Musik an Partys zu einseitig und zu hart ?!

[Kollegoli]

sooooooo

aso ich find, dass dmusig a partys prinzipiell eifach zu eisiitig und zu härt isch. Alles muss immer Killer sii und es muss immer (scho fast chrampfhaft) voll abgah.

ich unterstelle de szene, ums mal so zäge, fantasieloigkeit und rauditum betreffend em musikgschmack! a partys, zumindescht a dene wo ich bin, segeds chliini waldpartys oder groossi megahappenings, lauft die meisti ziit immer öpe die gliich musig (immerhin zwar mit paar usnahme, aber zu wenig). Die meischte partys sind eifach fullon partys, wo nur fullon lauft, dann gids progipartys (hat zwar igendwie weniger das jahr gha, zumindest outdoor??), wo nur progi lauft, dann no paar wenigi darkpartys (wo miinere meinig nah de bewiis sind, dass viel lüüt andereri musig/nöd nur fullon wänd), und dann no partys wo ide nacht dark lauft und am morge fullon.

alsooo, fü min gschmack isch das eifach zu einsiitig! miiniere meinig nah getraut sich fascht niemert, sanfti oder au nu scho mal chli anderi musig zspiele; d'schlagwörter sind "Non-stop" "FullOn" und "killer". Mit em ufkommende Dark isch miinere meinig de bewiis da, dass nach neue weg und neuer musig gschreit wird. Nu leider, zu mim Leidwese, sogar ine no härteri richtig (halt au gschmacksach). Musses dann immer chrampfhaft volllll abgah und immer härt siii? getraut sich öper zu chillout ztanze??? bruuchts immer hochs tempo und "Killer"basslines?

Wenn ufem Line-Up chli Sesto Sento, chli Audiotec usw staht, dann breched all in Euphorie uus, postet z.b da d'partythrads voll, vo wege "ahhh hilfe ich chan nümm warte", "boah nu no 4 täg bis ***geile pop-israeli-liveact**** ", "ahhhh schmacht min held chunnt" usw. Nümme lang und d'liveacts werded mit plüschtier beworfe. und nach de party: oft entüüschig, dass alles so voll gsi isch (well en konkretkrasse liveact ufem lineup isch), dass alles so tüür isch (well en konkretkrasse liveact ufem lineup isch), dass alles so stickig und heiss isch (well alles so voll isch---> liveact ).
das ganze gaht doch igendwie immer meh ines zämequätschts dastah und (zumindest unterbewussts) fäne fü de liveact und de held uf de bühne über. simer mal ehrlich: alli Audiotecs, sesto sentos, bizarre contacts, hypersonics und bliblablubb wenns da alles no gid, töned doch all so guet wie gliich!!!?? sind zwiifelsfrei lüüt wo was chönd und ich will nöd dene ihri fähigkeit in frag stelle, aber wo bliibt dene ihre künstlergeist, wo sie zum individualismus zwingt???!??

zudem schiints so als wär dqualität vo de musig wichtiger, als dmusig selber. wie würded die meischte lüüt musig finde, wo nöd so poliert und gmastert isch? würdeds dann fullon no geil finde? oder oft wird musig, grad vo neue interprete da dra beurteilt, obs nach öpis tönt wo mer schomal ghört hat. Niemert getraut sich so richtig zu anderer musig ztanze. isches so wichtig dassmer bem tanze "coool" usgsehd? allgemein mached all immer nu de vom eine ufs andere bei tanz, wo be vielne ähnlich usgseht? wo bliibt de einbeitanz? (okeee, die letschte 2 sätz sind jetz nöd ganz so ernscht gmeint wie de rescht)

