31.5.2008 - Panta Rhei - Pfäffikon

[Nörgelnager]

So endlich bin is wieder fähig zum a report schrieba. Isch a mega Party gsi. Guata Sound und Deko, eifach a perfekta mystischa Platz zum a Party macha. Zum Partyvolk ka ma nümma viel säga, ihar sind eifach dia geilschta gsi.

Danka an Animi Defectus Team und Helfer ihar hend a super Service gleischtet

@Psychobella
han nit denkt das i di über da Tobi kenna lerna darf. Bisch a cooli Frau und hoffa miar gsend üs bald wieder zum fett abfiera!

[Shuffle]

w/ohaa OOw. Dankä a alli wo cho sind und für sonä hammermässigi Stimmig gsorgt händ. Für sonigi Partys stat Animi Defectus:) Mir händ ächt nöd mit somänä Adrang grächnet, dä Platz isch eigentlich für vill weniger Lüt dänkt gsi, s Lagervom Chai und Food Stand übrigens au...zum Glück hät dä Coop am Sunntig morgä offä, sust wär glaubs dä eint oder di ander verhungered...!

Dankä a alli flissigä hälfer und partygäst wo däfür gsorg händ das mir dä Platz wider suber händ chönä dä Natur...(Förster) übergä.
Dankä a Vibrative Sound ohni eu hedäd mir niä sonä mystischi Stimmig anäbracht, (Licht und Anlage)

Dankä a alli Dj's ihr, händ s bestä us däm Platz usägholt, d Stimmig isch eifacht traumhaft gsi.

Special thanks to Sven vo Monkey5 und an Aurelian für eusä ersti Instrumental Elektro Jam. Freu mi scho uf eusi nächsti Act:)

Dankä a Filzli und Rufus. ohni eu wäred eusi Partys nödmal halb so Farbäfroh;)

Dankä Chai Dani du bisch dä besti Party Koch wo mer sich wünschä chan!!!

Dankä a alli woni vergässä han und bis zum nächstä mal.

->->AM 6.6.2008 ISCH SCHO EUSÄ NÄCHSTI PARTYTHERMIN IDÄ KULTI. MIR UNTERSTÜTZED S BENEFIZ KONZERT VO DUNIA VIBRATION FÜR ES PROJEKT IN TANSANIA. MIR WÜRED EUS FREUÄ WÄNN ALL LÜÜT WO MIT EUS DAS WUNDERSCHÖNÄ WEEKEND ADÄ PANTA RHEI VERBRACHT HÄND AUWIDER CHÖMED. DAS HILFSPROJEKT BRUCHT EU ALL. MEH INFOS BIDÄ CH-PARTYS

BIN IMMERNA ÜBERWÄTIGT VO DÄ ENERGIE UND FREUD WO EUS DIÄ PARTY BEREITED HÄT
BIS BALD
Gruess
Mäde/Animi Defectus

[battlefairy]

Jaaaa, i möcht au no schnäll min Senf dezue gäh!

Wobi ds meischte scho gseit worde isch. Mir sind ds Luzern ufe 7ni Zug am morge und hends voll nid bereut! De Wald isch WUNDERSCHÖN gsi, das Plätzli wo die Party gsi isch, isch eifach es Träumli für sich gsi, so am Fluss mit Terrässli zum chille, all die Waldwägli i alli Richtige, die vo witem unschinbari Höhli im Hintergrund, wo me aber glatt chönt drin wohne, die Vögel und Düft, eifach herrlich!

Womer a cho sind hed mi dMusig scho rächt gfläscht, und irgendwenn spöter hed en She-DJ ufgleit und richtig tolli und au gaaanz alti Tracks bracht, huii, da simmer grad is schwelge cho, hami also gfühlt wie nachme Ziitsprung Vorallem hani no öpper troffe, woni scho sit JAHRE nüm gseh han und döt hanen wieder gseh *freud* (Phil, falls Du ab und an hie im Forum bisch und das gsehsch, schribmer doch mal wenn magsch, has natürli wieder nid gschafft, paar Datä mit Dir usdstusche )
Uf jede Fall hend mit vorgha, so bis am Mittag oder so ds blibe und sind denn schlussendli ufe 16.14 Bus (wobi ich mus amerke, dass das nid wägem Sound so lang döt gsi sind, de hed mer abem spötere Mittag ume gar nüm gfalle ), wobi denn 2min bevor der Bus cho isch, min schnuselwuslige Begleiter id Rundi fragt "höö? hani nid no es Rollbrätt debigha?"

denn simmer natürli numal zrugg, me chan doch sones Rugelibrättli nid alei im Wald la, das wür ufgrund vo Asphaltmangel glatt verhungere, und sind denn grad uf Pfäffike abgloffe, das isch voll perfekt gsi!
So vill Freud a eim Tag!!

