mysticalforum

de vierfach-geburi isch wükli gebührend gfiiret worde... familiäri stimmig trotz nöd allzu wenig lüt. eifach top! wunderschöni deko (au wänn wohl de bescht teil devo no igendwo ufem wäg vo transilvanie zrugg im transporter stah blibe isch und de ersch abtransportiert wird, wänn gnueg andri autos hät, wo au abliged, damit mer dä en masse-abschlepp-dienscht cha mache... ). superschöns plätzli, sonen mystischmagische wald...
la luna - hät mich i ihre bann zoge... wooow! stärneklare himmel. erlüchtig.
speziell (richtig lässig) isches xi, anre party mal nur wenigi lüt z känne... und sich am schluss scho mit einige wükli wohl z fühle, so vertraut.
d polizei isch dänn am morge au uftaucht. die sind dänn andersch druf xi... aber wider gange. wos dä s zweite mal cho sind (und immerno musig gloffe isch, resp. wider), hämmer scho fasch alles verruumet gha. si händ dä wider wöle ga, wo di eint polizischtin gfunde hät: so schöni deko! wo si erfahre hät, dass die sälber gmacht isch... dä hät si wöle wüsse, wie mer das macht und wie de boge im muschter entstaht oooohhh, köschtlich... i love the police nögschtmal chömeds dänn als gäscht...
danke alex für s ilade, danke de djs und live-acts für de fätze-sound, danke, saskia, diggi und co, daser oi überzüge la händ danke... für die intressante gspröch, de smile uf de lippe und d geborgeheit. s hät sich glohnt!

p.s. und hey alex, danke für den rmx von andromeda (sensations), hat in mir richtig ozora-feeling ausgelöst