Miini Frage sind: WO bliibt z.b. de ganzi Chillout, wo meistens öppe trilliarde mal meh chraft & power hät als FullOn und viel meh abgaht? WO bliibt de alti GOA (wo ja igendwie dur fullontrance ersetzt worde isch), wo eifach ahhhh uherre geil isch? WO bliibed neui interprete wo was eigeständigs mached und wo ihri fortschritt nöd da dra beurteiled, ob das wases gmacht händ jetz so tönt wie d'bassline vo det oder de düdl vo da oder de geili break so wie vo dem?? WO bliibt au mal völlig anderi musig ade partys? es gid doch soooooooooooooooooo viel arschgeili musig uf de welt (nöd nur bummbumm), wo alli durchuus "goa"party tauglich und au oberpsychedelisch isch? Doch a allne partys wird immer öpe sgliiche gspielt, under sooooo viel uswahl!!!! WO bliibt überhaupt die sageumwobeni Psychedelik???? wie definiered ihr psychedelik???

soooo es fallt mer jetz dann bald sicher no huerre viel iii, aber das sind jetz mal mini erschte gedanke. das thema beschäftigt mich mega und miiich nimmts uuuuhuerre wunder wie ihr da drüber denked! ich bin mega dankbar für jede post, egal vo wem, ob produzent, hippy, darth vader, blümchen, oder wer au immer! loooooooooooooooooooooooooooooooooooooooooooooooooooooooooooos
VERÄNDERIG !!!!!!!!!! SCHNEEEEEEEEEELLLLLLLL

[frä irz]

jup, gsehn ich scho au bizzli so. aber hey, es git no anders als goa
mängisch mue die veränderig halt "chli gross si und ganz fest bi sich sälber afo" immer uf dä suechi nachem ultimative es reins "juuuhuuuuu jipiieeeeeeee!" nur wills die möglichkeit GIT. *jauchz* oder anderst: dini frag vo "wo bliibt" chasch ummoduliere i "wo find ich" und z finde isch so guät wie alles wämmer am richtige ort luegt. ich beklag mich da ämmel gar nöd. unzfride isch nur wer stah bliibt.
haha und nomal edit: und sust: sälber party mache und zB. om gnom angaschiere! ;-D oder gezielt a partys gah mit guetem lineup. es git miner meinig nur mal ide schwiiz umegluegt doch no einigi kreativi chöpf die extrem geniali sache mached, obe nur eis biischpil.

[Kollegoli]

ja frau irz das sind weisi wort vo dir.

aso ich lueg immer ume (vowege goapartys) und a die party wo ich gahn hats dann scho im durschnitt so ein zwei lüüt wo anderi musig bringed, aber de rest vo de ziit isch us musikalischer sicht meh es warte uf das.

vo wege selber finde...hmmmmm... wo denn??? wenns um partys gaht dann bestahn ich so zimli uf outdoor, in erschter linie wegem em rauch wo indoor eifach völlig überekeit isch. ja me chan mich idere bezieg als heikel bezeichne, aber so wichtig, dass ich mich müsst igendwo indoor ide heisse luft vollrauche lah, isches mer dann au wieder nöd. ich chans so eifach nöd würkli gnüsse. dann gahni wenns schlechti musig verusse hat, lieber dethi und mach en laaaange spaziergang oder soo.

aber ehh, gischme paar tips, wo dann so was anders gschiids lauft, vilicht chumi ja mal mit han gseh du stahsch au uf warp und so musig, weisch wo diesbezüglich was abghat? wär mal siitlangem en wunsch vo mir....

ich han das thema da postet, well ich eigentlich finde, dass goapartys so wie mir sie da händ, e supper plattform sind, um au chli was anders zmache und das im interesse vo vielne lüüt idere szene liit. naja igendwie sooo

[Hallucinelve]

Also mir gfallt im Moment vor allem d Musig im Psy-Berich nümm. Da isch wie en Stillstand und sozäge kei einzigi CD gfallt mer no wo neu usechunnt. Ich chauf im Moment vill meh progressivi Musig, will ich det eifach meh Abwächslig find und ich inzwüsche dä Stil au als Party-Sound entdeckt han. Für mich mues es nöd eifach nur entweder Psy oder Blüemlipsy oder Dark-Psy si, s chan ruhig au mal e schöni Progi-Party si, oder mal so groovy clubby afterhours fäged au
naja, am beschte sälber musig mache...

