FREQ LIVE - EGLISAU

[Sarathon]

Hmm weiss garnid so rächt wasi vo dere Party söll halte. dLocation hani super gfunde....au wenns wider än Umstellig isch nid ganz im Freie zsi. Deko und Ahlag isch au guet gsi.....nur Sound mässig mueni säge, isch es scho nid so nach mim Gschmack gange. Hed mi zwüscheddüre fast echli Housig dünkt.

.....mit grosser Freud hemer dän aber punkt 4ri dörfe am Freq zuejuble. Leider jedoch nur grad für äs Stündli (auso scho fast ufd Minute gnau) UND....was mi ehrlich gseid rächt entdüscht hed.....nix vodä neue CD. Alles nur alti Stuck womer doch scho zimli könnid ;o( würkli schaade...vorallem will mir ja wäg ihm cho sind und au än rächte Itritt zahlt hend.

Naja....trotz allem sind mir wenigstens äs guets Trüppli gsi und hend glich no än rächt lustigi Nacht dörfe erläbe......

Fotelis findid Ihr under: http://www.dideldum.ch

[Lila]

hans au na col gfunde..

d location isch mal öpis anders gsi..wens gregned heti wers ideal gsi..aber au ohni räge hanis easy gfunde so..de übergang vo indoor zu deckt bis im freie..me heds sich chöne ussueche

de sound hani au na guet gfunde..zwüschedure chli progi tued au guet..

und zwüsche de vilne unbekannte lüt hani doch na es paar kännt woni scho länger nüm gseh han,da hed mi gfreut..

@Sara..wo sind föteli..gsehnes ned

[Sarathon]

ich hoffe si sind hüt Obe druffe........

Gruuzeli

[biberfreund]

ich hoffe si sind hüt Obe druffe........

Gruuzeli

Ja das sind sie Merci för d Pics...

http://www.dideldum.ch/gallery/thumbnails.php?album=76

[Lila]

jo danke au..gröhl das bild

http://www.dideldum.ch/gallery/displayi ... =76&pos=37

[stampfi]

Hi @ll

Han das Forum erscht grad chürzli entdeckt und neu do.

Bin am letschtä Samstig au z'Eglisau gsi. Bin aber masslos entüscht wordä. D'Lüt hän ehner uf Züri is OXA passt als a nä GOA-Party. Bin zwor erscht öppä am drü döt gsi und han mi mega uf ä FREq gfreut, aber was är bottä hät isch noch mim Gschmack undär jedem Hund gsi. Ich bevorzugä Progi und chan mit Psy nid viel afangä. Isch Gschmackssach... Hie und do hät är au zeigät, dass er s'stampfä chönnt. Aber kum hät är agfangä z'stampfä isch au scho wieder so nä Synthi-Phasä cho wo viel z'lang gsi isch. Das är dänn scho noch drü viertel Stund wieder gangä isch, passt au nid grad zunnärä Plattätaufi, obwohls gar keini gsi isch, wiä d'Sara guät erkännt hät.

Au zum shakä isch mär nochher bi Liquid Soul nid cho, entwedär sind d'Lüt blöd uf äm Floor ummägstandä und händ gredt, oder mä isch apöblet wordä wiä amnä Punkkonzert.

Nei das isch echt nüt gsi för än igfleischtä Proganer. Bi am füfi scho wieder uf äm Heiweg gsi. Hoffentli wird d'Yellow Pointer oder aber Geometrix besser.

Grüässli & Sorry för di negativä Üsserigä über diä Party. Aber us minärä Sicht isch diä echt under allnä Hünd gsi. Aber das isch mini Meinig.

SeeYou, Stampfi

[electropunk]

hoi zämä,

mir als Baselbieter het diä Party allei scho vo de Lüt her gfallä. Es isch wirklich fascht ä "Remember-Oxa"-Party zsi

Ich ha zwar a Goa-Party erwartet, bi aber schlussändlig mit dem "goa-house" au zfriedä zsi.

