mysticalforum

Es war eine der besten Partys im 2009. Ich möchte mich bei allen Verantwortlichen bedanken für diese traumhafte Party und für mein Booking Es hat riesig Spass gemacht bei euch zu spielen Dazu möchte ich mich bei allen Anwesenden bedanken, dass Ihr die Party zu dem gemacht habt was sie war Ich hätte mir nichts schöneres Vorstellen können als mit euch das neue Jahr einzuläuten


Cheers Sebi

au vo mir...merci, merci, merci
bi mit gmischte Gfühl ad Party cho E Outdoor a Silvester wer eigendlich nüd für mich, hani dänkt und bi voll überrascht worde de Wald im vollmond, de Floor guet dekoriert und all die Cherze wo die ganz Nacht brännt händ...eifach Hammer ...de Sound isch 1A gsi, genau de Psy wo ich gern lose und kommischerwies hani nie chalt gha obwohl ich nöd für e Outdoor agleit gsi bin
Isch au für mich, eini vo de beste Party im '09 gsi

also der platz ist wirklich genial, 3 min vom "bahnhof" entfernt, und trotzdem mitten im wald. auch die deko (vorallem die 100 kerzchen in der nacht) fand ich sehr nett.
die musik hingegen gefiel mir meistens nicht wirklich. vorallem in der nacht fand ich die musik oft ziemlich langweilig. darum haute ich mich dann für einige stunden aufs ohr. morgens war es dann wieder besser, auch wenn durch das pingpong ab und zu irgendwie ein "soundstil-chrüsimüsi" entstand.
aber trotzdem danke an die organisatoren. ps: silvesterparties sind ja sowieso überbewertet

Oberaffetitegail isches gsi !

güggxlii mitenand!

hans aso au en super glungnigi party gfunde..
de sound het mier mehrheitlich gued passt, de erdmannlistei isch sowieso en ganz gmüetliche fleck fasch scho vor de huustüüre u mit all dene cherzlixx isches eifach genial gsii.. u t bäum umgeh vom nebel im mondliecht.. *träum*
han mi riesig gfreut, sovieli bekannti u lang nüm gsehnigi gsichter aazträffe..
Danke allne wo das ermöglicht hend!!

L&L

Wönder nöd nomol sone party verastalte ... mit de glichige lüüt ... em gliiche sound ... und de (fast) gliche vibes (also muess nöd grad neujohr sii ... aber wenns vom gfühlher au nöch dranane chunt wie die party ...) damit au ich mich zeige chan? Mann ... han sie leider verpasst *grml* najo ... irgendwenn wieder gits au sones cools festli wieder ... denn bini au debi *jupi*

Nei nei nei...so e Party gits kei zweits Mal

Me sött ja so Silveschterparties nöd überbewerte (ums mit em Donat sine Wort uszdrucke), drum han i au nöd weissgottwas erwartet.
Aber die Partiy isch eifach WOW gsi!

En wunderschöne Platz...e überwältigendi Deko mit all dene Fackle und Cherzli (ungefähr drühundertsiebenezwänzg)...die vile Engel, wo sich igfunde händ...de Vollmond, wo dur d Bäum gügslet und die ganz Szene belüchtet hätt...ich ha s gnosse vo de erschte bis zur letschte Minute!

Danke allne Helfer, wo zum Glinge vo dem Alass bitreit händ...und allne liebe Lüt, wo mit mir de Jahreswächsel gfiret händ!

und ich hoffe, d Erdmanndli verzeihed mir, dass ich ihne us Versehe es halbs Rüebli wäggässe ha

Doch doch ... besser gseit es dritts mol ... oder es vierts ... han do 2 parties im '06 in erinnerig ... und wieni wasi ghöre vo dere party dunkts mich echt schwer das gfühl chunt hoch vo de vorherige 2 parties woni erwähne (eini isch regebogezauber im wassermannbliblablup gsi) ... drum ... es git sicher was neus ... aber klar ... es git keis party 2 mol ... leider ... aber defür gilt das jo au für die zuekünftige ... aber mir hend jo '10 ... es chan jo nume guet cho


gruzzns

...das me so wa nu erläbä dörf isch echt herrlich.....e party gsii wie früehner.....u wenn i a mitternacht dänkä wu i agfangä ha spile....chumi etz nu gänsehuut über....danggä a eu alli....so es gejubel, strahlä u umetanze ha i sältä erläbt =) hoff da jahr dörf i es paar so wundervolli eifachi partys erläbä.....löm mr eus überrasche....u sind dankbar häm mr so da jahr dörfe startä =)

bis gliiii u daaaaaaaaaaaankä, dankä, daaaaaaaaaankä =) =) =)

... ich kam, sah, hörte & startete ein unvergessliches hüpferlebnis
war wirklich endlos mega giga genial!!!
riesen dankeschön an alle die mitgewirkt haben...
besonders den orgas.!

grün-schimmernde grüsse

geischtli: dunkelbrun mit schwarzem bändeli

also ich hans au voll e glungeni party gfunde. han esoo vil lüüt gseh woni scho uh lang nüme gseh han und au vil gueti gschpröch derfe erläbe mit ine de platz isch würkli mega de hammer und sisch au mega schön gmacht gsi also danke vil mal a die ganzi crew

dmusik isch zwar nöd so min gschmack gsi ide nacht, de catweazle hani denn aber doch no easy gfunde
und natürlich denn am namitag wo de einti no ahgfange het mittelalter-folk zschpile isch natürlich aaandersch de hammer gsi

am schluss womer ufs zügli gange sind isch denn in wohle no en zimlich verwirrte hund usgschtige mit ois. woni de gmerkt han, dass de bsitzer gar nöd mit ois im zug gsi isch bini denn au zersch mal chli verwirrt umegschtande dsarah und dchrigi sind de mit mir extra nomal zrugg zum erdmannlischtei gfahre zum de hund wider zbringe... allerdings het das de bsitzer glaubs gar nöd würkli gmerkt wel grad sovil lüüt in zug ihgschtige sind und mir wider use zum zrugg nach wohle zfahre... anyway... wenigschtens isch de hund wider bim bsitzer

und nomal öpis... super idee mit dene geischtlis als ihtritt (also d idee isch gsi es het vo allne farbe genau 2 geischtli und die chönd sich de wider finde ade party ) allerdings het sich glaubs niemert gross widergfunde vowege dunkelheit und so... drum würi sege chöntmer ja da ine no wiitersueche also ich han es grosses dunkelblaus geischtli ka mit schwarzem bändeli und de hani immerno es bronzefarbigs chlises mit gelbem band vode simo

danke für party

mela