10.03.07 Psychedelischi Kläng im Winterwald

[Bhabrâ]

es gugus...
es mega dicks dankeschön an organisator!!!!
isch e wundrschöni party gsi..nume witter so!!
cooli lüt u somit au u schöni fridlechi energys sind ume gsi. ha scho lang nüm sone party erläbt. s deko hät mer mega gfalle s isch nit so voll kitschig gsi wiemes suscht so ade partys a trifft!
wen machsch die nöchscht party?
e wunderschöni wuche u viu sunneschiin
sarina

[PsYch0m0n]

Von mir auch noch ein ganz dickes DANKESCHÖÖÖN an die Orgas!!!!
Die Location war voll super und das Deko mega schön. Die Stimmung war mega friedlich. Es gab absolut nichts was nicht stimmte (Sound ist ja eh Geschmackssache).Der Sonnenaufgang am Sonntag war traumhaft. Also mir hats echt gut gefallen und ich bereue, dass ich schon um elf Uhr gegangen bin.

[strigor]

@tinu u gnömli: also i bi ja nur am füür gstande, um zluege, obs am tinu guet got - i sälber bi jo bekannterwis ä ganz harde siech wo nie im läbe würd früüre...u mini füess ha ig ou nur us luter solidarität zum füür ghebet, damit dr tinu u d meli nid als einzigi als weicheier si dogstande..jaaaawohl, so isch das ganz genau gsi, isch das! u drum verlang ig jetz ou no mol es ganz es feschts dankeschön

[PsYch0m0n]

@strigor:

Das isch ja vou witzig, i lach mi z tod!!! Es mues doch niemer luege dases am tinu guet geit, dä cheib isch no geng für cho

[strigor]

@psychomon: nei ernsthaft, i bi im fall es röckli u ä warmduscher...es isch mir vil zchalt gsi..ha mir sogar usdänkt, wie mä a rä outdoorparty am beste chönnt ä bodeheizig iboue...aber fürs chli "stünkere" isch dr strigor jo bekannt

[locosuizo]

Roman und an alli wo hend mitghulfe, es fetts DANKE für die geili Party!!!
De Ort isch jo de Wahnsinn, die Energie.
Danke für das mer hend dörfe en stand mache und au en chline teil hend dörfe zu dem Erlebniss bi träge.
An dere stell möcht i mi au entschuldige das de Chai net bes am mittag glanget het, s het jo ehrlichgseit au niemert so viel (tolli) Lüüt erwartet.
Es witers mol wird eus da sicher nüm passiere, isch aber au sau chalt gsi.
Ich weiss grad nüm was säge, will mers in Wort eh nit chan beschriebe, isch eifach nume geil gsi.

Jacky: Din Sound isch eifach mol wider super gsi und es git nüt schöners alls im Wald i der Sunne zu dim Sound z tanze. DANKE!!!

Karin: I weiss nit ob du da jemols wirsch lese, d begegnig met dir isch wunderschön gsi und mech erfüllts met mega viel Freud und Liebi das ich dich wider troffe han.

ah no zum schluss, s kei Pulver moto han i super gfunde und i glaub da het mer au gmerkt.

Danke no einisch für alles
Marco

[tinu the PsySchlumpf]

Hey Strigor&psy'mon dir Jungs sit im fau mega OFFTOPIC!
Es geit hie um viu meh als um chauti füess, es geit um e wunderschöni magischi Waudparty wo eifach irgendwie so unbeschriblich geiler isch gsi als die meiste andere geile Partys.
Dir zwöi sit ja viu zf'rüeh hei gange und wüsset gar nid was dir verpasst heit.
I danke euch allne wo das Ereignis mit vereinter Härzens- und Seelechraft möglich gmacht hei, es isch eifach huere GEIL gsi!
Freue mi riesig ufe summer und hoffentlich uf Vol.3 vo der jetz scho legendäre Nasebleibtzuhause-Partyserie.

[Midimal]

ich han do öber gseh filmä im zauberwäldli und fänds mega cool... wenn mir öber das film matrial wür schickä oder villicht än link.... grüässli und guäti wuchä.... bis irgendwann im nirgendwo

Hey Greenhope...jep...ich und min private Kameramaa hend do sicher 1h Erinnerige in Bild und Ton mit hei gna....

wird demnächscht uf Youtube z'finde si..

