Arbeit, Freizeit, leben und der Alltagstrott

[ChriSmoS]

Hallo Miteinander

mich würde interessieren was ihr so in eurer Freizeit treibt? Damit meine ich nicht wirklich "an Partys gehn" etc...
Ich dachte son Topic würde es bestimmt schon geben, hab aber beim "suchen" nichts gefunden.

Denkt ihr generell die Freizeit ist fürs freihaben da? Oder arbeitet ihr auch am Abend und am Wochenende (sei es partys organisieren, Sozial-Projekte unterstützen, Waldarbeiten, Websites etc..) vieleicht angaschiert sich der ein- oder andere ja für dasselbe und ihr könnt euch unterstützten (deko basteln). Oder kuckt ihr nach dem arbeiten TV, hört stundenlang Musik, geht schwimmen, oder gar gleich schlafen, etc..?

Mich interessiert hierbei der "Alltagstrott". Wie vermeiden Ihn die Leute oder wollen Sie keine Änderung? oder bemerken Sie ihn garnicht?

ich für meinen Teil versuche die Balance zu halten. Was aber garnicht einfach ist, den der Mensch ist ein Gewohnheitstier. Ich denke es geht hier garnicht anders in diesem System. Meine Lösung ist einfach gesagt: Reisen! Da jeder Tag auf reisen anders ist als der eine zuvor, ob man will oder nicht! (im weiten Sinn ist das ja immer so, die details zwischen dem Alltag, ich weiss)

mal sehn wer hier auch über solche fragen nachdenkt

gruss

[Karamejah]

hey, das finde ich ein schönes topic.
also, in meiner freizeit muss ich relativ viel vor- und nachbereiten für den job, also ist es nicht wirklich FREI- zeit.
wenn ich dann wirklich freizeit mache ich gerne mit sport platt.
klettern ist meine absolute sportart nummer eins.
Manchmal packt es mich auch und dann male ich sehr gerne.
Leider viel zu selten....
im sommer tobe ich mich dann in meinem gärtchen aus. unkraut zupfen entspannt

[Ganesha]

Kukuk...!!
ehmm also wenn ich hei chume ghani mal als erschtz in msn... denn üebi pro tag 1 halb stunde gitarre ( mach bimene projekt mit es ghat drum ob mer allei vom internet chan gitarre lerne oder es ohni hilf ned ghat... das isch no rächt witzig... ond möcht da gar ned praale aber paar sache hani scho glernt ohni anderi...*stolzsein*) jo susch tuni chli game: sims oder halo2 oder was au immer... und so ala sport mach ich icehockey *schmälz* egal und susch bin ich möchte gern schauspilerin mach vill bi theater mit... he he und ide natur bini au regelmässig bin ide pfadi, ich leite chlini meitli vo 7-10 (biendli 1 stufe)

AZB

[industrialsun]

freizeit... och, davon kann ich im moment leider nur träumen
(steck mitten im endspurt für die abschlussprüfungen pmk)

aber sonst:
- ich lese sehr, sehr viel (auch schund *g*) und
- informiere mich regelmässig mit büchern aus der bibliothek über generell-was-auch-immer mich gerade interessiert (speziell in den bereichen gesellschaft, politik, soziologie, wirtschaft etc, jugendbewegungen und staatsformen sind auch immer wieder ein thema, am besten alles zusammen vernetzt).
- puzzles und gesellschaftsspiele *g*
- deko und alles rund ums wohnen (jetzt nicht unbedingt goa)

gerne hätte ich ein kleines gärtchen, aber bis jetzt bin ich mit meiner fülle an zimmerpflanzen und meinem balkon auch schon ganz glücklich.

ich bin eigentlich schon relativ ein gewohnheitstier, grad im alltag macht es mir wenig aus, immer wieder die gleichen mechanismen zu produzieren (oder gibt es zum beispiel viele arten, wie ich mich duschen könnte ), weil mir so (zumindest dem gefühl nach) mehr zeit für die relevanten sachen bleiben.

grundsätzlich sehe ich fast nie tv (hab auch keinen apparat in der wohnung) und auch internet ist in meiner freizeit kaum ein thema (hab anschluss im geschäft).

freizeit ist für mich die zeit, über die ich frei verfügen kann und in der ich machen kann, was mir spass macht, das können zum einen ganz hedonistische sachen sein, aber ich bin auch für "seriösere" projekte zu haben (organisation von partys/ferien/etc), die mit gewisser arbeit verbunden sind. in erster linie geht es mir wohl ums abschalten und ausspannen, d.h. den kopf vom alltag und der arbeit (so sehr sie mir auch spass macht) freibekommen...

edit: ganz vergässe gange: natürlech jedi art vo zämesi mit kollege und mim fründ (wo glichzytig mi bescht kolleg isch)!

