s'erste wo mir ufgfalle isch sind securitas xi, han bislang a keinere party im ug so scharfi uswis- und giftlerkontrolle erläbt.
Nachdem ich de ihtritt und garderobe zahlt han bin ich vo guete musig und villne bekannte lüüt herzlich empfange wordä. de sound isch durchgehend schwer in ordnig xi. mis persönliche highlite isch de liveact vode MauA xi; s isch rund es halbs jahr her sit ich sie zum letzte mal sounde ghört han, sit do han ich mir a jedere party wo sie awesend xi isch vorgnoh bis zu ihrem uftritt am morge z'blibe. bis dato het das nöd klappt.
Wo ich mich nach zahlriche stunde tanze im chill han wellä usruhe hani die rummplende bäss, wiemers vode maua halt kennt wahrgnoh und alles müessä stah und liggelah. Ufem dancefloor ahcho het mi ihres intro "Maque" gradwieder mit neue energie ufglade dasi problemlos ihre und am sokrates sin act ha chönne i volle züge gnüssä. Daher möchti no es RIIIEESIGS kompliment zu ihrem act loswerdä, s isch würkli de hammer xi!!
Nachem sokrates simmer denn glücklich und uspowered heigange.
Barprise channi nöd beurteile da ich mini eigeni petfläsche debi gha han. abxeh devo hets gratis trinkwasser geh
Soundahlag het mi nöd so überzogä. villicht lit das eifach dra dass es hützutags unüberträffbari kling&freitag ahlage git.
Deco defür isch schwer in ordnig xi und hets ug ine spacigi atmosphäre ghüllt.
Alles in allem e sehr glungeni Party xi
Gerne wieder!