[Psymäleon]

Aus meiner Sicht sind die Parties nur ein deutliches Spiegelbild von der Musikentwicklung allgemein in der Goaszene. Seit etwa zwei Jahren empfinde ich einen grossen Teil der neuen Musik als vorgekauten Einheitsbrei; sie ist irgendwie anspruchslos geworden und Individualität bleibt meistens ziemlich auf der Strecke. Trotzdem liegt es in den Händen der Veranstalter und vor allem der DJs. Mittlerweile ist das Spektrum von Goa so breit geworden. Aus meiner Sicht würde sich doch da ein Aufbau von Progi to Psy and back anbieten. Das wird zwar teilweise gemacht, meistens stimmt aber das Verhältnis überhaupt nicht. Zudem finde ich, dass man DJ x und DJ y oftmals austauschen könnte, ohne einen musikalischen Unterschied zu bemerken. Wo bleibt ihre Experimentierfreude und der Mut auch mal was Anderes zu bringen, mal was Aussergewöhnliches. Klar, es ist immer eine Frage des Geschmacks und mein Geschmack ist bestimmt nicht massgebend. Aber neben all den Phanatics, System Niples, Asterixes und wie sie alle heissen, gäbe es immer wieder Artisten, die im Psybereich für Abwechslung sorgen würden (Synsun, Koxbox, Nystagmus, OOOD oder principles of flight, um mal ein paar wenige zu nennen). Ich mag eigentlich alle Richtungen, vom ziemlich groovigen Progi, bis zu relativ hartem Sound. Leider bekomme ich an vielen Parties von dem ganzen Spektrum oftmals nur ein Bruchteil geboten.

[Kollegoli]

ja genau psymi

dasch genau wasi säge will und ich find das mega schaad und ersch no sinnlos.

de indivdualismus bliibt uf de strecki..... aber a dem problem liidet wohl leider no chli meh als nur dmusig und d'goas....

[Psymäleon]

ja genau psymi

dasch genau wasi säge will und ich find das mega schaad und ersch no sinnlos.

de indivdualismus bliibt uf de strecki..... aber a dem problem liidet wohl leider no chli meh als nur dmusig und d'goas....

Das het was... Denn müssen wir halt Gegensteuer geben und selber zu Musikgestaltern an Parties werden...

[Kollegoli]

ja ich bi ja am üebe lugsch du swisspsy player

[Psymäleon]

I know @ Swisspsy-Player... wollte dir eigentlich auch noch ein Feedback von einem Musikhörer geben, so ganz ohne Musikproduktions-Background. Bis jetzt habe ich die Zeit dafür aber noch nicht gefunden, oder si mir noch nicht genommen. Für's erste aber mal so viel: zwei Daumen hoch.

[Kollegoli]

danke....

fü zum musig guet finde musch ja eh no lang kein musikproduzent siii.

prinzipiell gilt eh, dass öper wo musig macht, immer froh um jedes feedback isch, egal vo wem und egal was fü inhalt.

[ChriSmoS]

I find au dases sehr einheitlich worde isch im FullOn bereich. Me hät hald sozsäge en Linie gfunde wo mer ned unbedengt wett verloh, will ebe die "grosse" liveacts das so mached. guets biespiel: infected, macht was anders.....guet, es isch popiger, aaaaaaaber es isch anderscht...und me gseht ja sofort was das für uswürkige hät wen mer i de betreffend thread luegt. das getraued sich die junge oder weniger bekannte liveacts velecht ned eso wills ja scho die legendäre infected i de luft zerriessed @kritik.
mit psychedelic hät hützutags sehr selte ztue. es isch trance, mängmol mit meh trancige-kitschige-leads und synths und mängmol weniger. de sound isch kompakt, abgrundet und produktionstechnisch absolut suber.
Mir gfallt das au guet, aber die ganz nacht / morgä....wirds mer langsam au mal langwielig, i finds geil wen am morge fette progi lauft. Sowieso de progressiv sound büted irgendwie no me freiheite, und isch minre meinig na hützutags "öfter" psychedelisch als fullon.

