mysticalforum

Salve meine werten Mitforümler

Irgendwie habe ich den ganzen letzten Monat so das Gefühl gehabt, als ob ich nen grossen, dämpfenden und deprimierenden Schwarzen Schwamm über den Kopf gezogen bekommen hatte... (Das Gefühl lässt Gottseidank langsam nach.)

Die "Symptome", welche ich verspürt habe:

- Lustlosigkeit
- lähmende Müdigkeit bis zum Gehtnichtmehr...
- Motivationslosigkeit
- Zurückgezogenheit
- eine gewisse Hoffnungslosigkeit gegenüber der Weltlage...
- Ärger/Disharmonie mit meinen Mitmenschen (eigentlich ja logisch - wenn's mir selber nicht gut geht, spiegelt sich das ja auch bis zu einem gewissen Grad in der Interaktion mit meinen Mitmenschen wider...)

etc..

Normalerweise habe ich schon so meine Ups and Downs, und ich kenne mich recht gut, wenn ich mal ne Down-Phase habe, aber so wie letzten Monat hatte ich es echt noch nie erlebt. Und wenn ich mich in meinem Freundes- und Kollegenkreis so umhörte, klang es eigentlich fast unisono von verschiedensten Personen.

Ein guter Freund hat es recht treffend beschrieben: Es fühlt sich an, als ob man einen schwarzen Schwamm übergestülpt bekommen hat.

Nun, bin ich der Einzige hier im Forum, dem es so ergeht/ergangen ist, oder gibt es noch die oder den andere/n, der/dem es ähnlich erging?

MfG und Peace
A.

PS: Drogen als Ursache können ausgeschlossen werden

du nei ich chan dir da voll nöd zuestimme

mini täg sind momentan sogar no euphorischer als sie eineweg scho sind, was zwar en bestimmte grund hät, aber es wür au susch voll abgah

aber ich merke z.b. da im büro woni schaff dass all voll muffig sind...

villicht häts ja mitem wätter ztue, was so zimli wörtlich uf de schwamm träffe wür.

aber da chani nu säge, räge isch doch au schön. mer chan gseh "nei hilfe, panik, ich chan nöd go sünnele", aber me chan au gseh "boah voll geil, hüt machsmer gmüetlich dihei und bin dehei aktiv". me chan gseh "nei hilfe panik, ich muss mis rägemänteli fürenäh und unders dächli stah" oder "ja geil, hüt gahn mi im schlamm go wälze!!!"

weiss au nöd, aber wenns mal scheisse isch, häts de vorteil, dass es nu besser chan werde.

wünsch uf jedefall viel spass, uf das din düstere schwamm bald in en schwamm voll euphorie, judihui und cheibigkeit mutiere söll.

so jetz mussiwas esse (boah geil esse, stellder mal igendwas feins vor

Nein, bist Du nicht, Drachenherz.

Es geht vielen Leuten schlecht, zur Zeit. Ich z.B. habe einen lieben Freund via Tod verloren. Aber das interessiert hier niemanden wirklich.

Werde mich gerne melden, wenn die liebe Sonne endlich wieder mal in mein (+ unseren Gemüt/ern) scheint.

Bis dann wünsche ich Dir und ganz vielen anderen hier einen verfrüht schönen Herbsttag. Los! Ab ( Stein-) Pilze sammeln ... .

Ich geh' vorerst mal meinen "Coniglio (von meinem Opa) con Funghi" marinieren. Mit Bio-Gemüse versehen, versteht sich.

Ahouga.

Hoi, chani also au ned säge, dass ich en schwarze Schwamm gspürt hätt, ned mal ufs Wätter bezoge.

Da es immer wieder chli windet, ziehnd dWulche so schön verbie und es Wächselbad voll Farbe spillt sich ab, dusse ide Natur. Und es isch ned mal chalt! Wieder chli Sunne, chli Wind, chli Räge und mal wieder alles mitenand, voll schön!

Und stimmigsmässig gahts irgendwie voll ab de Monet, villi Emotione, Gspröch, Ereignis, positiv wie negativ, aber vill meh positiv! Han eifach en Schissefreud i mier im Moment!

