Also mer hend eigentlech ad Time Gate welle go luege nor wäg de Deko und s hätt mi wunder gno wie die Party so esch... Aber nach Bülach hani absolut kei bok me gha uf en komerzielli grossi Party, Drum hend au mer dänkt mer gönd doch a die Outdoor. Und ich chan nur säge zum Glück semmer au cho!
Mer send acho, s Pläzli agluet d Lüüt agluet und ha mi grad wie deheime Gfühlt. D Stemmig esch scho guet gsi am 11i und de Sound hed au grad metzoge vo afang a. Und chalt hani gar nie gha... Ned mol bem hocke...
Zum Sound also ich han eigentlech nur de Sokrates und Pinky & Brain kennt und vom rescht hami la überrasche. Die erste DJ's hend no schöne Sound abgah, halt au so Israeli Flüügerlisound, ha zwar gmeint öppe seinte oder andere Lied segi 2mal cho. Aber wie ech gläse ha do hend er jo alli s erste mal ufgleit oder s zweite mal. Kompliment für das eschs ämel scho ned schlächt. Wiiter so!
Den natürlech Pinky und Brain.
Shmahu hat geschrieben:
pinky and brain...ich versuech mich jetzt so diplomatisch uuszdrucke wie möglich... falls sie sich zum ziil gno händ, da absolut unpsychedelischti sound zspile wod goa-szene zbüüte hät, dänn händs echt voll abgsahnet...
Also ech fende ok de ersti Teil vom Set esch no bez langwiilig gsi aber nochher de zweiti Teil esch jo absolut obergeile psychedelische Sound gsi...
Den esch so Sound wie Pinky und Brain ufgleit hend ämel psychedelischer als so Iraeli Fullon super Happy Gedüdel... Natürlech ned zvergässe die emmer länger durende Passage be dem Sound wo no eine dezue mues senge... GoaPop halt... Aber mer wend jo jetzt ned über so sache strite.
De Sokrates hed mi no recht zum stune bracht... Wenn ech ned gwüsst hetti das das er isch hätt ich ned ufen Schwiizer tippt wo de Sound gmacht hed. Ja würkli ned schlächt... Aber au do zum Teil die GoaPop Teil mach doch det öppis anders... Esch zwar nor be eim Lied gsi ganz am schluss...
So ond nochher beni recht überrascht worde über die schnelli wendig vom sound. Zack Live Act fertig, chunt doch grad Progi... Und es esch no dunkel gsi i de Nacht am 4i. Guet semmer halt 3 Stund chli be de Tesch hende am höckle. am schnorre und am rauche gsi und hend uf besseri Musig ghofft.
Und de wär de äbe 7ni am Morge gsi und beni mal dür de wald go spaziere. Han en lustige Wäg gfunde. Ha be de Chrüzig ned gwüsst öbi sell lengs oder gradus... Be de gradus alles em Wäg noche gloffe und de beni be de gliche Chrüzig woni au lengs hät chönne usecho... Ja Ja da wird mer im Chreis umegfüert... Aber esch velecht besser gsi hed de Wäg weder retour gfüert. Wär schüsch no lang wiiterglofe dür de wunderschön vernäbelti Wald!
Zrugg a de Party heds nur no Täscht und grätteret... De beni no chli 'umezitteret' dezue aber es isch uf einisch uhuere Lut gsi mer hed scho rechtig metenand müesse schreie ufem Dancefloor... Ja und de hemmer erfahre das nochher weder Progi chont und de hemmer üs de mal ufe heiwäg gmach so um die 9ni umenand...
Also alles i allem es suuper fäschtli, cooli Lüüt, schöni Location, suuper Stemmig, eifach s LineUp de ufbau esch chli komisch gsi... Äbe am afang schrub sound bes am 4i und ab de Progi... de zwüschetinne voll de Schrub und de wieder Progi... das sind chli krassi wächsel gsi...
Wär besser am afang progi de mal chli schrub sound de live act de schrubsound und de weder Progi am schluss... Das wär doch viel besser... (Sell nur en Tip si für die nechschti Party woner machid)
De chani auno zo de Prise a de Party es komplimänt mache! Würklech fair. Aber bes ech gmerkt han das Bier eigentlech ja nur 3 isch wells jo no Depot gha hed... Aber egal...
Also danke danke und bis negschtmal...
PS.: Für die ersti Party mol doch muesi säge guet gmacht hed be üs ändlech usgse
s hed mi scho chli dra erinneret...
Da send no es paar Fötteli vo rund umd Party:
aber egal, danke ad orgis...dr eint o anger hani ja glaub vollglaberet o muen da nit no meh lob verteile. mr dörf sich ja schliesslich nüt iibelde.
(villich isch au en andere drmit hei) ...ich vermisse immer no idr schwiiz dr velo-bahnhof wie in holland...
oje.., ich sag und meine mal was auf gut deutsch:
mercymercy
