mysticalforum

So wiäs de Titel scho seit startä ich da eh Umfrag und zwar zu dere Frag....

Da ich jetzt denn mit minere uusbildig zum NHP fertig bin und das wani glernt han au awende möchti, starte ich zum obegannte Thema jetzt en umfrog (Ihr hend 2 antworte woner chönt ageh, es sind 2 Umfrage i eim, die erst antwort für die 1. 3 froge, die 2. für die 2. 3 froge):


Wenn ich en Massage/Naturheilkunde Dienst/Stand (v.a. Ohrakupunktmassage/Ohrakupressur für de Afang) an partys starte wür, würet ihr de dienst nutze oder nöd?
(Die erste 3 antworte)

Ghört das euri meinig noch überhaupt an parties?
(Die zweite 3 antworte)


Natürlich will ich unabhängig vo parties e praxis ufbaue, reizt mich aber mega, mich au an Parties mit Gsundheit z'beschäftige!

freu mich au um jedä feedback won ihr mir gänd, will hiermit eigentlich erkundige wies bedürfnis hierfür vorhande isch ...

Merci

Hallo, NHP. Ich han mal mit ja gstumme. Finds en gueti Idee, nor cha dä Schuss nach hindenuse. Also, i würd scho Dis Agebot in Asproch näh - wetts Dir aber lieber nid zuemuete. Wenn Du mich anere party es paar Minute würsch behandle, de chöntsch dir grad im Aschloss en Monet Ferie bueche, um dini Energie wieder z normalisiere. Nei, im ärnscht: Für die, die anere Party nid so voller Energie sind, mag das ja no Sinnvoll si, au wenns nid grad s richtige Umfäld defür isch - minere Asicht nache. Chline Tipp: Lo Dich nid Ussuge! Susch chasch der das mit de Praxis grad abschminke.

Liebe Gruess!

die idee hani au scho gha, anere party en chliine massagestand iizrichte.. hans aber nie verwürklicht.. anere schöne zweitägige outdoor wär das doch de hammer! ich wür bi dir verbii cho..

@ piraña:

Ich han das was du do gschribe hesch mir echli dur de chopf go loh, und muen schlussendli säge, wenis nöd versueche, denn werdis nie wüsse ...
Mini vermuetig isch, dass, au wenn energiesuuger latent vorhande sind, chronisch chranki doch suugender währet als alles anere Party. Ich gange me vo de ahnahm us, dass während eh party meh lüt am ustrahle sind als am suge. Denn mue mer me Energie ableite.
Mini hoffnig wär, das anere Party wege de ganze Bewusstsinserhöhende Energie wo döte kursieret, dass de zuegang zum einzelne und sine Problem vereifacht wäri, dait mer au konkreti Empfehlige chan abgeh!
Tja, goht nüt übers versueche ...

@ shmahu: Danke für'd unterstützig, wür dich au gern behandle und dich hoffentli uf dim wäg chöne wiiterhelfe!

wuerd mich aso au vo dir "behandle" lah....wuerd mi au mega wundernaeh, wie sich das ganze uswuerke wuerd... empfidige warschinli voellig andersch sind... aso gisch mer bitte au bscheid, wenn din stand machsch... chume ganz sicher verbi...
workshops soettet sowiso immer wilkomme si findi... sett mi viellicht saelber au malzaeme riesse und was uf dbei stelle.... danke fuer dini gedanke astoess

also ich find dass e hammer idee. hän an unserer mindfeeding openair e massagezält gha wo me sich vomene professionelle masseur het chöne loh duureknätte.
leider isch die sach niid so guet acho wie erhoft.
vo däne rund tuusig bsuecher het sich leider nur eine lo massiere.
und sälle isch denn glaub au no e bekannte vom masseur gsy:)

aso ich fänds au nid schlecht ich mein so nachere durretanzte nacht eifach mal am morge e halb stund härreligge und massiert werde isch amel nid schlecht *träum*

Massiere isch super! Wenns öpper richtig guet cha fühlsch di nacher als ob der e rise lascht vode schultere/rugge gheit isch so richtig liecht
also mir geiz ammel so!

es dörft halt eifach nid alzuu tür si

Also ebe, ich würdi no kei klassischi Massage aabüte, für das mueni no de Kurs abschlüsse.
Wammer abe mega geil chunt, wasi selber mega gern mache isch Ohrakupunktmassage mit Stäbli oder vo hand ...
S'goht schnell, fühlt sich göttlich ah und zeigt mega wirkig, do jedes Organ und jedes Körperteil mitbehandlet wird (80% vo allne Beschwerde chammer mittels Ohrakupressur behebe ...)

Die ganz sach häti jetzt prislich bi 15-20 Sfr. pro behandlig festgleit. (1h Massage beim Masseur: 90.-/h, 1h behandlig bim NHP: 120.-/h oder no meh)

Wänner das z'viel findet, bini für vorschläg offe (en Ohrmassage goht ca. 30 min)

genial!

klingt toll!!

Es isch sowiet:

A de Wiehnachte in Bülach versuech ichs zum erschte mol ... leider indoor, aber in 5-6 mönet chammer das dennau dusse mache ...

So quasi en testlauf für'd zuekunft ...

Mol luege ... zum glück hani jo ferie zum mich wieder erhole denoch ...

Also han nume no mol wölle säge:

De stand isch en persönliche erfolg gsi, freu mich uf witeri iisätz und danke a all die wo sich sich bi mir massiere lo hend ...
Bin halt echli wenig ume gsi ... Wiehnachte fiire mit de fam ... müedigkeit etc. (isch schwierig meh als en tag anere party z'si ohni wachmacher ... vorallem wemer massiere söll ...)

No eh nebetbemerkig:
Schüchet eu nöd zrugg sich bi mir massiere z'loh us angscht mer chömi mich verstrahle ... ich halts us, chami sogar wieder erde nochher ... d'erfahrig hets zeiget ...

I demm sinn:

Wer en Massagestand a sinere Party erwünscht chan sich jederziit bi mir melde, bi denn debi ...
Wird mich au mal bi gwüssne verastaltige denn au selber mälde ...

Freu mi uf jegliche zuekünftige bsuech vo jeglicher kundschaft ...