Vilicht au chli wie de lieb KollegOli sehr schön gseit het, me chas ebe vo verschiedene Siite gseh, und irgendwie gfindi im Moment immer die positiv Siite a öppisem klar, das wird wieder wächsle, und denn wieder wächsle, that's life.

Hätt en Idee, kenn Di ja aber ned und drum weissi au ned ob bi Dir das was bringt, aber mach doch öppis ab mit öpperm woder Spass macht oder wod no nie gmacht hesch, Sushi kreiere, billarde, Alpamare, Kino, baschtle, Schnorrisession, Meditiere, etc. und freu Di uf das! Weiss ned, aber wenn öppis bevorstaht woni Freud dra han, denn gaht die au ned so schnell verbie..

ja gell kampffee

das wetter isch huerre schön. de himmel isch jetz ämel so "wiit" mer gseht so richtig schöni wulcheschleier. und vorallem so abwechsligsriich.
die wulche sind eifach bombastisch.

be mir gahts stimmigsmässig au voll ab, aber nöd nu im moment, (aso ja im moment no meh) sondern scho mega lang... ich han ämmel scho fascht sgfühl öppis stimmt nöd, ich bi immer fröhlich ohni uusnahme. ich bin in dauereuphorie.

idem sinn, uuuuhuhhh jaaaaaaaaaaa

au ich chan da nöd mithalte, han en hammermässig geile summer erläbt (und erläb en immer no) und es hät mer e neui bekanntschaft is läbe gschneit wod sunne sogar nochli heller schiine laat.

au i mim nöchere umfäld isch mer nüt extrems uufgfalle, wänn dänn nöd unbedingt öppis schwermüetigs, sondern ehner e ruhigi nachdänklichkeit, was ich aber an sich schön finde.
e alti kollegin vo mir hät sich letscht wuche umbracht, aber sie hät scho lang mitem läbe kämpft.

au wänns so öppis wiene kollektivi depression git, so glaub ich, hät mer sälber immer d'macht degäge aazgaa und öppis positivs drus z'mache.
und wänns eim halt au mal verwütscht und mer ines schwarzes loch trudlet, jänu, dänn mues das au mal sii, mer chan schliessli nöd immer uf de höchste berge tanze.

finds en schöne und persönliche thread, drachi, das gfallt mer eh immer.
knuddel

Kollegoli hat geschrieben:.. ich han ämmel scho fascht sgfühl öppis stimmt nöd, ich bi immer fröhlich ohni uusnahme. ich bin in dauereuphorie.

Ja was chönnt denn ned stimme? Ich dänke, Du hesch im Moment eifach die Fähigkeit, dich übere längere Ziitruum ide Freud ds halte und das isch doch wunderbar! Nach dem suecht ja dMenschheit eigentlich

Aber klar bruchsch denn au wieder mal es down, aber das chunt ame no gliner als me dänkt und meischtens unerwartet... drum:

*jubeltrubelheiterkeit* ich freu mi mit Dir! Enjoy!

Hmm... also ich verstahn dich nur zu guet Drachenherz... ich kenns vo mir här und leider au vo sehr sehr vielne andere Mitmänsche wo säget dass sie sich kraftlos, erschöpft, lunisch und eifach am Endi fühlet...

Ich dänk es isch eifach irgendwas ir Luft... da drüber z'theoretisiere brüchti wahrschinlech wieder en eigete Thread aber ebä...

Hmm... aber mal luege... bi mir gseht's au langsam wieder nach Sunne us au wenn mir das Wätter in letschter Zyt überall en Strich dur d'Rächnig macht... *grummel* jänu...

Hoff din Schwamm gaht na ganz wäg... *smile*

Hey mini liebe Liebende, ich danke eu für üches Feedback, tuet guet z'khöre.
Isch au en guete Input, um pesönlich wiiterzcho, und eui Biiträg händ au en (rächt positive) Gedankegang bi mir uusglöst. Wie dä gnauer uusxeht folgt imene spötere Posting i däm Thread.

So als Vorgschmack chani nume es paar Stichwort säge:

- Selbstmitleid isch en Abwärtsspirale
- Das Gesetz der Resonanz ("gleiches zieht gleiches an"...)
- Die Götter schmieden das Schicksal / Jeder ist seines eigenen Glückes Schmied
- "Mit grosser Macht kommt grosse Verantwortung (hehehe... *schmunzel*)
- und: "Zu wollen ist nicht genug, wir müssen tun! Zu wissen ist nicht genug, wir müssen anwenden!"

