mysticalforum

de thread widmich de chliine sache im alltag, wo eus s'läbe versüessed...

falls ihr hüt öppis schöns erläbed wo eu zum schmunzle, lache, stuune, umehüpfe, en salto schwinge oder tanze bringt, au wänns nur öppis
chlitzechliins isch, dänn lönd mich dra teilhaa (hihi, voll egoistisch.. )!

ich mach mal en afang:

- woni uufgwacht bin, hani gmerkt dasi elei dihei bin und chan bedänkelos im huus umelärme und umedüüse, juhuu, so geil!

- bin mit mim tee vord huustüre ghängt und d'sunne hät mi voll duregschuubed! und dänn hani sogar no blueme entdeckt, womer vorher nie uufgfalle sind und wo so geil knallpink glüchtet händ. bienli gheied ab dene blueme sicher voll übere, so: oooh, das pink, da wotti mi gad mal drin wälze..mm...jaaaa....

- jetzt sitzi gad da vorem comp und es chömed mir scho am zä vor zäni am morge so vill schöni sache in sinn, woni sit em uufstaa erläbt han, dassi mis grinse nüm vom gsicht bringe...


also, ihr sind dra, setzed eue schönisacheufspürolator ii. ich hoffe uf vili positivi mäldige!

Das isch e geile Thread!

Auso, mi schöni-sache-ufspürer seit:

hüt morge bini no e stund lenge im bett blibe lige.(so schön!) när hani wäg 2 meter der zug verpasst, bi ou chli id sunne ghocket und ha e choccolatte trunke! mmm so fein!

juh bi ufgstande u ha mi gfroget warum i eigendli im oktober no schaffe duen, fragend u überleggend im auto sitzend hani kalkuliert obi uf min lohn cha verzichte im oktober:-)

und so isches so wiit cho dasi de job künnt ha u jetzt no happyer bi als suscht:-)))

ende gut alles gut

yee, hirni, das isch ja e geili gschicht! na dänn wünschi der vill spass!! )

Hihi... ganz geile Thread... machi doch grad mit...

- ich bin ändlich mal wieder 100% gsund ufgwachet am Morgä und das erst na früehner als sust...

- woni usem Huus cho bi hätts gwitteret aber bin nöd nass worde bis ich is Gschäft cho bin... s'hätt mi voll verschont han nämlich kei Schirm gha... *smile* aber ganz geili Blitze hätts gha woni im Poschi ghocket bin...

- Endlich hani e Arbet füre Chef fertig und dörf mich über sis Lob und d'Korrektheit vo minere Arbet freue...

- i muen sägä das Forum macht mir au mega Freud...

- Und s'Lächle und s'Ufgstellte Dasi vo mine Mitarbeiter isch eifach wohlduend...

... gäbt na meh aber muess ja dänn mal na anderne s'Wort übergäh

juhuu, cool dasser mitmached. hmm, en schoggidrink fändi etz au fein..

angel, bi dir häts gwitteret? öh, bi eus strahlt dsunne mitem fründlichste gsicht vom himmel!

öppis neus vo mim schönisachufspürolator:
- eui antworte stelled mi gad no me uf
- han hüt es pm vo öpperem übercho, woni nöd känn und wo eifach fridlich mit mir über öppis möcht diskutiere. das isch doch cool, oder?
- etz hani gad durs chuchifeister mini chatz gseh verusse umeseckle und d'müüsegägend unsicher mache, so herzig.

ich nimm etz mini luupe und gan no mee schöni sache go uufspüre, bis bald!

jep Shmahu s'hätt voll gwitteret.. isch aber idrücklich gsi das am Morgä am 6i... *grins*

han au na paar Sache...

- ich wird immer vo liebe Lüüt im MSN akickt vo hie, das stellt mi mega uf...

- bin zum Goldmember mutiert hüt... *grins*

- han grad erfahre dass es paar vo Biel sind und wirde gli mal eis dörfe go zieh mit denä das macht mi grad voll freudig *lol* [geili Formulierig]

- ich gsehn hüt ändlich mal e Kolleg sit langem... zum z'Mittag... drum sötti jetzt gah... *smile*

Shmahu isch geil... *ich bin voll ufgstellt hüt...*

ich bin verliebt!!!

und dä wunderbar mänsch hät mir etz gad gschribe, juhuu!

hey oli, anstatt rot zwerde mach dich lieber mal chli nützlich da und verzell eus vo de tuusige geile sache wo dir hüt über de wäg gumped sind. de thread isch ja eigentli prädestiniert für dich..

Shmahu... dä glücklich... *smile*

- han hüt vo minere Arbetskollegin es Gschänkli bercho eifach so... huere süesse Schlüsselanhänger.. *freu*

- geile Mittag gsi...

- es isch warm ich bin fit und mag schaffe... *smile*

ok, han no me:

- han i eusem süessigkeite-glas ufem chuchitisch no es suurs fischli gfunde, hui, hät mer geil s'gsicht verzoge..hihi
- gang hüt mit ere fründin eis go zie und si isch eifach sonen ussergwöhnlich geile mänsch, dasi mi immer scho stunde vorher wienen chline goof uf si freue.
- min schönisacheufspürolatormodus isch voll iigschaltet und drum gnüüssi hüt alles no um viles me. mich verschubets scho abeme pfäffermünztee..

Han höt au grad en chline Ufstelle gha am Morge. Han de langerwartet Brief vor Uni becho, mit em erhoffte Inhalt, dassi alli Prüefige bestande han

wow gratuliere biberfreund!

i ha ouno öppis: mitti monet = kei gäud me ... ize bini ines takeaway gange und ha für 4.50.- es riiise sandwich früsch gmacht becho mit tomate, gurke, käse und gaaaanz viu schinke... eidütig mi ufsteller vom tag!

hey ihr lieben wesen

find dä tread genial... nur cha ich im momänt nüt derzu bistüüre... finde dä tag nur schreg und komisch... fühle mich ou so und es passiere ou serigi sache hüt!

fröi mich uf füürobe i genau 15 min. und ufs yoga hüt obe... schüsch het nach däm dunkle morge mit rägne ou hie in biel suNNe afo schyne!

och käpten, dini idee würd min tag rette... fuck the work right now and here und tschüss zäme ... ab uf züri und is flugi

bin aber schüscht es ganz liebs wäse aber hüt bi ich nid bir sach!

kiss to all