Hast Du schon abgestimmt?

[Fallen Angel 2]

Da gerade die Abstimmungs-Couverts für die National- und Ständeratswahlen verteilt wurden, bin ich der Ansicht es wäre mal interessant zu erfahren, wer von euch bereits abgestimmt hat. Hierfür eine kleine Umfrage: wer abgestimmt hat, kann auswählen, ob er das Couvert schon abgeschickt, oder zumindest die Zettel ausgefüllt hat. Wer nicht wählen geht, hat keine Wahl. Da im Forum 1875 registrierte Benutzer sind, können wir so einmal ausrechnen, wie viele von uns tatsächlich abstimmen.

Um diesen Thread am Leben zu halten, könnt ihr ja noch angeben, welche Parteien ihr gewählt habt (wenn ihr wollt).

Weiterführende Infos:

http://www.smartvote.ch

http://www.vernunft-schweiz.ch/wahlen

http://www.mysticalforum.ch/viewtopic.php?t=7146

[Kollegoli]

so, ich ha zwar nonid abgstimmt, aber jetz mal das smartvotedings gmacht (NR-wahle).

wies usgseht bin ich würklich sehr sehr links. alles was obe isch isch links. alles was une isch, isch rechts, v.a. SVP.

ergebnis be de liste:

1.Grüne - Second@s / Migrationsliste
2.Humanistische Partei
3.Linke Alternative, JuLiA - Junge Linke Alternative
4.Linke Alternative, AL - Alternative Liste
5.SP - JUSO (JungsozialistInnen)
6.Linke Alternative, Partei der Arbeit+
7.Sozialdemokratische Partei (SP)
8.Grüne - Junge Grüne
9.Grüne
10.Grüne - Grüne 55+
.
.
.
24.EDU
25.SVP - Junge SVP (JSVP)
26.SVP - SVP Auto-Liste
27.Schweizerische Volkspartei (SVP)

aso, dass ich d'SVP sooo scheisse find, han nöd mal ich gwüsst.

und sorry... e SVP auto-liste? was söll denn das? gids acht au e SVP playmobil-liste?

ich denk ich wähl irgendeini vo dene liste und knall no irgendwie de andrew katumba (be mir rang 13. vo de persone) und viellicht no ein zwei anderi womer was säged druf. so dass die au richtig viel stimme überchömed und sich nöd alli stimme verstreued, während alli Rächte eifach fadegrad "mmmääähh.. SVP... Heil" oder so rüeft und wählt.
viellicht no christine goll (rang 41.), die isch mer im fernseh immer sympathisch gsi.

wie mached ihr das? ich meine wänn alli die kandidate wähled, mit denes am meiste einig sind, dann händ ja nacher viel verschiedeni kandidate es paar stimme.... aber gwählt werded ja die mit am meiste stimme, was ja wohl die wo werbig mached oder scho bekannt sind sii werded...

[Kollegoli]

was au no interessant isch, isch das uf de undere 150 plätz vo mim rating (vo 543) de männerateil sehr viel grösser isch.

im obere drittel isch de ateil männer fraue zimli usgliche. gege abe hats immer weniger fraue. uf de underste 50 praktisch nur no männer...

hmmm...??? obs problem be ihrem schnäbi liit? isches ächt abgfuuult? zu lang nümm zum zug cho? ab? me weises nöd....

[electropunk]

mä muess jo nit grad mit statistik an die sach heregoh, aber "intelligent" panaschiere söt meh scho.
Nützt wenig, wenn aussichtslosi kandidate wählsch....

[Fallen Angel 2]

wichtig isch, dass luägsch welli liste das iiwirfsch

Liste = Partei = Stimme für die Partei
Je meh Parteistimme, umso meh Sitz.

uf villne liste sind liste-verbindige, z.B. Jungfreisinnige gebed ihri stimme a die normali FDP, falls sie zwenig plätz bechömed (irgedwie so)

wänner also "Partei für Ausgediegenes Fasten" wähled, müender luäge ob die stimme für d'svp, cvp oder was au immer zähled.


mer chan au z.B. e SP-Liste iiwerfe um dene meh stimme z'geh und dänn alles SVPler druf schriibe: das funktioniert dänn so: d'SP chunt dini parteistimme über, aber vo dene SVP-Plätz (wos ja mit sicherheit wird geh) chömed dänn die en platz über wo am meiste stimme händ. wänn also findsch de toni brunner isch nöd ganz eso schlimm wie de maurer, dänn chasch ihm uf dinere sp liste zwei stimme geh, demit er ehner gwählt wird als de maurer, obwohl d'sp vo dir dänn 30 parteistimme bechunt (ämel in züri, ich ha nur zwei parteistimme)

Ähm, bisch du sicher das das stimmt?
Ich het die Idee zwar guet gfundä, hans aber irgendwie so verstandä, dass d Liste-Nr. nur e Rollä spielt, wenn du läri Linie uf dinerä Liste häsch, denn göhnd die Stimmä a die Partei wo du agäh hesch und susch göhnd d Listästimmä jewils a die Partei passend zur Person wo du agäh hesch.
Wennd also 20 GP, 5 SP und 5 läri Stimme häsch, göhnd 25 Stimmä a die Grünä (wenn d Listä vo dänä gnoh hesch) und 5 ad SP bzw. i dämm fall göhnd alli in glichä Topf, well die Grünä und d SP wohrschinli eh ä Listeverbindig händ (bi mir emol).

D'Amanita hät da voll rächt, das bedütet ich ha doch irgedwie falsch gwählt, mist. hmmm. naja was sölls.

mer chan pro person zwei stimme geh.

