Ozora 2008 6.08-10.08.2008

[Tribalis]

Es isch aaaandersch gsi!
Wo mr am mittwuch acho sin und eusers camp uf eme hügel mit süpi ussicht erstellt ka hän, sin mr zur eröffnig richtig mainfloor gschländeret. 200m vor em mailfloor häns es absperrband zoge wo sich scho einigi 1000 lüt versammlet hän und schiiir am vergigele gsi sin. Wos de s grosse für entfacht händ isch d vorfreud ins unermässliche gstige. BOOM d alag vot avo wummere und d absperig wird abgegrisse, kreischend-schreiend-brüelend-hüpfend rennt d masse richtig floor und leit loooos mit unbeschriblicher energie avo tanze. Dä momänt wird für immer unvergässlich blibe, es chrüslet mi grad wieder. Jede tag hets eim ufs neue gschubet wo me die scenerie gseh het und s grinse isch eifach nüm vom gsicht gwiche

Meeerci an alli mistcals für das unvergässliche erläbniss in ungarn, mir hän grockt!
























Atmos

Juno Reactor - Pistolero

Andromeda

[namtok]

mmh geil ozora schwelge grad i erinnerige.. a das feschtli wär i ou sehr gern cho.. isch mit abstand ds beste lineup vo dem summer und dr platz isch e dr hit....e ja vilich nächst jahr...

[Melliandra]

Huuuiii das hesch mega schön gschriebe min Kobold. Han dHüenerhuut also au gad wieder gspüührt.

Ich chan nume soviel dezue säge:

- mega hyper grandios!
- eifacht wunderschön!
- so öbis vo speziell und heimelig!
- unglaublich die Natur!
- so öbis friidlichs und unkoplizierts!
- herzlichi Mänsche vo de Schwiez und de ganze Wält!
- Musig so was vo sau gail!
- En Alag woni no nie gseh und ghört han! (Bin jetzt au devo überzügt, dass en gueti Alag viel usmacht =o))
- Düüfgehendi Erinnerige!
- Heiweh nach OZORA!
- Glücklichs Lache i miem Herz!

- Und ich bin ebe doch en verdammte Hippi! *schmunzel*

Danke ad Ungare wo das fäscht ermöglicht händ, danke a alli liebe Lüüd wo mich dur die paar Täg begleitet
händ, danke a mien Kobold wo eifacht mien Held isch und danke dass ich das han döffe erläbe.

Eifacht nume DAAAAANNNKKKEEEE!

[Psymäleon]

Da kommen wirklich die Erinnerungen hoch... da werde ich doch glatt wehmütig. Wer weiss, vielleicht schaffe ich's nächstes Jahr auch wieder. Das Ozora ist wohl das einzige Festival, für das ich extra ins Ausland reisen würde... Bin gespannt auf mehr Fotos und Berichte vom diesjärigen Event.

[Rusty]

- En Alag woni no nie gseh und ghört han! (Bin jetzt au devo überzügt, dass en gueti Alag viel usmacht =o))

ja ja.....das isch scho so... me merkts erscht wenn mers mal ghört het...

Mag mich noch gut an den underworld gig 2002 erinnern, als ich diese anlage zum ersten mal gehört habe.... hünerhaut pur. Du stehst 40 meter vor der anlage und die speaker kleben dir im gesicht....so wie es sein muss. So funktioniert ein richtiges "linearray". Und wenn ich die fotos so anschaue, dann war die PA schon fast ein wenig überdimensioniert. Aber das passt schon, lieber 10 lautsprecher zuviel als einer zuwenig ( Die tönler regel nummer 2 )

[Melliandra]

Genau @Rusty

Es isch also anderscht gsie! Da chunsch ume Egge, hesch no nüd ghört vom Sound, weisch du bisch sicher no
200m vom Dancefloor entfernt und so bald i de Linie stahsch durchdringt eim eifacht de Bass und alli Höhrli am
Körper stönd uf! Han das no nie erläbt. Die erschte zwei mal woni ufe Dancefloor gloffe bin, hani gad Träne i de
Auge gha, da chund jedes mdma Fläsh nid dranane! UNGLAUBLICH! Was sverreckte drah gsie isch, mer hed
sich no überall chöne unterhalte. Also voll nid dass es "luud" gsie wär. Eifacht de Bass! HAMMER! Glaub mies
Herz hed amigs im Tack avo mit schlah.

[Rusty]

Genau @Rusty

Was sverreckte drah gsie isch, mer hed
sich no überall chöne unterhalte. Also voll nid dass es "luud" gsie wär. Eifacht de Bass! HAMMER! Glaub mies
Herz hed amigs im Tack avo mit schlah.

Ja, das isch de grossi vorteil a dem zügs.... es drückt scho au wenns no gar ned so richtig luut isch. --> Koppelung der einzelnen topteile zu einem lautsprecher....
In den hochdeutschmoduswechsel: das mit dem herz das zum bass hüpft ist der part an dem es für tontechniker kritisch wird, und man die balance zwischen zuviel und zuwenig behalten muss. Denn diese hochmodernen Syteme können, eben weil sie mehr als genug infraschall bringen, auf den solarplexus schlagen, und für den menschen gefährlich werden... Darum ist es imho. auch angebracht auf sich selber zu hören, denn wenn man sich vom bass "verfolgt" und gesteuert fühlt, dann ist vorsicht angesagt, und eine pause wirkt wunder. Es sind einige wenige ausnahmen bekannt, wo schon personen vor der PA zusammengeklappt sind, genau aus diesem grund, und die ärzte sich keinen reim darauf machen konnten was da eigentlich los ist.
Aber näxt jear muss ich das auch hören und sehen...ozora ich komme!!