Ebe, gnaui Erlüüterig vo obgnanntem folgt!

Bis bald, hebed eu Sorg und ich wünsche eu allne Liecht und Liebi und Gottes Segen!
Peace
A. (wie Andi *gg*)

drachi, bisch eifach en geile siech...
bin gspannt uf dini usfüehrige!

liebi grüess
au a. (wie andrea )

Bi au eine vo dene wo vil meh fröid het wenn's dusse schön wätter isch. Weis au nid aber bi denn viu dusse am see mit kollege am brätle, sünnele, bike aber aus das geit eifach schlächt wenn so gruusig isch dusse.
Gloube i choufe mir eze de in hawaii zwöi palme u nime mini hängematte mit u gniesses dört
Aber dasi öppe die motivationslos bi hanget sicher auch dermit zäme dasi mägisch chli zvil game im i-net ... luschtigerwis hani das nume weni alei bi u nüt abgmacht ha.
Was aber sehr motivierend isch wemme es grössers ziel vor ouge het, mis nöchschte isch dasi es halbs johr i kosovo gange mitem militär (swisscoy). Git mir sicher vil zit zum über mis läbe nochezdänke unds guete isch dasi dä luxus wo mir hie hei, sicher nid wirde ha.
Simer doch mau ehrlech mir si oft am nörgle wüu mir schüsch keni porblem hei ... därum dänki s'beschte isch es grosses ziehl vor ouge z'ha

Piis out

drachenfüdli,
schwamm drüber

Akzeptanz gegüber dr Tatsach, dass es eim au mol nid so guät goht, isch eis vo de wirksamste und au eis vo de schwerer erreichbare Mittel.
Erscht gar nid gross analysiere, und s'Liächt suäche und denn rückblickend aneh, was gloffe isch. Klar wenn im Sumpf hocksch oder der Schwamm über de Öpfel gstülpt hesch, gseht mehrs Licht nid aber mer erinneret sich dra und das söll eim s'Vertraue geh, dass es wieder anderscht wird (siehe mein Gedicht erinnerisch dich an Spaziergang?(*ganzweisedahinplappertundsicheinwenigbelerendanhörtwasnichtbeabsichtigistundichweissnurzugutwiesdirgehtglaubeichemel*) *gg*

Zum wetter I LOVE HERBSCHT, juhu!!

PS. heit ihr es guäts training gha?? hehe ich bin momentan sehr 2teilt..*seufzg*

Hehe Samatropinita, "Schwamm drüber", das ist mir auch durch den Kopf gegangen.

Nun, jetzt möchte ich meine früher angeschnittenen Stichworte ein wenig genauer erläu-tern.

Als ich so die Antworten auf meinen Thread durchlas und bemerkte, dass es den meisten doch gut geht, kam mir folgender Gedanke:

"Mensch, mir geht es nicht gut, und da kommen mir die Leut und erzählen, wie toll sie es in letzter Zeit haben. Puh, das brauch ich echt nicht hören..."

Ich realisierte dabei so einiges. Zuallererst musste ich mich selber an der Nase nehmen, wegen meiner eigenen selbst-bemitleidenden und absolut egoistischen Reaktion. Warum macht mir das was aus, dass es anderen gut geht?!? Steckt da nicht blanker Neid dahinter? Warum kann ich mich nicht freuen, dass es anderen gut geht???

Und ich realisierte eben auch, dass Gleiches wiederum Gleiches anzieht. Sprich: Mit den Vibes, welche ich in mir trage und die ich aussende, ist es nicht verwunderlich, dass ich Menschen um mich herum habe, denen es ähnlich geht wie mir, sprich: Die eben auch so einen Schwamm überm Kopp haben wie ich. Zu sehen, dass es andere gibt, die nicht mit den gleichen Problemen kämpfen wie ich half mir zu erkennen, wo ich selber stehe. Und dass ich etwas AN MIR ändern muss, um aus dieser Situation herauszukommen. Sprich: Wie schon in anderen Threads erwähnt, kann ich nicht die Situation um mich herum ändern (oder erwarten, dass das jemand für mich tut), sondern muss selber aktiv werden und nach Innen schauen, was ich da so tun kann...