Uf jedäfall isch es im Züribiet immer wieder luschtig und locker !

see you all on next party

[Silversurfer604]

@Stampfi

Das wird wohl eher dara lige das die meischte lüt scho a goas gange sind a däre party, wo du na im chindergarte gsi bisch:-). Vili vo dä bsucher sind die erschti generation vo techno/goa freaks gsi i dä CH(am afang isch das nanig so streng underschiede worde 1991-94), au vili wo die ganz elektro bewegig i dä CH is läbe grüeft händ:-) sind a däre party gsi . Also anstatt nume luege öbs blüemli a dä chleider händ, lieber mitene rede. Und nomal das isch kei Goa Party gsi

Liebs Grüessli

[Sarathon]

Jawoll mueni Dir grad rächt geh Siversurfer. Gange au bereits sit 7 Johr a Goa Parties und wür mal säge bin doch scho än rächt Igfleischti.
Bin aber no nie wiene Hippie umegloffe oder irgendwelchi Glöggli treit.
Han nie dBedürfnis derzue gha....

Wür mal säge wemer mich uf dä Strasse gseht, wür mer nie dänke, dasi was mit Goa am Huet han

tja so isch das......

[stampfi]

Salü Silversurfer

Merci för Dis Feedback. Ich zehl mi zwor nid grad zum extrem hartä Kern vu Partygänger, gangä aber au scho sit bald 15 Johr uf Parties und han där Chindsgi vor öppä 30 Johr s'letscht mol vu innä gseh. Usser ich han bi mim Junior än Bsuäch abgschtatät. Han au sehr viel Lüt troffä voni gkennt han und muä Diär i däm Punkt Recht geh. Aber die Meischtä vu Dännä sind au nöd sehr begeisterät gsi vu däm wo abgangä isch, soviel zum Feedback voni vu minä Bekanntä übercho han.

Blüämli und Glöckli han i vor ettlichä Johr abgleit und gseh us wiä halt än typischä Mittedriessiger so usgseht. Dass äs kei GOA-Party im typischä Sinn gsi isch, bimmär bewusst. Leider isch äs als Outdoor publiziärt wordä, mir passäd Indoor Partys (oder PseudoOutdoors) allgemein nid so. Uf jede Fall han ich dä Flyär so verstandä, leider das Schützähus no nid gkännt. Jonu jetzt wüssämärs!

Ich han nur mini Meinig wieder geh und bin immer no überzügt vu däm voni gschribä han. Ich gang immer no a Partys zum Shakä und mit dä Lüt z'redä, wend aber nid Shakä chasch well d'Lüt uf äm Floor am quatschä sind, dänn gömär halt wieder hei. Diä Zytä woni anärä Party bliebä bi nummä, dass i gsi bi wenn märs nid gfallt sind verbi, do hani zum Glück no än huffä anders ztuä.

Han nur mis Statement wöllä abgeh, nochdem dass i erscht grad vor churzäm über das Forum gstolperät bin. Aber anyway, zum Glück sind Gschmäckär jo verschiedä und d'Outdoor-Saison isch im vollä Gang. Wird sicher no einigi Partys geh das Johr vo au ich voll uf mini Chostä chummä.

Nomol nüt för unguät wägäm vernichtändä Urteil.

Peace & ä geili Party Saison.
Stampfi

[Mirowsky]

@ Silversurfer604

gut gebrüllt löwe...versuch das au scho sid johre de lütlis z`erkläre aber wie`s halt so isch.....

grutz

[olli]

war auch da...
zum glück war diese keine "goa-party" - denn sonst käms
dort vielleicht auch noch in mode seinem sexualtrieb
nicht im naheliegenden wald/feld/auto nachzukommen sondern
mitten auf er party....

[Silversurfer604]

@stampfi

Ok sorry , da hami wohl chli verschätzt mit dim Alter