Das alles trifft mal uf nationalratswahle zue.

Bim Ständerat gahts einzig und allei drum, wer am meiste stimme hät.
de mit am meiste gwünnt. also am gschiidschte det nur de druf schriibe womer würkli will. ACHTUNG: MAN DARF BEIM STÄNDERAT EINE PERSON NUR EINMAL DRAUFSCHREIBEN!

[M!GuZ / Wasabidelux]

hüt wahlzettel bekommen heute das ganza nochmal anschauen in sachen JSVP

[abraxas]

ergebnis be de liste:

1.Grüne - Second@s / Migrationsliste
2.Humanistische Partei
3.Linke Alternative, JuLiA - Junge Linke Alternative
4.Linke Alternative, AL - Alternative Liste
5.SP - JUSO (JungsozialistInnen)
6.Linke Alternative, Partei der Arbeit+
7.Sozialdemokratische Partei (SP)
8.Grüne - Junge Grüne
9.Grüne
10.Grüne - Grüne 55+

schaut bei mir auch fast so aus.

katumba ist cool, mit seiner schwarze schäfli kampagne :)

[Nicolas]

1.Grüne - Second@s / Migrationsliste

Selbes Ergebniss bei mir!

Ich habe auch noch nicht eingelegt. Werde aber ausnahmslos Grüne wählen. Längerfristig müssen die Grünen einen Bundesratssitz erhalten. Sind wohl 15 - 20 % nötig!

Wählt Grün!

[gizmo]

das smartvote ding isch no interessant... ha nöd mal gwüsst, dass es en humanistischi partei gitt! Wähle wird ich wahrschindlich trotzdem nöd.. und falls doch, dänn AL


Wichtig isch, dass mer gnau überleit, wem mer sini stimm gitt! Es gaht sust nüme lang, und es gseht au bi eus so us..

[ChriSmoS]

parlamentswahl:

-> infos von klimawahl.ch

schauts euch mal an.

--------

http://www.klimawahl.ch

Am 21. Oktober wird ein neues Parlament gewählt. Es ist eine Schicksalswahl – es geht um die Frage, ob das neue Parlament den Klimaschutz ernst nimmt und die Weichen für eine lebenswerte Zukunft stellt. Denn der Klimawandel kann die Schweiz und die ganze Welt grundlegend verändern.

Mit dem Klimawandel steht die Zukunft der Kinder auf dem Spiel. Deshalb will Greenpeace bei diesen Wahlen den jungen Menschen Gehör bei den PolitikerInnen verschaffen. Denn auf sie kommt es an, welche Klimaschutzpolitik das Parlament in den nächsten vier Jahren machen wird, welche Weichen gestellt oder welche Entscheidungen verschleppt werden. Greenpeace ist der Meinung, dass die ParlamentarierInnen wissen müssen, was die junge Generation von ihnen erwartet und welche Verantwortung auf ihnen ruht.

Die Umweltorganisation hat deshalb von April bis Juli Stimmen von Kindern und Jugendlichen zum Thema Klima gesammelt. Hunderte von jungen Menschen aus der ganzen Schweiz haben mit bewegenden Zeichnungen, Videobotschaften, Collagen, Sprüchen und Forderungen ihre Besorgnis über den Klimawandel ausgedrückt. Insgesamt sind übers Web oder direkt bei Greenpeace rund 6000 Stimmen eingegangen. Ihnen allen ist etwas gemein: Die..............

[industrialsun]

leider sind die wahl-unterlagen hier in biel immer noch nicht eingetroffen...

[Saphira]

Nö, hab die Wahlzettel auch noch nicht erhalten. Und überhaupt werde ich langsam immer wie verwirrter in diesem Wahlkampf. Da sollte man den Arbeitgeber, den "Stiefvater", die ehemalige Schulkollegin etc. wählen, auch noch schauen, dass es mit der eigenen Einstellung übereinstimmt, vielleicht Smartvote auch noch berücksichtigen... ich kann ja die, denen das Theater mit dem Wahlkampf langsam über den Kopf aus wächst wirklich verstehen. Aber geht mir trotzdem nicht in den Kopf, meine Stimme ungenutzt zu lassen.

[electropunk]

@saphira

kannst sogar Geld damit verdienen, dann sind deine Qualen vorbei und hast erst noch was davon

http://www.wahlgeld.com

[Kollegoli]

ich finde es isch voll iisy abzstimme, au wennmer verwirrt isch und nöd gnau weiss.

halt eifach links. me muess ja nöd nur die wähle, mit dene mer 100% einer meinig isch... hauptsach die, vo dene mer weiss, dasssmer überhaupt nöd ihrer meinig isch, chömed weniger stimme über.

vodemher chamer ja voll iisy die grüene oder d'SP oder so wähle... sicher besser, als gar nöd zwähle.

me sött au immer bedenke, dass sich die Rechte, wahrschiinlich nöd so viel gedanke über swähle mached. die denked eifach "weniger usländer" und dann isches für sie erledigt und sie wähled SVP oder so en chabis.

vo demher würd uf die art d'unwüsseheit und unkritischheit, über d'überleitheit siiege und das dörf nöd sii. schlimmste falls mussme halt au unüberleit wähle.... well das vieli da meh mit de linke einer meinig sind, isch ja wohl klar... und eigentlich weissmer ja, me wür die linke wähle, und nur, well mers nöd agluegt hat, das nöd zmache, fändi schad.

[Kollegoli]

@saphira

kannst sogar Geld damit verdienen, dann sind deine Qualen vorbei und hast erst noch was davon

http://www.wahlgeld.com

isch ja voll dureknallt ?!?!