mysticalforum

http://video.google.com/videoplay?docid ... 9218547625

Vielleicht kennt ihr den ja schon.....aber vielleicht auch nicht. Vielleicht solltet ihr diesen Film nicht nach der Party gucken. Das Thema ist extrem und die Bilder schmerzen in der Seele.

Bitte die Umfrage erst nach dem Sehen des Films beantworten.

EDIT: Bei der Antwortmöglichkeit "Ich werde Vegetarier", ist mir ein kleiner Fehler unterlaufen. es sollte natürlich heissen "Ich werde/bin Vegetarier"

"Earthlings (2003) ist eine hervorragende Dokumentation über die Abhängigkeit der Menschen von Tieren. Der Film zeigt wie zentral in unserer Gesellschaft die Ausbeutung der Tiere ist (für Nahrung, Kleidung, Medizin, Unterhaltung und als Haustiere) und versucht die Verbindung von Mensch, Tier und Natur bewusst zu machen. Sprecher des Films ist der Oscar-nominierte Schauspieler Joaquin Phoenix und die Filmmusik schrieb der mit Platin ausgezeichnete Künstler Moby. Earthlings ist nicht nur ein umfassender und informativer Film, sondern auch ein sehr kraftvolles Werk das zum Denken anregt und wach rüttelt. Make the Connection."

Schiizer Zuäständ sind das mal sicher nöd. Zkaufe gits sowas i de Schwiiz höchstens us Import, speziel bi Poulet wo us Osteuropa oder suscht wo vo de Welt chunt.
Ich bin aber de Meinig dass wenn mer z.b. AdR Produkt oder anderi Biofleischware us de CH kauft kann mer recht sicher sie das s Tier plus minus guät ghalte worde isch.
Ich find de Konsument sött chli meh uf d Herkunft luägä, ich kauf wenn immer möglich Fleisch us de Schwiiz, einzig bi Fertiggricht chan mer selte uswiiche.
Ich wird wiiterhin Fleisch esse, aber ich luäg halt druf was ich kauf.

Han de Film zwar nur mal agfange ..... Wörd en aber sicher imene andere Moment no ganz luage..
Aber scho nach wenige Minute, wo eim das Verhalte wieder is Bewusstsii gruafe wörd, stellt sich mir dfrog, mit welere Begründig cha ma sich srecht usenäh und sich derartig respektlos verhalte?? Es isch eifach nur abartig....

@souris genau die gliiche Gedanke sind mir dur de Kopf....

@ogetron Jo ich denk, mer kann sich do sogar schlau mache, sich nix irede sondern sicher sie, weli labels würkli für Fleisch stönde, wo vo der Haltig bis zum töte einigermasse vertretbar sind.
Ich würd so Konsequent sie und halt keini Fertigwar mehr kaufe. Isch e mega ungsund und d'Industrie jublet eim dört no jenschtes anders undere, wie Konservierigsmittel, Farbstoff und Gschmacksverstärker.

Der Mensch ist was er isst

satropa hat geschrieben: Der Mensch ist was er isst

Das heisst, ich bin nicht aus Fleisch und Blut?

sorry musste sein

Grüessli
Ds Fuseli

han zwar de film nid xee aber cha mir leider sehr guet vorstelle was dert zeigt wird. nurscho de gedanke dadra verrisst mir s härz!
es isch eifach en verdammti sauerei wie respektlos mir mänsche mit de tier und de natur umgöhnd .
ich sälber han mich lang fleischlos ernährt, unter anderem genau us so gründ.
voremene ziitli hani de mal vorsichtig wieder es häppli probiert, meh us astand am gastgeber gägeüber. (finde wenns scho extra s läbe hed müsse lah, nur damit ichs vormir ufem täller han, wärs en schand xi das eifach wägzschmeisse)
sit denn iss ich wenns höch chund ca einisch im monet bitzli fleisch, eifach denn wenns mi so wüüüüürklich glustet.
...und ich probiere denn au bewusst z ässe und in dankbarkeit dem tierli gägenüber 's ganz bsunders z gnüsse.


ps... han erst jetzt grad xee das da ja de super sexxxy joaquin phoenix dehinter steckt. hmm, ja, de xeet halt nid nur guet us, de junge macht sich au gedanke! bravo

http://www.murphsplace.com/crowe/phoenix2.jpg

http://data-allocine.blogomaniac.fr/mda ... hoenix.jpg

...mmmh, da chund mer doch grad lust über uf es häppli

uooooohhh also das Fleisch würd ich auch nid vom Teller schüpfe..*gggg*, er isch sit Kind Veganer.
Spass beiseite, hehe.
Moby macht au mit De gseht zwar nid so guät us isch aber Langziit Veganer.

@isis Jo ich find du hesch recht mit dem wo du seisch, aber mer chas au so aluäge, hättisch du das Fleisch nid gesse, het dir din Gastgeber s'nächschtmol nid nomol Fleisch kochet, will er wüssti du verschmähsch es eh. sprich eis Fleisch weniger im Regal, konsequent fertig denkt.