[Psychobella]

me chan doch sones Rugelibrättli nid alei im Wald la, das wür ufgrund vo Asphaltmangel glatt verhungere

ich amüsiere mich köstlich ab dine Biträg *dichknuddel*

[bestia_climae]

het eigedli öper fotene on gstellt..? mir hend eusi kamera das mal leider nöd debi gha. und vo dem wunderschöne örtli sind doch sicher ganz reizendi bilder entstande

[Käpten Hirni]

Aso es isch super gsii u vorallem de sound am morge..ir nacht...hmmmm na ja gschmacksach...

chönt mir echt jemand amigs ufs pm schribe wennd so party si wo nid im netz umechlebet..????

bis es andersmal mensche:-)

[white]

hey gratuliere euch zu de glungene party schad hanis nöd miterlebt.

[Asrael]

hey isch super xi, swätter hät ghebet ,super stimmig..

sind fasch echli zfill lüüt ide nacht ume xi fürs herzige plätzli (es paar autos im wald ,ufem campingplatz leider au)

und das nür über sms


viele dank für die super rückmeldige,,,,, so machts s party schmeisse no vill meh spass...

s animi defectus team versuecht immer wieder smöglichschte usezhole/zmache/z umsetze
=grosse ufwand.


@psychobella ,super xseh,bi ois hanget niemals e lampe uf augehöchi wo chönt blende..


wos hell worde isch ,und de ganzi tag ,händ jeni lüüt vone leige agfange fötzele und sind immer wieder ga fräge wäge chübelseck,, das hättmi mega gfreut ,das erlebt mer au nöd jede tag.. uf jede fall super sach xi darum hätts au abem morge guet ufgrumt usxeh fürdas sovill lüüt dete am fire xi sind ....

grüessli
lets animis again @kulti

[mondkind]

han au na wellä dankä sägä für diä überus glungäni party... gern meh devo
häts ächt irgendwo na fötäli online??? han doch öber gseh mit dä kamera umäschwirra

[Nörgelnager]

So ihar suchen Fötali und i han dia!

http://noergelnager.spaces.live.com/

[PsYlo]

merci viel mal für die super party am ne würklich mega schöne platz und den no e super deko... wird die party nie vergässe*träum*.... het echt ales passt, sogar swätter het mit gmacht:D. am meiste gfalle hets mer de tag dure, het halt i de nacht doch chli vil leuts gah. chum platz zum ume tänzle... aber defür hans is um so schöner gfunde am morge bis in namitag inne chöne mit all den strahlende leuts chöne zstämpfelä und hüpfe han mi chum chöne träne vo dem fästli... freu mi scho mega ufs nexte fästli vo eu!!
bis gli im wald oder so

[supercell]

Yeah das isch würkli e geili party xi! wow!

I ha zersch dänkt es gäb so e chlini privati party mit 50-60 lüt, isch mer den grad andersch worde woni det ade party acho bin Coole Platz und ufwendigs Deko für so en "chlini" Party...hehe
Merci a Sebi und Nadine fürs Booking und am Mäse für sin super Dienst!
Het uf jede Fall vel spass gmacht det z sounde und i wür säge es het die ganzi nacht dure grocket bis me churz het müesse de sound abstelle.
Aja wege Fotis.. sone blaue Schlumpf hani mal xeh paar Fotis mache, velecht froged er mal det noche

Greets und bis zum nächschte mal!

[Zaubaer]

Hallölle



hier auch noch ein paar Pics (auch noch ein paar von Nörgelnager & Pansy)

http://www.treeman.magix.net/


cu

[hoeschi35]

i bins numohl dr hoeschi jo i han um die 200 pics min rechner isch grad im service.
afangs wuche hanen wider und denn stellis online.
oder ihr schicke mehr es email denn mailis eu direkt
en schoene tag und es happy weekend euer hoeschi vibrative sounds ch
hoeschi35@gmx.ch

[utopias]

has leidär nid gschafft a party z,cho... @ catweazle merci das du mir ä pn gä hesch a diä nächschdi party vo euch chumi sicher.diä föteli gse ja mega us...