[Waldgeischtli]

aso da chame ja würkli nüt meh säge....es esch eifach e wunderschöni party gsi, unglaublich!!! und de PLATZ ersch, swäldli duruf und weder ab, links und rächts...s'het eifach mega passt!

mer sii ersch am 3 ide nacht cho und um die zyt esch e wahnsinnigi energie ume gsi. cha ned säge esch mega schöni oder schlächti stimmig gsi, eifach sehrseeeehr speziell! hät wahrschinds am rächt flügige sound gläge..velecht au will villi lüt druff gsi send und dass das dä öberegschwappet het? has das motto uf jede fall toll gfunde, vowäge dnase sölled deheime bliibe...die wos unbedingt wänd mache, sölled doch...

i cha das ganze gar ned rechtig beschriebe....muesi ja au ned!!! die wo det gsi sii wüsset ja wasi meine

hoffe uf es sehr baldigs wiedersehe mit all dene lüüüt....bis dann

grüessli tanja

[chandrani]

...schön isches gsi, und chami da nur schliässe het mega spass gmacht, und das plätzli isch eifach scho es plätzli für sich:)
scho mängisch schöni partys det chöne verbringe, und isch jedes mau isches widär öpis ganz speziells.
THX a alli wo das widär mau hei mügläch gmacht....
@ Marco, danke diär bi froh hets diär gfalle;)
schöni wuche no ihr alli, und viu sunneshiiiiii

[bloodflower_of_psy]

isch en hammer party gsie so en geile ort und en ssssssuuuuuuuuuuper tag echt mercie für all die cho sind und i hoffs eu gatz allne guet bey

[Ömli Gnömli]

Schad hets am Mittag ergendeinisch kei Chai me gha

Am Mittag esch guet....gäll Rolf....wenn mer müed esch, denn esch mer müed uahuah. Vellecht fangt jo bi es paarne de Mittag scho am Morge am 5i a chchchchch

[Ömli Gnömli]

Eigentlich han ich mini Idrück au no welle niederschriebe, aber do esch mer doch grad zerscht no de "ZiitverschwöhrammittagkeiChai" Toertsch dezwüsche cho

Uiuiuiuiuiui, es esch no schwierig s Erläbte in Wort zfasse. keuorivogonmvfdmovmkfd dfnd oder so chäm do debii use.
Nei fertig Luschtig, ich has so super gfunde, dassi am liebschte grad s Bett und s Nachttischli würd näbe Quelle zügle.... De Energetisch Ort, die super geile Darksounds i de Nacht, s Deco, d Lüüt, d Stimmig, s Wetter, de Wald und und und esch eifach unvergässlich xi. Und s Motto ("Hatschi") het glaub würkli en
Würkig zeigt....vo mer us, chönts immer so si....
Ben nähmlich scho lang nüm so nüechtern (nur es paar Haschischzigarette) wie das Wucheend anere Party xi und genau das het mer de geilschti Flash beschert.....

Und Roman, snächscht mol schissi uf de Familietürgg, dassi vo Afang bis Schluss chan debi si.....würkli ganz geil xi!!!!!!!!!!!!!!!!!!!!!!!!!!!!!!!!!!!!!!!
Au es danke a alli wo suscht no ghulfe hend. Ich hoffe bis bald......
Gruess Patrik

[Toertsch]

hehe ups
aber esch doch es wiiters indiiz deför, wie schön ond ziitlos die party gsi esch

[Malix]

weri neice....

danke fürds alleinunterhalter komplimänt.... mir het das au irsinnig gfalle wobi ich no öpis muen sege zu dem monitoring (da sind die zwei riise boxe gsi wo d live acts o djs ganz für sich in aschpruch gno hend)

also für mi wo mit mikrofon o rückkoppligs sensible instrument (gittarre mit verstärker und so.) schaffet bringt das nüt. ich han no gschdudiert öbi äch 10 min. vo mim act söll opfere o zwei hüpfer hole wo mir helfend die zwei ego boxe in richtig zweiti danceplattform underem zelt zträge. ihr hettet sicher e riise freud gha o dschtimmig wer au nomau glüpft wurde wenns döt obe au richtig dätscht hetti... anyway es si meh djs gsi als live acts o anschinend chönnet die cheibe nid mixe ohni es riise ego monitoring... ich han die boxe leider nid würkli chönne bruche o ir hend da sicher au öpe ghört...(dr eint oder anger weis wie rückkoppplungs geräusche dönet)

ich hami denn nid getraut gar kei musig zschpile bevor die boxe nid ewegg sind.., villich hetti mr ne sölle asuufe...!? abr isch möglech dasi denn no meh vocals vergässe hetti.(mir si zitewiis widr dwörter vo mine soundfucker-texte entschwunde)

söll kein vorwurf si an organisator !!!ABSOLUT NID!!(alli acts o djs hend die boxe nämli gnosse!!!) aber so es monitoring isch sälber fürne goa eifach es niveau womer vo mir us gse nit brucht... schliesslech si jo nit 10`000 lüüt dete o plattenverträge o was no alles für lukrativi angebot vo däm uftritt abhängig sind.

i möcht nur loswerde wenn sovill lüüt a sumne chline platz si hends eifach gnue sound verdient. vor allem wenns chalt isch...und settig sagehafti klangboxe für settig zwäcke gnützt werdet. es isch au uf grosse bühne e so das mr eifach en standart monitor brucht weil sobald si zgross sind gfahr bestaht dasmr cheibe ekligi grüsch produziert o wenns dumm geit chamr sogar dohre kapputt mache. e heikels thema. aber äbe i mache nochli musig aus alter schule o hinke do velech chli henge dri...

so ir merkend i hanmr tierisch müesse müe ge dasi öpis zmotze han!!! ähm susch isch alles io. gsi...

danke danke danke.... see u there...