hmm chillout isch geil, losi aber lieber dehei, oder im auto oder weni mi wot usruie a de party oder wott penne. isch eifach mis ding, i tue ned gern langsam shake bzw zu langsamem sound....da müesst scho extrem groovä dasi stanzbei zu chillout schwinge würd und den ischs fascht nüm chillout, also fascht unmöglich i weiss aber was du meinsch olli, und wen dich das mitriesst den sells das au, findi cool. aber mich würds vom dancefloor wegschüche wenns am halbi 3 am morge laufe würd.

i denk das wird sich in zuekunft no wiiter entwickle.....swird wichtiger werde en geile Mix anere Party zbüüte. A festivals sowieso.

mit dark chan ich au ned vill afange, i find die gwüsse psychedelische teil amigs sehr geil aber sgammtpaket isch mer zwild, zheftig eifach zfescht chrieg. wen me das biz me mitem konzept vo fullon würd zämewürfle und den no e priiise progi und velecht no es Mü remember-goa....den würd da sicher no es luschtigs resultat ge hehe.....die viele arte vo goa-styles werded schlussendlich uf eis uselaufe, me probiert die sache weder zverbinde um a neui grenze zcho...bzw nomol wiiterentwickle...

[Kollegoli]

ja ehhh me münd ja nöd grad ide nacht am 3 chillout laufe lahh .... damit chömer ruhig bis am halbi 5i warte.... nei seich....

find au dass progi meischtens wiituus psychedelischer isch als 99% vom fullon. psychedelic isch ja mittlerwiile eh meh es modewort als suscht igendwas.

[Zauberhäxli]

Gib am Oli vollkomme rächt, es brucht vil meh abwächslig was dä Sound anbelangt a dä Goapartys!

Bim Full On hani oft am Afang s`Gfühl; mhhh nöd schlecht, aber warum gahts nöd witer? Es nervt mich mängisch wänn ä Melodie ewig wiederholt wird bis sie eifach nur no usglutscht isch. Äs hät känn langsame und harmonische sich steigernde Ufbau wie z.B. bim ältere Psy. Wirsch schnell ufputscht und dänn machts immer nur glich "düdelkillerbeat"

Mag sie das ich was Goa anbelangt chli nostalgisch bin, aber mir gfallt dä älter Sound oftmals besser als nöie Züg. Es git Lieder wo ich immer und immer wieder cha lose und sie verleidet mir nöd, das hani bim nöiere Sound fascht nie meh. Ich vermisse chli die verschiedeni Facettene im Goa, dass dir es Lied ä Gschicht verzellt. Ich han gern wänn dä Goa mit verschiedene Instrument kombiniert wird (z.B. Trümmeli, Flöte, Gittare, Dudelsack, Gige u.s.w.).

Dur die technische Möglichkeite womer hüt händ wird minere Meinig nah z`fescht druf glueged dasmer ja en schöne Killerbass anebringt und dänn wird nur no ä lieblose Melodie däzuetäscht. Dä Sound wo mir gfallt zum tanze muess en guete Beat ha für d`Bei aber mindenstens genauso wichtig ä Melodie oder geili Tön wo mis Herz berühret (kä lieblose Goapop!).

Ich liebä Chillout über alles, aber ehrlich gseit zum tanze find is au nöd grad so s`richtige. Ich würds aber begrüesse wänns a dä Partys wieder meh en separate Bereich hät wo nur Chillout lauft, das isch eifach nur schön!!!!!

