mysticalforum

So, das isch doch au wieder as kliises, hübsches Bündner-Fäschtli gsii! Eigentlich hani ja scho am Namitag zum Grillplausch wella. Aber irgendwia händs da Kolleg und i dahei verhange. Wo miar denn am Obig am 10i uf da Platz cho sind, händ miar vieli hübschi und bekannti Gsichter aatroffe. Sogar üse Administrator isch ufem Platz gsii. Hät mi grad as bitz überrascht. (Wiaviel Näme häsch eigentlich no usser Müstik, Akustik und Psyborg?)

Aber egal wia di nennsch, was uufgleit häsch, isch eifach nur geil gsii! Das gliiche gilt au für da Jack`a`Tek und dr C-Mohn und dr Dogmatix. Alles neui Näme mit altbekannte Gsichter dahinter. Apollinaris und Freaxx hani leider verpasst, aber isch ja nid sletschta mal gsii! Schad, isches denn ir Nacht go regna cho. Aber i denka mal, as händ alli as troches Plätzli gfunda. Apropos Plätzli: Isch immer wieder hübsch an dera Location. Nid nur für as Helferfescht, nei, au für so a fiini Progi-Party. Am Morga han i denn wella as Stündli ins Auto go ligge. Naja, sind denn 3 druss worda. Wo i wieder cho bin, häts zwar nümm soviel Lüüt kah, aber us da Boxe häts immer no schön gräblet. Han au as paar neui Lüüt dörfa kennalerne. Zum Teil leider nur kurz. Grüassli an Souris! Bim nägschtemal pläuderlend miar denn as bitz länger!

Nach dr Party hani denn da Spaziergang dur da Wald mitem Hund so richtig gnossa. Isch ja nur 55 Min. gsii bis zur Huustüre!
Alles in allem a schöni Party gsii. Danke vorallem am Simon und am Guldi. Aber au da anderne vu da Pipifax Connection und vo Grillgos!
Freua mi ufs nägschtmal wenns heisst: Grillgos bsuecht Pipifax Connection! Viellicht ja au scho wenns heisst: Pipifax Connection bsuecht Grillgos!
Uf jeda Fall nomol allne Beteiligte recht herzlicha Dank und bis bald.....

ps: No an Gruass an Gimma! Ob er echt dSzene gwächslet hät?

Han scho grad müasa 2 mal luaga!

hey sali sämi, da gibt i dir rächt es isch es feuchtfröhliche grillparty gsi! het spass gmacht und danke au nomol am simon und allne helfer vo de pipifax connection

so ganz kleini partys händ doch no was schöns.

i würd sege das müssted mer fast nomol wiederhole ABER damol mit schönem wetter!

müstik hat geschrieben: so ganz kleini partys händ doch no was schöns.

i würd sege das müssted mer fast nomol wiederhole ABER damol mit schönem wetter!

Genau! I werda glaub vermehrt numme no uf kliini Partys gah. Wia am Aafang vu miinere Goa-Ziit. Isch eifach schöner und hät au (nid immer) as aagnehmers Volk! I würd au säge, das tüand mr wiederhole. Dänn kömmend dänn dBündner zu eu!

Und das miitem Wetter isch halt so a Sach. Kasch drs nid uussueche. Hauptsach dParty macht Spass! Und das hät sie au mitem Räge.
Ja dann, bis bald...in Rona....

achja de gimma hani voll verpasst

wär ja mega lustig gsi det super hiphoper dete zgseh... hehe isch glaub aber au ned lang det gsi ?

http://www.gimma.ch/
http://www.myspace.com/gimmasmusic

müstik hat geschrieben:achja de gimma hani voll verpasst wär ja mega lustig gsi det super hiphoper dete zgseh... hehe isch glaub aber au ned lang det gsi ?

Also wos cho isch go rägne, da isch er no mindeschtens a Stund bliibe. I denk mal 2-3 Stund ischer scho ufem Platz gsii. Aber i frag na mal, wenn i ihn gseh ir Stadt.

Verkehrt halt nid grad in dena Lokal wo i bin!

ja muas also scho au säga...

simon und guldi hend das mega gmacht.

super feini chlini fini party gsi mit viel alta gsichter.het mega spass an dr freud gmacht

immer wieder für so was zha...

föteli unter http://www.myspace.com/djjackomo

Habe noch mehr Fotos gemacht, doch sind diese weniger für die Öffentlichkeit gedacht!

@ Psydog
huahuahua cooli fotos! i has leider wiedermol voll verhängt mit fotos zmache, gell jack

bis zum nächstemal!

huahuahua cooli fotos!

Gell, vorallem das mit da Müs-titts!

Aber au das isch sehenswert:

Jack`a`Tek meets Gimma

Bild

Es isch eifach so öppis genial schöööns bi eu im bündnerland chöne cho go fäschte....
Haaamer sound, super stimmig, haaaamer sound.... und es hät eifach wieder passt! und au de räge hät mini stimmig ned getrübt.
Es RIIIESIGS danke das mer händ dörfe debie sii. Hans uuuuuuu gnosse!!! und au ganz es liebs Grüassli an di sämi, und meeeeci : ))
Bis zum nächsten mal. (Was ich kaum erwarten kann.....)