thank you hotzenplotz, hammer festli gsi!!
bi soundmässgi voll uf mini choste cho, het voll passt. en schöne flow vo afang bis schluss... de sanfti, sich stetig steigerndi iistig mit vendetta, de imox wo eus dur die sich immer wiiter öffnende tor idi dunkli welt gleitet het, die agnehm triibende beats vo de dänin mussy moody, wo die ganzi stimmig e bitzli entspannt het, dänn mis eigne set, min afang hat evt. nöd so ganz passt, aber denn, dankä a die tänzerInne und lächlerInne wo die vibes bis zu mir ufe gschickt hend, und ziitewiis sogar de ganz tisch hin und her gmacht het, will tänzer uf bühni gsprunge sind *lach*, aschlüssend voll gas mit vibracoustic, gfolgt vomene traumset vom jahbo, wow, genau min groove. vom cujorious one bini leider enttüscht gsi, ha kein flow chönne finde, villicht zvill erwartige gha, aber de nygma mit sim morgeset het mi wieder gweckt.
ich han es paar ganz netti begegnige gha und gueti gspröch, aber leider au es paar ganz negativi. leider hets es paar wenigi voll müehsami type umegha, de eint hät mi sogar bis ufd fraueschiissi verfolgt und mich belästigt, binen erst wieder los worde wonen mitere bierfläsche bedroht han. isch echt e mulmigs gfühl gsi so elei mit dem schräge typ, mann hesch mi huere hässig gmacht, sowas bruchts eifach voll nöd!!!! hetti en security gfunde wärsch sofort usegfloge.
alles i allem bini doch miteme guete gfühl hei, danke für dä ohreschmaus
bis gli gli gli wieder, wiiter so!!
, viel ruhige plätzchen ums schiff rum und ne geile lounge!
um mit principles of flight und co. das "pilz-forum" gebührend abzuschliessen
und scho gli wird s schiff rauchfrei si, denn sind ou mir glücklich...huere rauch isch mega ischränkend 