[Capablanca]

swie definiered ihr psychedelik???

Nach längeren Versuchen eine klare Trennlinie zwischen Full-On und Psychedelic zu finden, bin ich gescheitert.

Der Grund liegt sicherlich in meinen mangelnden Verständnis dieser Musik, das möchte ich gar nicht leugnen.

Ich habe daher für mich den Psychedelic als eine besondere Form des Full-Ons gekennzeichnet, der gewisse Eigenschaften hat. Oft ist es nicht möglich auch bei den typischen Psychedelic-Künstlern (OOOD, TimeLock, Tron, Atmos, Ion usw.) klar auszusagen, das ist das eine oder das andere. Es gibt einfach viele Stellen die passen zu beiden, daher betrachte ich ausser Dark, Progi und Ambiente im Prinzip alles als Full-On und sehe das als einen allgemeinen, breiten Begriff. Heißt ja auch: Gefüllt mit psychedelischen Klängen.

Aus dieser Definition lässt sich erkennen, das eigentlich alles Full-On ist. So, jetzt gibt es Dinge wie Dark oder Progi, die sich dann deutlich unterscheiden vom typischen Rest, so dass sie neue Namen verdienen. Den klassischen Goa betrachte ich als einen Teil der Geschichte. Die Musik wurde zu einer Zeit gemacht, als es andere technischen Möglichkeiten und eine anderes Verständnis für diese Musik gab, als es heute der Fall ist. Die Erfahrungen die damals gesammelt wurden, sind auch heute in gut konzipierten Releases zu finden, es ist nichts verloren gegangen.

Kollegoli, ich weiß sehr gut was du meinst und stimme Dir voll zu.
Allerdings würde ich das Problem nicht Full-On bezeichnen, sondern viel mehr so: Es wird einfach viel zu oft ein "einfach gestrickter XTC-tauglicher"-Fullon aufgelegt. Der Full-On kann hochgradig komplex sein, mit einer gewaltigen Fülle an kreativen, psychdelischen Klängen und pulsierenden Melodien; er kann aber auch einfach gestrickt sein, indem die Klänge und Melodienen aus "Standard-Schubladen" hergenommen werden (oder stark reduziert bis zu vollständig weggelassen werden), was teilweise kitschig und in den meisten Fällen billig wirkt, wie eine Ein-Weg-Musik (einmal hören und Tshüss).

Die größte Verantwortung liegt bei den Künstlern und auch den DJs, die darauf achten müssen, dass der Goa-Trance nicht irgendwann mal als billiger Techno endet. Mein Appell an sie ist daher, orientiert Euch bitte nicht an den anspruchlosten Party-Gängern. Vollgestopft mit genügend Drogen ist es denen ja meistens egal was grad läuft, sie nehmen die Musik gar nicht bewusst wahr. Stattdessen zappeln sie nur, wackeln, schaken, oder wie auch immer, schreien lauthals "geil", wissen aber nicht warum, weshalb usw.

Für mich sind Folgendes Kennzeichen für guten Sound (mit Niveau):
Die Musik ist ohne Drogen genießbar (Mit Drogen dann vielleicht sogar besser, aber das ist zweitranging). Die Musik gibt mir beim wiederholten Hören die Möglichkeit immer wieder Neues zu entdecken. Es entsteht nicht leicht ein Gefühl, als ob man schon im Voraus wissen würde, was den nun kommt. Man kann sich nur schwer an die Melodieen und Fragmente erinnern, was ja bekanntlich nur bei einer hinreichend hohen Komplexität geht.
Und neben diesen genannten Dingen muss mich die Musik auch irgendwie ansprechen, was dann aber reine Geschmackssache ist und nicht, wie das obengenannte, eher objektive Merkmale (z.B. ist die musikalische Komplexität eine objektive Eigenschaft, weil sie prinzipiell mit physikalischen Methoden messbar ist, und sich daher auch klassifizieren lässt).

