mysticalforum

Hallo zusammen..


Gelegentlich, wenn der (Liebes-)Kummer an meinem Herzen nagt, mache ich
Musik die nicht so klingt wie sonst von mir gewohnt..

Zwei solche Lieder, welche beide in den letzten paar Wochen entstanden sind
(beide jeweils grösstenteils in einer Nacht entstanden), sind hier online gestellt;

http://www.myspace.com/humanrap

Ich möchte an dieser Stelle noch Christian (Midimal) danken, der meine Vocals
für "Girl From The Woods" in seinem Studio aufgenommen hat.
(Vielen herzlichen Dank! Bin immer wieder verblüfft von Deinem Talent! )


Liebe Grüsse,
Human

hoi human

"Confusion" isch mega schööön, vorallem dini fiiinni stimm (also weiss nid obs dini isch?) mit dene raims und verschiedene sprache*nice* das girl cha sich uf all fäll geehrt fühle... au wenns over isch or whatever!!
dr text findi au sehr berührend und ehm...irgendwie i know this feeling
zandere "girl from the woods" passt mir nid eso... aber easy!

no e anderi frag, bisch du dä human, wo ich mal im hexa troffe han ar streetparade???

viel glück mit diiire music und viel kraft für dich...und dim härz!!!
greets titali***

sali

aso s"girl from the woods" findi iisy. isch no geil gmacht, aber es berührt mich nöd so fest, wies andere.. halt au biz deswege, welli viel musig i dem stil kenn.

s'confusion findi hingege mega geil. das berührt mich sehr und es bewürkt was i mir. vor allem die strophe mit "kei sprachbarierre" findi mega geil. sehr geil au, dass uf persisch grappt hasch, isch wohl au serstmal dassich das ghör.


du seisch im lied, slebe seg scho gnueg härt und dass s'a sie denke nöd au no bruucht... mir hätmer mal gseit, dliebi isch i dem wo liebt, nöd i dem wo gliebt wird. und ich find das stimmt. somit findich, dasses nüt schlimms sii muess, wennmer öper liebt, abers mit dem nöd funktioniere chan.. well dliebi in sich, die hatmer und die findich was sehr wertvolls. ich finds schöner liebi für öper zverspühre im wüsse dasses nöd funktioniert, als kei liebi zverspühre.. jede mensch meh womer liebt, isch e schöni errungeschaft. obs funktioniert oder nöd, isch uf e art zwar scho wichtig und sicher au dursach für viel schmerz, aber uf e art bewürkt sliebe an sich eh scho so viel und isch was so geils, dass dfrag, obs funktioniert oder nöd und au de schmerz, absolut zweitrangig werde chan... wenn mer öper i sim herz hat, was, wennmers nöd verdrängt, slebe lang so bliibt, hat mer eh scho gunne. am afang schmerzts ganz klar, wennmer sich verabschiidet, aber ufd längi hatmer öpis, was sehr viel schöner isch, als dass de schmerz schlimm isch. und so chamer mit was sehr wertvollem und schönem meh in sich wiiter durs lebe schriite, es stuck weniger ellei und bereit für neui erlebnis.

ich find, wennmer sich verliebt hat, hat mer so oder so gunne.. da gids kei verlüürer...

Wow, merci für die schöne Antworte!

@Titali;
Ja, genau de bin ich..
Es isch alles miini Stimm, i beidne Lieder.. und ja.. *smile* so wie im "Confusion"
tönt miini Stimm au meh oder weniger generell, im "Girl From The Woods" hani sie
scho "verstellt".. hät müesse eso sii für das Lied, chan nöd in Wort fasse wieso..

Bin sälber Stilmässig sehr überrascht gsii vom "Girl From The Woods", isch eifach
eso usecho, han mer nöd im Voruus gseit kah "ich wott sonen Stil mache"..

@Suncollector;
Danke für Diini liebe Wort, sie tüend mega guet!

@Kollegoli;
Ja, es isch wahr. D'Liebi isch i mir. Aber trotzdem isch halt en unbeschriibliche
Schmerz debii.
Ich han übrigens au nie ufghört en Mänsch liebe, ussert wänni's han "müesse"
verdränge..
Uf jede Fall stimm ich da mit Dir überein; Öpperten z'Liebe und de Schmerz
devo erträge müesse isch vill wertvoller als nöd chönne z'liebe..

also serschte lied gfallt mer au mega! enthaltet veli gfüel und me ghörts au use! erinneret mi a mini alte gleis 2 ziite, ergendwie de beat und dart wie dus singsch! weis ned obd si kennsch.. alte züri hiphop! han grad weder mal mini alte cds föregsuecht!
s2te lied esch sehr speziell, aber ergendwie gfallt mer shochdütsche ned eso, wenns schwiizerdütsch wer wördsmer alweg no besser gfalle!
finds cool wogsch mal öppis anders, oder hesches scho hüfiger gmacht?
alles gueti jedefalls bem uflegge, singe, und allem andre...!