar uswegslose lebe sind. da sind so viel blockade.. es isch so viel zwüsched em "eigentliche"/ em mensch/em lebe und de lüüt. so vieli mensche in eusre welt sind gfange in gsellschaftliche strukture und liideschaftslosigkeit... und es schiint für vieli kein usweg zgeh. das isch voll übel. zum hüüle übel.

umso meh hats mi am morge gschuubed, woni all die tanzende lüüt gseh han. ich ha mi wieder-gfunde inere mega geile gruppe vo offne, liideschaftliche und mega herzliche lüüt. lüüt wo ufenand lueged; wo lueged wenns em einte det oder da schlecht gaht. wo enand id auge lueged. wo enand ufenere noimet dure sehr tüüfe ebeni begegnet. dene mer tüüf und lang id auge luege chan und ide verschmelzig mit ihne ihrem herz begegnet...... lüüt, ich muess jetz eifach säge, dass ich schwer verliebt in eu all bin. ich liebe eu. vo ganzem herze.

während ich vor dere party nur no öpe 75% be mir gsi bin, bini jetz wieder 100% da und wieder gwappned fürs "zivilisierte", asoziale lebe da. ich hoffe, ich wirdes schaffe, anstatt d'kaputtheit und de stumpfsinn wieder uf mich übergah zlah, mini farbigkeit und lebensluscht chönne uszstrahle und chli die andere demit azstecke. es sind gnau partys wie die mit mensche wie eu, wo mich au i allne andere lüüt, wo so zliide händ under em gsellschaftliche druck, demit nöd klarchömed und deswege scheisse am laufmeter baued, de mensch und s'schöne, wo nämli au no mega da isch, wennmer ganz gnau luegt, gseh lönd. das isch e richtigi befreiig. nur dur die iisicht und die befreiig vom hass uf die mensche hat das ganze sinn und hoffnig.

ich bi uf jede fall eimal meh überzüügt:

1. psychedelischi erfahrige oder zumindest sone art rituelle stammestanz (oder ähnlichs) isch was essentiell wichtigs fürs menschliche dasii und die zwüschemenschliche beziehiige. es isch nöd eifach öpis, was da die komische verlumpte im wald oder alli iigeborene und naturnahe völker mached, nei, es isch was grundsätzlich wichtigs, ohni das e gsellschaft nöd funktioniere chan. einzenli mensche scho, aber nöd e gsellschaft.

2. d'menschheit isch im prinzip es verdammt geils pack, wenns chönnd und wennd. lönd eus ihne no meh gründ gäh, zwelle und zchönne. irgendwie.


danke viel mal

Kolleg Oli: Din Report, speziell de letscht Teil berüert mi mega. ha gad es Freudetränli verdröckt. D Energie chonnt total öbere. Genau so moses si. Du redsch us mim Härze. Danke!

Kolegoli!

bem Läse vo dim Brecht heds uf minere Huut agfange kribele ond es send fascht onendlech vell Erennerige begleitet vomne riiise Gfühlswall e mer ufe cho.

Ich kopier mer de Text use, de seid eifach alles wos z säge ged zomene sehr wechtige Teil vom mänschleche Dosi.

Ich hans geschter schomol gschrebe ond schriibs nomol:

Es tued so guet z gse das es no anderi Mäsnche ged wo ned abgstompft send, sonder öppis chönd a sech here cho lo ond au uf das reagiered.

love & light

let it flow ....

Oje ich han leider nöd chöne cho.

Han Kurs gha bis am Sunntig Namittag.

Aber wieni ghört han het sich es Lineup rächt verspätet, da hettis vilich doch no gschafft uf die letschte Träcks vom Oli... ?

De Kolegoli hegi eichfach nie ufgleit, und me hegi stundelang müse nachehaake und rede, bis daser entlich mit em Desset cho isch ( es beschte immer zum Schluss ! )
Vielich häter wele warte bis ich doch no chiem zum zuelose... ?

Es freut mi dases klappet het für alli, au mitem Wätter wiedermal, die mega Serie vo Outdoor-taugliche weekends grenzt a Zaberei... !

Bis bald amene andere Psycharox-belastete Lineup

cheers

Hey danke lüüt, für die nette wort. das freut mich sehr.

juhu !!



weni no vergesse han zerwähne, isch de laughingspacedevil. isch mega geili musig.. .komisch hatmer vo dir no nie was ghört..? wür mi uf jede fall sehr freue, dich wiedermal zghöre.

isch das ned eventuell de dancing devil gsie... de leit ja au als chilldevil uf...

viellicht isch er ja eifach laughingdancing druff gsie.. ? ?

abr isch nume so ne vermuetig...

neinei, das isch nöd de dancingdevil gsi

oke...
phantasie isch chlie durregange .....

bilder/videos folgen bald