Da bemerkte ich, dass ich doch tatsächlich (wieder einmal mehr!) in Selbstmitleid versunken war, und mich das eben lähmte. Quasi so nach dem Motto: Sich selbst zerfleischen und jammern, jammern, jammern, dabei aber untätig bleiben und nichts an meiner persönlichen Situation ändern... Und eben... mit Selbsmitleid kommt noch mehr Selbstmitleid, noch mehr Jammern, noch mehr negative Energie und noch mehr "Lähmung"...

Erst durch das Durchbrechen dieser Abwärtsspirale des Selbstmitleid gibt es für mich die Möglichkeit, wieder da rauszukommen.

Und da kam mir eben eine philosophische Diskussion mit einem sehr guten Freund in den Sinn.
Er erzählte mir über die zwei Sprichwörter:

"Die Götter schmieden das Schicksal." und "Jeder ist seines eigenen Glückes Schmied.", welche auf den ersten Blick wie zwei unvereinbare Gegensätze erscheinen.
Was aber nicht unbedingt der Fall sein muss, wie wir in unserer Diskussion vor über zwei Jahren herausfanden:

Klar, einerseits gibt es Dinge, die einem vorgegeben werden, Begebenheiten, die nun einmal so sind und für die wir "eigentlich nichts können"... (Was, unter Berücksichtigung karmischer Gesetze [sofern man daran glaubt...] aber wiederum auch nicht 100% so sein mag...) Schicksal halt, das "von den Göttern geschmiedete Schicksal"...

Nun, es liegt aber in der Hand von jedem einzelnen Menschen, WAS er mit dem ihm gegebenen Schicksal anstellt. Wie er es verarbeitet, was er daraus lernt, ob er sich davon zu Boden ringen und schwächen lässt, oder ob er es als Chance zum persönlichen Wachstum und Vorwärtskommen anschaut. Bruce Lee beschrieb das schön: "Ich verwandelte die Stolpersteine auf meinem Weg in Treppenstufen zum weiterkommen."
So sind wir quasi die Schmiede unseres eigenen Glücks.

Diese (erneuerte) Erkenntnis half mir, zur Besinnung zu kommen und meine Jammerei endlich mal sein zu lassen, und anfangen zu HANDELN.
(Siehe auch den Spruch: "Zu wollen ist nicht genug, wir müssen tun! Zu wissen ist nicht genug, wir müssen anwenden!" (Auch von Bruce Lee... *smile*))

Zu erkennen, dass ich mein Schicksal in die Hand nehmen und selber wieder aktiv werden muss, das hat echt gut getan.

Was jetzt nun den Spruch "Mit grosser Macht kommt grosse Verantwortung" betrifft...
Ich habe in letzter Zeit einige Projekte am laufen, die durchaus gute Effekte haben könn-ten und sehr vielen Leuten sehr viel Gutes mitgeben könnten. Da wäre zum einen unsere Kung Fu Schule... Wir haben endlich einen eigenen Trainingsraum (Dojo), wo wir endlich jederzeit selber trainieren und Trainings anbieten können. Die Renovation, Einrichtung etc. dieses Raumes kostet(e) viel Kraft und Geld, und es war (ist) generell eine schwierige Zeit, wo es einem wirklich nicht leicht gemacht wird, etwas auf die Beine zu stellen...

Ich möchte auch endlich die Homepage unserer Schule aktualisieren (gell Chrismos... *smile*) und auch meine eigene (http://www.drachenherz.ch) auf die Beine stellen, welche beide - so hoffe ich - vielen Menschen etwas Gutes mit auf den Weg geben können.

Mit "Macht" habe ich darum gemeint, dass diese Projekte durchaus die Möglichkeit haben, etwas zu bewirken, sprich: eben eine gewisse "Macht" haben. Das führt aber dazu, dass ich dadurch auch eine gewisse Verantwortung habe, diese Projekte auch wirklich durchzuziehen. Man kann sie sozusagen als meine "Babies" betrachten. Und wie bei einem echten Baby: Es braucht verdammt viel Pflege, Energie und Aufmerksamkeit. Man kann es nicht einfach auf die Welt setzen und sich nachher nicht mehr drum kümmern...