[Asrael]

momol es hät sich sooooo glohnt wie letschts jahr ,sogarno vieeel meh..

ide erschte nacht ischde allergeilschti schnätzelsound glofe,

bi irgum burgum hättmer das solar plexus problem gmerkt, ha mi es paar mal müesse vom sound wegtrülle, wills scho chli weh tah hät

aber jede tag isch sehr speziell xi ...
(das mitem dauersmile hani immerno)

ha soviel erlebt

next year ,back to ozora

grüessli

[Titali]

*gäääääänseeeehauut bei ca. 36 grad and sunSHine*

ha grad nid meh zyt, poste ev. no es paar pics ine, schüsch
hets uf mim myspace pics from this magical, mystical and
amazing happening!!!

merciiii ihr liebe wäse, wo ich die wunderschöne erinneringe
a zyt in oZoRa chan teile *zwinkerTOtheHippies*

cYa sOOn again

ps. schad heimer schööönste und mir am meiste bliebnige
nid chöne fötele: dr ozorisch nachthimmel full of stars,
shoootingstars and life... !

[Titali]

so, hie es paar pics vo mir:

[donat]

Mer send am Mettwochnomitag ufem Gländ iitroffe, nach zwoi Täg "sightseeing" in budapest. det hemmer de zersch mol eusi zält ufgschlage und hend chly s gländ erkundet, und bald ischs scho sowiit gsi und mer send au vor de absperrige gstande, und de eschs loosgange.

De Sound ide erschte zwoi Nächt eschmer ame chly z struuub gsi, was aber ned so schlemm gsi esch, mer het jo emmerno chönne is chilloutzelt, oder go en felm luege oder sech is labyrinth go verirre oder karrussel fahre oder oder oder... und de beni am morge immerhin weder fit gsi, und dete hets mer fasch emmer seeehr guet passt. D Aalag esch sowieso de Hammer gsi.

Leider send die 5 täg sauschnell verbi gange, und mer send scho bald weder im Zug noch Züri gsässe, was de aber au no ganz amüsant gsi esch

[Titali]

mmmh, also ich weiss ja nid, wie mängisch ich die pics scho
agluegt han, aber jedesmal tauch ich wieder i i wält und
erinnerige vo däm spezielle festival... fühl mich, als stoh ich
wieder zmitts uf däm dancefloor, wo bis jetzt alles toppt het,
wo ich je erläbt han... ghöre wieder music i mir, sunne uf
dr huut und zgseh zlache vo öich

cya in oZoRa in 2009, aber zerst mal ar multipointer
wiedersehen fiiiire

p.s. für alli müllfetischiste: es het fast keine gha oder ämu
nie lang!!!

[Titali]

yeeehaaa, has gfunde !
das isch dr last track (2nd last) vom atmos gsi, wo är nach dr schlussasag brocht het!
shiiiit, ha grad wieder hüüühnerhuuuut, wohl zgeilste woni je erläbt ha, sone "schluss"
vomene mehrtäägige festival!!!!

DRUMS DON'T STOP

[Lindalien]

au mich hätt s'OZORA das jahr wieder tüüf bewegt!

bim ozora festival weiss me eifach was me hätt. me chunnt ufs gländ und wird vo bekannte baumskulpture empfange und tuet sis zält uf sim lieblingsplatz ufstelle. es isch wie es "jährlichs heicho"

das jahr hätt mich persönlich die neu bühni fasziniert wo fest ufbaut worde isch. die schönst bühni wo ich je gsee han, ganz nach mim "natürliche" gschmack!

s'line up hätt sich zu letscht jahr nöd gross veränderet, au i dem punkt, weiss me öppe was uf eim zuechunnt , trotzdem hätt es für mich es paar psychedelischi überraschige gä......Tristan und Andromeda...wow eifach vollwegspace....und es paar DJs wo voll de geil tripper sound gspielt händ. ich liebs ozora, will de sound minere meinig nach voll für es "tripper publikum" usgleit isch... s'meiste trippt...sogar de progi trippt...de minimal trippt...da chunnt mir de sound wo i de schwiiz gspielt wird voll langwilig inne!

ich han scho lang nümme es kollektivs mitenand zum sound abga erläbt...das was während em tristan live act uf em dancfloor abgange isch, isch wunderschön gsi...all mänsche mitenand im sound abgspaced...wow...dankeschön

drum isch für mich au nach dem jahr wieder eis klar....ich möcht s'OZORA au nöchst jahr wieder nöd verpasse.
für mich isch es DAS festival vom jahr, will es e ganz bsunderi fiinheit i sich treit.

oh ja...und ich danke vo tüüfstem herze für die schönst deko wo es überhaupt git....de sternehimmel in ozora isch eifach überwältigend...so klar und pur...mir fehled wort dafür...

[Tamjee]

Es esch es unvergesselechs erlebniss gsi!
wunderschön, top organisiert, super fredlechi netti lüüt und s'wetter het au mitgpelt
->tiptopi sach gsi wonimer next johr weder muss gönne