Nochmal zu meiner Kernaussage: wir müssen zwischen billigen und hochwertigen Full-On (Neo-Full-On inbegriffen) unterscheiden, genauso wie wir es zwischen billigem und hochwertigen Rock (und anderen Musikrichtungen) tun. Nach meinem bisherigen Verständnis der Dinge (lass mich auch gerne eines Besseren belehren, denn diesbezüglich will ich weiterhin reifen) liegt nicht das Problem im Full-On als solchen, sondern darin, dass sich viele Künstler (DJs gehören dazu) die Sache zu einfach machen, indem sie verfrüht zum Schluss kommen, sie hätten den Psy-Trance in seinen verwurzelten Tiefen gänzlich verstanden. Kann mich dazu an ein Sprichwort erinnern (hoffe es ist der richtige Wortlaut):
"Wer heute glaubt zu wissen, hört morgen auf zu lernen."
Dieser Weisheit spreche ich eine hohe Gültigkeit zu, unabhängig davon ob es sich dabei um Musik oder andere Dinge handelt.

greatz

[Kollegoli]

aso zauberhäx muss säge, dasche voll geili beschriibig vo dir. vor allem das mite gschicht; vowege dass die geili musig e gschicht verzellt, wo dir igendwas vermittelt, im gegesatz zu ebe dem killer fullon, wo eifach uf killerbasslines und hoher klangqualität beruet.

zu dir capablanca:

aso fullon definierich eigentlich eher als "voll druf los" als "voll mit psy klängen", aber dasch eigentlich nebesach.... ich finde i vielne fullon lieder ghörich das use. ich unterscheide fü mich ämmel zwüsche sinnlosem killerfullon (z.B. hypersonic) und fullon-psy (z.b. goma).

zur psychedelik: ich find nöd, dass psychedelik zwangswiis was mit komplexität ztue ha muess. wennmers deigeschafte vo psychedelischer musig will mit wort umschriebe, wür ich da meh de begriff monotonie inerüere. so e gwüssi monotonie bruuchts imho für psychedelik: z.b. goma. isch ja wenn so willsch de voll düdl-fullon, aber er hat e gwüssi monotonie wo düütlich ide basslines ghörsch. eifach das repetitive wo dich ine art trance bringt. zudem isch siini musig nöd überlade, nöd überfüllt mit (des)informatione und laht ziit fü diini eigene "iigebige". be guetem progi isch das au ganz guet zghöre findi: die monotonie und de freiruum. oder wenn no wiiter wilsch gah, be igendwelche indianergsäng, wo nur en 4/4 taktschlag uf igend e alti dose (jaa zumindest tönts soo) und no ein zwei heyaheys häsch, das isch fü mich au sehr psychedelisch (wenn mir au scho fasch chli zu minimal).

ich finde de ganz killerfullon wo die ganz ziit lauft, laht dir voll kei freiruum für dini eigene gfühl und dini eigene "sache"; alles isch vorgäh und jedi bewegig sozäge vorherbestimm (eifach gseit). es hät mega schranke; es chunnt da uuftakt, dann chunnt de teil wo chli musch in himmel luege, dann chunnt break, dann chunnt killer teil wo schreie musch, dann isch fertig; alli teil sind eher churz und werded schnell abglööst und es isch voll kei freiruum meh da, du musch immer das mache, was dir die musig seit; nöd umgekehrt ,dass du dich chasch nach diine empfindige bewege und ziit häsch, i dis eigene ding inezcho.

äh ja no zude droge: aso ich konsumier scho gar kei droge meh us angsch vo dere musig. aso zu so sinnlosem killerzüüg wie immer lauft lohnt sich ja de drogekonsum nöd und du chunsch no angschtzueständ über... da hälfed die beschte droge nüüt