mysticalforum

Es isch mir klar das es je nach Thema individuell zue und her gaht, aber mieni Meinig isch das e Kombination vo beidem meh Läbensqualität bütet!
Also wie stönd ihr dezue? Was isch oii Meinig?

Details:

subjektiv + subjektiv = Objektivität ussere subjektive Sicht

Ist sicherlich lustig undso , aber....

(subjektiv + objektiv) + (subjektiv + objektiv) = Objektivität ussere subjektiv und objektive Sicht

Da wer doch für alli öppis debi!
i glaub vo beidem öppis (subjektiv + objektiv) wer für alli spannender und effektiver! Mir würded schlussendli me zfriedeheit ha...oder was meined ihr dadevo?

hehe, das esch sone sach mit der subjektivität und dr objektivität.

im prinzip chan me jo siner eigete subjektivität nid entfliehe (will me kei iiblick het id verbindig zwösche der realität und em subjektive abbild devo). ergo gits kei objektivität bzw nid bi konkrete sache, usgnoh sind vellech logischi schlussfolgerige usw. aber au das isch nid sicher und mit reiner logik isch me au noni wiit.
objektivität setzt au vorus, das es en realität git, was villich au nur wider es konstrukt vo subjektive persone isch (oder au summe der subjektivitäten).

was aber, so denk eg uf jede fall so isch, isch dass me sini subjektivität chan "verbessere" indem me sich uf die subjektivität vo anderne iiloht und si annerkennt.

aber irgendwie isch das woni gschrebe han au recht spekulativ, eg wart mol ab bis anderi no gschribe hend und antworte den nomol. peace

aber was gloub eg au no i dä frogekomplex do iidringt isch:

au wenn me nid chan objektiv sii sondern nur subjektiv, sött me doch aaständig bliibe, und genau das vergessed döu lüt do im forum äme dünkts mi.


PS: es lebe der GONZO Journalismus siehe --> http://de.wikipedia.org/wiki/Gonzo-Journalismus

ja genau...nume schos Thema obs überhaupt e objektivi Sichtwies git...find i scho es mega geils Thema...bi dere Frag verlüürt meh de Bode under de Füess
ja villicht chamer das eso underscheide...

subjektiv...bedütet imene Forum ich schrieb jetzt eifach mal druflos und tuens nöd hinderfröge...(kei Ahnig ob das jetzt stimmt hans ja nöd hinderfrögt! han i jetzt glogä??? ) egal

objektiv...bedütet i tuen das was ich gschriebe han versuech eso tschrieb das ichs Gfühl han das ich würklich dadevo überzügt bin was ich jetzt da gschriebe han, so dass meh in oisere Realität der Gesetze (wenn i de usdruck emal so bruche tuen:-) dademit iverstande isch....zum Beispiel gang ich jetzt ga luege ob ich das was ich jetzt da schriebe mit Wikipedia au chan in Einklang chan bringe....tuens jetzt aber nümme Apasse...mal luege wie falsch ich gläge bin...han nämli kei Ahnig was Objektivität heisst....
1min später.....
also ich bin jetzt uf Wikipedia ga luege gange und bin aber nöd ganz druss cho...was jetzt das bedütet...han ebe au es paar defizit
bin aber trotz dere Verunsicherig einigermasse überzügt das mieni Asicht über dObjektivität stimme tuet und stahne nachwievor zu miener uusag! Und gibe jetzt de Punkt wieder wieter...Bitte hälfet mir das zverstah....

Da tönt alles echli kompliziert und so und chumt au sicher es bitz bescheuert übere...alli wo sich jetzt an Chopf langed und dänket scheisse nomal oder so...
was het mich denn zum ganze Thema inspieriert...die vill subjektiv verblödete Posts ohni en huuch a Objektivtät....
Drum wers ja scho schön wenn meh das jetzt chöntet usdiskutiere...aber dadezue fehlt ja Objektivität vo villne User
ich finde eifach das es e gsunde usglich muess gäh...aber irgendwie isch die subjetivi Form völlig überläge...und drum isch das au en Spiegel vo de Szene...das villne villes egal isch...schlussendli merkt meh das au wenn meh die Zigis nachere Party vo allne Bsuecher muess gah ufläse (voll abgschweifft...)...
drumm stimmet doch bitte jetzt ab und lönd die Läsende wüsse was ihr jetzt dänked...und schriebet au so vill wie ihrs bim Hippedihop gmacht hend....döt isches ja gschwindibuss gange
Die letzte Frage ist nur Wieso???

Hey Echo....was isch loooooooos mt dir ????

Hallo Midimal...

das frög ich mich au und zwar jedesmal wenn ich öppis gsehne wo eckig isch...eigendlich sötti ja alles rund sie...ja ich weiss en Eggä gits eigendlich garnöd....will ja alles rund isch....aber trotzdem versuecht meh de Eggä zmache wills eifach villes vereifache tuet...aber isch das würklich guet?

ich und mieni imaginäri Fründin lueged ois amigs au völlig verdutzt a wenn mir so Sache schriebed...aber irgendwie siemer scho vo dem überzüügt...

me chan ja no so durreknallt sie...so lang me nöd mit de ussewält kommuniziert isch alles in ordnig und frage stelle wo meh kei antwort druff finde tuet isch sowieso möd guet...haltet eim numme vom schaffe ab drum han ich jetzt e Tastatur bstellt wo w nümme drinn vor chummt denn chan i kei frage meh stelle und www chan i au nümme schriebe...so es WevilKeyboard
aber villicht tuen i denn anstatt wer wie was..eifach der die das (so wie frühener im zdf:-)
Jedoch müesst i denn auno uf MAC umstiege Windows? annimiert mich ja förmlich dadezue...

Ja aber mir gahts susch guet eifaches bitz verwirrt aber susch guet...DingDong, ahhhhh de Pöschtler isch da...jetzt chumt alles guet und DevilKeyboard isch jetzt dranne...plug and play isch ebe scho e gueti Sach...wenns pressiert...ou unds fragezeiche hens au grad degglah, isch dohl e Spezialafertigung mir sind happy...

Dünsche dir en schöne Tag...