Do meld i mi doch au no ^^
I bi vo Fritig bis Sunntig am 4i am nomi dört gsi.. und i muess sege dass mer de sound eigentlich durchus gfalle het, vor allem dr Antipop het mi bsunders gfläscht, aber au im Fabio sis set ganz am schluss isch no richtig geil gsi, für das das es s erschte mol gsi isch^^!Dr Dancefloor isch grosszügig dekt gsi, so dass me sich vom rege überhaupt nid gstört gfühlt het
Ha widermol es baar neui, luschtigi Lüüt kenne glernt und au alti gsichter wider gseh
Und gaanz am schluss het me no gratis Getränk becho, wenn me sich es bitz bim ufruume beteiligt het, findi super
D deko het mer gfalle, sisch nid z vill aber au nid z wenig gsi, eifach genau richtig für so es feschtli und au d baarprise sind human gsi
Am schluss hani denn leider kei platz me im shuttle gfunde, aber zum glück hani jo bei zum laufe
schlussendlich bini grad no rechtzitig dehei acho um mini sache z packe damit i aschliessend grad ha chöne witer in Car uf d Maturreis nach Kroatie
Ha no nie so guet imene Fahrzüg pennt wie uf dere Hifahrt
Alles in allem e cooli party, schad hets wetter nid so mit gspilt.. mached witer so! Bis bald im Wald
