17.3.07 - Rägebogefieber

[strigor]

Am früheche morge si mir a dem würkli wunderschöne plätzli im wald acho. ha scho lang nümme ä party a som nä mysthische ort dörfe erlebe...hoffe, dört cha mä wider mol ä party mache jetz chömme ou langsam wider gsicher a partys, wo mä i der indoorzit vergäbe suecht. schön gits euch no mit äm sound bi ig igrendwie a däm morge nid würkli warm worde - was sicher a mir u mim leider sehr eitönige gschmack ligt (u nid ar betty bossy, gäll tinu). drum si mir de nach ä paar stund scho wider is bett.

p.s. hoffe, es si alli wider zu ihrer normale gsichtsfarb cho

[Joss]

Ha gmeint sie isch abgseit worde?? jetzt chumi nümme drus

[strigor]

isch mir glich gange bi ou nümm druscho...isch villicht ä schlumpfstrategie gsi oder so...uf jedefall isch si halt de doch gsi

[PsYch0m0n]

Isch e ganz geili, chlini fiini party gsi! Auso mir hets vou zuegseit. d location isch vou dr oberhammer gsi u wo när no di angere boxä si cho hets ou geil tönt.....
Merci für di geili Party!

[Nada Brahma]

Es mega grosses Dankeschön a alli Hälfer! Und danke a allne wo cho sind! Mer hend gstunt dass doch no so viel lüüt cho sind, obwohl mehr d Party am Fritig obe abgseit hend und de doch no dür d nacht ufe Samstig alles umplanet hend a de wunderschöni Platz im Argauische! Schad hemmer Party ned a de eigentlech plante Location chönne mache...

Velecht gseht mer jo wieder paar vo euch Lüütlis a eusere nöchste Party endi monet...

[strigor]

@nadha: do chöme mir sehr gärn wider villicht spilet dir de ou mol chli dunklere sound? das fänd ig de ganz super - no mol vile dank für die spontanie "züglerei" a dä schön ort!

[Joss]

nur säge wo

[PsYch0m0n]

nur säge wo

Nur PN schribe

[604freund/Psykas]

findes schad hender das ned duregeh dassi glich isch xi...!
aber ich neme mol ah es werd scho en grund gha ha, und er hend
jo peoples gha und e schöni party ufd bei gstellt!
! freu mi um so meh ufe nechschti nada brahma party..!
hoffe er werded dasmal d'mailinglischt benutze...?!? ...
aber werdes secher ergendwie und irgendwo erfahre...!
grüessli und allne en guete start i di neui wuche!

[Joss]

nur säge wo

Nur PN schribe

wem, dir? wents weishc chaschsi mer ja duregeh

[PsYch0m0n]

Also dr Anacsa het no ganz klar düregäh dassi glich isch, eifach ame andere ort! Er het sogar e infoline higschribe

ZITAT:
Halli hallo zäme, also die Party isch nöd ganz abgseit worde,
die findet jetzt eifach amene andere ort statt für gnäueri uskunft
bitte unter telephon: 077 426 95 08 oder 079 729 75 40 a lüte.
Greats Kris:-)

[PsYch0m0n]

Hets eigentlech no e huere szene gä mitdr schmier, oder isch easy gsi?

[*glühwurm*]

säge nur potz donner
die party isch ächt wunderschön gsi.
hät mech stundelang im wald chöne lo tribe
aso für mech hed alles gstumme...
es grosses dankeschön!!!

[halucinognom]

hmm...schad hani ke zyt kaa...aber am 6. april isch ja de osterdelirium ou mit anacsa und lysergzwerg ua ...wird sicher o huere geil wider

[604freund/Psykas]

Also dr Anacsa het no ganz klar düregäh dassi glich isch, eifach ame andere ort! Er het sogar e infoline higschribe

ZITAT:
Halli hallo zäme, also die Party isch nöd ganz abgseit worde,
die findet jetzt eifach amene andere ort statt für gnäueri uskunft
bitte unter telephon: 077 426 95 08 oder 079 729 75 40 a lüte.
Greats Kris:-)

okay hani ned xeh!!! danke förd infos u bes neggscht mal,
hoffentli bald im wald