Uf der andere Siite wenn alli so wenig Fleisch wie du würde ässe, denn gäbtis no viel weniger Fleisch im Regal, hehe.

Grundsätzlich ha ich nix gege Fleisch Konsum, eifach gege das kopflose Fleischesse vo der grosse Mengi wo nid uf Herkunft und Qualität achtet, aber das findi nid nume bim Fleisch ä schlechti (nid)Haltig.

ja, das gäbt en feine brate, gäll satropa

http://www.bereitsgesehen.de/fisch/villages.jpg

eigentlich sött mer eh nur das fleisch ässe wo mer sälber gjagt und bearbeitet hed. ich glaub denn überleit mer sich s 2mal ob s würklich fleisch zum znacht git oder nid!!!!


[/url]

*pain*

ich musste nach 20 min. den film stoppen!!!

hm, ich schreib ein anderes mal mehr dazu, ich finde keine worte im moment...

gOOd night in tears
titali***

Titali ich fühle mit..........

satropa hat geschrieben:@souris genau die gliiche Gedanke sind mir dur de Kopf....

Ich würd so Konsequent sie und halt keini Fertigwar mehr kaufe. Isch e mega ungsund und d'Industrie jublet eim dört no jenschtes anders undere, wie Konservierigsmittel, Farbstoff und Gschmacksverstärker.

Also ich kenn mi ziehmli guät us mit Lebensmittel. Das all Lüüt immer über E Nummere abfluächet heisst für mich eifach das die wenigste Lüüt ä Ahnig händ, well die meiste E-Nummere werdet us normale Produkt gunne, und chömed nöd us irgend me Chämi vo de Novartis.

Und zu Fertigwar, was söll das soo ungsund sie? Irgend es Riisgricht chan mer locker i de Micro ufwärme da hani jetz null Bedenke, s einzig was für mich degege spricht isch das relativ tüür isch und eher e schlecht Enegiebilanz ufwiist wells kühlt sie muss.

Und wenn mer scho bi de Ethik sind, denn müsst am beste jede Mensch verhungere. Wenn der din Schoggigugelhopf ine ziehsch wo Palmöl brucht hät zum bache,.. für das händs Regewald in Südostasie abgholzt, d Ficher wodet Glebt hend gits sicher nüm und s Klima isch gschädigt wells de Wald wohl abbrennt händ. So verbrennt au menge Orangutan ..
Denn werdet ja au no d Kakao Bonne us Südamerika da hi gschifft was voll nöd umweltfründlich isch, und au det hät mer Wald defür abgholzt.
Und wenn öpper meint das mit CH-Rindfleisch besser fahrsch liisch falsch. Well z.b. s Fuättermittel au nöd selte vo irgendwo us de Welt chunt, und au für s Füättermittel wo i de Schwiiz apflanzt wird, wird meistens Dünger verwendet wo mit Erdöl hergstellt wird.
Da chönt mer no 100 000 Sache ufzelle..
En guäte.

Jo gib dir in allem recht Ogetron
Der letzscht Satz mit der Ethik findi aber e allzueifachi usred. Mer kann sich jo au informiere und lerne differenziere;-)
Ich weiss was die meiste E-Nummere darstelle. Ich bin kei Fanatiker, setzt mich mit em Thema usenander wo ich mich defür isetz, lass mich au gern ufkläre, über Fehlinterpretatione.
Es git es paar Sache wo mir nid ganz ilüüchte...
Joghurt, glacé, Ches, usw.: Für was bruchts no mehr Aroma- und Farbstoffe?
Gewürze, Fertigware usw....: Warum bruchts Geschmacksverstärker?

Es macht für mich kei Sinn in öppis wo genussfertig isch no so Allerlei unötigi Zuäsätz ine z'gheie.

ich wür ned unbedingt säge, dass de Mensch ke Fleisch ässe söll. Ich han au mal es paar jahr druf verzichtet und überleg mers also wieder. Ich finde aber Fleisch ässe nüt schlimms. Was ich schlimm finde, isch eifach die Verhältnislosigkeit. Wieviel das "produziert" wird und wieviel das devo weggworfe wörd. Sproblem wo ich gseh, isch eifach das, dass sich de Mensch zviel Rächt zuagestoht. Und das ned nur ufs Fleisch ässe bezoge. Mer nämed Tier us irem Läbensruum, sperreds ii und löns es teilwis würgli truurigs dasi frischte... Wieso muass ma a katz ha, wenn sie ned use chan? wieso muan me en Haas ine Käfig isperre? Wieso müand mer do ir schwiz, strussefleisch ässe? Das isch das wo ich ned nachvollzieh chan. mer wänd immer meh und meh und bessers und no exotischers. mer sind meilewit vo de Natur entfernt und das obwohl mer en teil devo sind. Mer sind ned besser und ned schlechter, Aber Geld regiert die Menschenwelt!

Es isch doch alles do, wieso müand mer alles kapputt mache? Was nütz üs Geld, wenn mer ar Luft versticken?