Und diese Verantwortung wiegt nicht leicht... Was mich wiederum auch auf die eine oder andere Art bedrückt hatte... (Weil ich doch meinen bequemen Lebensstil ein wenig ändern muss, um diese Projekte wirklich durchziehen zu können... Und da hatte ich ein wenig Mühe...)

Doch wenn ich es recht bedenke und die glücklichen und zufriedenen Gesichter der Leute im Training sehe... Oder auch manchmal die Reaktionen der Menschen auf Texte von mir... *zwinker smile danke*, dann muss ich sagen, ist es mir durchaus Wert, ein wenig auf meine Bequemlichkeit zu verzichten und durchzuziehen, was jetzt grad angelaufen ist.
Zu TUN... Das ist echt ein Heilmittel gegen ein Down...

...

Wahrscheinlich hab ich jetzt noch den einen oder anderen Gedanken vergessen nieder zu schreiben, aber halb so wild, ich hab euch auch schon so reichlich zugetextet.

Ich danke euch allen auf jeden Fall für eure Inputs und die positive Energie, die ihr mir vermitteln konntet. Ist einfach so, dass wenn man etwas niederschreibt und es mal ruhen lässt, dass sich dann ganz neue Perspektiven eröffnen. Das Schreiben kann eine grosse Hilfe sein, Dinge zu verarbeiten und weiterzukommen. Ein Tagebuch kann da zum Beispiel ganz nützlich sein.

Und wenn man dann auf das eigene Geschriebene sogar noch Inputs und Feedback erhält, ja dann... *doppelsmile* Hihi, das Forum als Hilfe zur Selbsthilfe... *gggg*

Ich wünsche allen von Herzen nur das Beste! Kopf hoch, wenn man mal unten ist, und Kopf nicht hängen lassen, wenn man mal oben ist! *gg*

Peace
A.

hey dracheherz

das häsch schön gschribe. ich finds mega dass du de muet häsch zu dine schwächene zstaa, dich i de "öffentlichkeit" zhinderfröge und zreflektiere, das sich voll nöd sälbstverständlich.

uf dass dini babies wachsed und gedeihet!

danke für dini ehrlichkeit, din muet und dini gedankeastööss.

grüessli, schmahuuuu


ps: de bruce lee schiint mer ja en weise siech gsi sii...de spruch mit de stägetritt findi echt geil!

Sali Shmahu, Namensvetter im RL (real life *g*)

Danke für's Kompliment.

Hmm... s'hät mehreri Gründ, warum i das so gmacht han.

Einersiits isch's uufschriebe alleige scho e grossi Hilf, sich gwüssne Sache bewusst z'werde und um chöne z'erchänne, wo dä Schue druckt.

Dänn isch mer uufgfalle, sobald ich das "öffentlich" gmacht han, was mi da so plaget, hani däm ufen Art wie d'Macht chöne näh. Es isch wie öppis böses, dunkles gsii, wo im Versteckte, still und heimlich hät chöne würche. Dur's uufschriebe (und öffentlich mache...) isch's, als ob mer das us dä Dunkelheit use as Liecht zieht... Und somit chan überwinde...

Und en wiitere Grund: Wer weiss, viellich chan's ja susch öpperdem au hälfe, wo inere ähnliche Situation isch. (jaja, was bini für en liebe und selbstlose Kerl, hehe...)

Und wäg em Bruce Lee... Hmm... Die wenigschte Mensche wüsset, wer und was er eigentlich würklich gsii isch. Er isch viel meh als dä "uaaa-taaaah!!!!" Kung Fu-Kämpfer und Schauspieler...

Er isch nebed dä Schauspielerei no:
Poet, Schriftsteller, Philosoph, en liebende Vater/Ehemann, guete Fründ und no vieles meh gsii...

Ich han irgendwie s'Gfühl, er hätti dä Welt und dä Mänsche no so vieles meh chöne gäh... Es isch schad, dass er so früeh gstorbe isch.

Ah, übrigens... Min Kampfkunscht-Lehrer und ich sind scho sit über emene Jahr amene Artikel über ihn schriebe... S'fehlt no s'letschti sechstel... Werd dä glaub's da ine stelle, hihi.

So, muen mal wieder es bitzeli was tue.
Peace
A.