mysticalforum

Hallo zämmu

ich weiss, das hiä isch keis Katzuforum, abär iär sit gwändli di, wa am schnällschtu antwortunt.

und zwar. wiär hei än 6-jehrigä Kater der darf vorna und än 1jehrige Chatz di darf nid üs.

jetz welti wiär nu än dritti Chatz zuätuä, damit zWiibli nid där ganz Tag ällei isch...

mini Frag: Würdit iär ehnär nu än Kater zuätuä odär ä Chatz?? Wiibli odär Männli??
und weiss jemand, wo ni eini chänti kriägu (vili nid gad zBasel odär so, wägs där wiitu Strecki)

merci und gruäss

ts wybli. aber de würdi bliebu dahei, wenn i ds männdli wäär

tierheim heid chatzu.

gugus ...aaaalso,han uu lang bruucht zum dis gshriebnige überhaupt chönne z'entzifferä..chchch..was ish das fürne dialäkt?waliserish?egal..... ...uf all fäll würdi dir au zumene wiibli ratä...obwohl beides kei problem sötti si...aber bim männli muesh no druf guggä das dä siech au kastriert ish ..sush maunztz gli i allne ecke bi dir...chchchch...im moment findsh ja au a jedem eggä äs büsi...ich würd au is tierheim wie dä fish sho gseit hät...und die sind froh wenns ihri viechlis chönd guet platzierä!!!!!sind nämli übervoll..leider.............................................*vielfarbe*.............................................

okay danke. muäss mal luägu, hiä im Oberwallis hets gat 1 einzigs Tiärheim... und welti ja nid dem Chatzji än huära Wäg zuämuätu..

danke und gruäss

üsum Wallis

*****oder aber bi dä buurä mal go fräge..bevors ihri büsis ersäuffed...(!!)....***********

Mängi Chatz würd wahrschinlich gern en wite Weg uf sich neh, wenn sie defür es glücklichs Läbe dörf füehre nachher

ja, uf jede Fall es Wiibli zuetue, und kastriere lah würd i sie alli in Abetracht vo de überfüllte Tierheim.

Chatzä

okay.. ich tuä de mal luägu...

merci

ä hüüfu hentmär äbu jetz gseit, ich sellä äs Männli nä

tztz... weiss nid was machu...

und nei ich will 4-beinigi

Ich würd säge, wenn d Chemie stimmt zwüsched dene Tierli, denn chunnts grundsätzlich gar nöd so druf a, ob Wiibli oder Männli.
Dass aber zwei Männli am Afang unterenand werded Rangkämpf ha, dörft zimlich wahrschinlich si, au wenn sie kastriert sind.
Eini bimene Buur z hole, dörft insofern schwirig werde, will die mit Sicherheit au wird veruse welle.

So oder so: nöd sovill studiere, du wirsch es gspüre, wenn d a di richtig anelaufsch, ob imene Tierheim oder suschtwo

sorry, chan der wohl nöd helfe mit dinere suachi, aber wieso willsch e katz, wen dia nöd artgrecht halte chasch - sprich sie chan nöd use.... ich verstoh da nöd!

sorry - off-topic.



1. : artgrächter als im chefig vomene tierheim isch no schnäll emol.

2. : ich isse au fleisch, wo weiss gott wie und wo ghalte worde isch, abegschlachtet, und ich finds no fein. wenn i das würd verstoh, de döffti nümm ässe - nidemal pflanze.

3. : de begriff artgrächt halte isch vo mir us überflüssig - denn, öpis halte (hebe, bsitze) lit nid i de natur vo de läbewäse...osser bim mönsch (und es paar anderne, die e symbiose mit anderne tier igönd, um sich z.b. vor parasite z schütze, oder sie z mälle, oder so).

ich bi nid fürs tierhalte - aber, wemmer das konseqänt wür düresetze, de wetti halt glich zwüschedüre mis steak ha...und das wür mi au aschisse, das sälber go jage...und de no zuebereite *würg*


also, hopschil, ab is nächschte tierheim, und luegsch dass d chatz (oder kater) es besser bi dir het, als jetz

mini liebi mittbewohneri hed sid neustem au zwoi büsi. es sind brüedere und mir hend sie übercho wo sie ca 2 mönet alt xi sind. es sind wohnigs-chatze, also besserxeit hemmer kei möglichkeit sie usezlah, leider... aber ich danke es isch ganz wichtig für die zwoi süesse striizis das sie enand hand. sie sind zwar mängisch rächt am umerackere, aber ich glaube das ghört eifach dezue. glaub es isch aunonig ganz klar wele vo beidne de chef isch... dänke es chund warschinlich nid würklich drufa ob du dir esa männli oder es wiibli zueduesch, schlussendlich muess eifach d chemie zwüsche dene beide büsi stimme...

ja, scho, aber männdli markiered viel markanter...au wenns kaschtriert sind...und das mieft no schnäll emole

hmm, soviel ich weiss markiereds nümm sobald sie kastriert sind. üsi sind no z jung für beides...
aaach, sie sind soooooooooooooo süess! schwelg

im idealfall, ja.

aber s chatzechischtli stinkt den glich penetranter (und schneller), wenn zwe männdli dri möched, als wenns zwe wiibli sind... au das döffi nid pauschalisiere.

susch chömmeds mer wieder mit nid differenziert.

wenn i jedes mal differenziert öpis müesst schriebe, da chönti genauso guet gar nüt schriebe, wills de so wür töne:

ja, nimm es männdli, aber nimm es wiibli. ja, du hesch rächt, aber au unrächt. ja, gang is tierheim, aber hol d chatze vom buur. ja, ich find dich doof, aber au gschiid. ja, chauf der en neue pc, aber du din alte repariere. ja, du di homöopatisch lo behandle, aber gang glichziitig zum arzt...usw...usf...

i merk scho - es muess am mond ligge