[Josh]

Hey, es interessants Thema, ChriSmoS!

I minere Freiziit dominiert ganz klar de Computer. Bis vor es paar Jahr hani no tusig Stunde mit game verplämpered, hützutags erstell ich Websites, liese Fachbüecher dezue (Webusability, Programmiersprache, Sicherheit vo Webapps etc.), triffe mich mit Kollege usem Ayomforum (woni au Moderator bin und Mitglied der ersten Stunde ) zum gmeinsam über Webaktivitäte palavere, und stelle mit es paar Kollege us de Goaszene es gmeinsams Projekt uf d Bei.
Susch spieli eigentlech cheibe gern Didgeridoo, aber leider viel z sälte, und eleige macht's au ned würklech Spass, es Djembe etc. würd das ganze scho chli ufpeppe... (ghört öper min Hilfeschrei? )
Läse tueni eigentlech au gern, han aber scho sit Monate kei Roman meh id Händ gnoh... und au s Zeichne chunt extrem z churz (han als Bueb mit eme Kolleg en eigeni monatlechi Comicziitschrift usegäh), gnauso wie s Schriibe vo Gedicht, Gedanke etc.
Würd mi au gern chli meh ide freie Natur ufhalte, bini aber zuegäh oftmals eifach z fuul dezue.

Zum em Alltagstrott uszwiiche luegi, dasi ned stahbliibe i mim Läbe. Grad im Bereich Computer muess mer ja arg luege, dass mer ned zruggbliibt ide Entwicklig; das isch en Dauerstress, aber ned im negative Sinn, sondern er bhaltet mich aktiv und fordered mini graue Zälle.
Natürlech ischs mer au wichtig, regelmässig öpis mit alte und neue FründInne z undernäh, zum de Kontakt zur Mänschheit ned z verlüüre.

@ ChriSmoS:
Chönt's Reise aber ned au en Flucht si?... Nur sone Dänkastoss...

[ChriSmoS]

cool das sich do langsam was entwicklet findes intressant!

bi mer isches ähnlich, de PC isch au eher Dominant be mer, wie ich usegfunde han isch das eifach mis Werkzüüg Nr. 1. I lese ned gern büecher willi mi immer dezue zwinge muess dra zbliebe, dorom liess ich vill im Netz. Cha ned zeichne und be au ned so en begabte baschtler, mitem PC fallt mer s'Designe im verglich eifach. Im winter bini leider au zwenig i de Natur, aber de summer chund ja wieder. Sounde tueni fürs läbe gern und hey josh *ruf-erhört* i spille au sehr gern jambe + bongo de kanton stimmt ja au -> PN...

Was mer aber trotzdem schwer fallt isch: zVersueche folgendes Motto izhalte: Gib jedem Tag die Chance der Schönste deines Lebens zu sein.
I denke (mer)/ich mue eifach bewusster läbe, das isch en schwerigi sach aber sziel wär s'gliche findi!

Einersits gahts i dem Thread um dFreiziit, sodass dlüt do ine chli es bild defo überchömed was die andre so mached. Schritt 2 wär den d'diskussion über de alltagstrott - er händ da eigentli au so gmacht

Ja josh einersits wär das en Flucht, anderersiits ischs eifach en andere Weg zum Ziel. Eine frage des standpunktes. I säg au nid dases dLösig für alli isch - vo was i aber überzügt bin: es chan en weg für alli si! I gseh da bi villne wie sie gfange sind vom alltag, nix neues - every day the same fucking shit! mit dem kämpfi mi amigs au umenand....die wo da kenned: was isch eui "chraftquelle/ziel" das z'übersto?
i glaub ebe das sich villi eifach nur triebe lönnd, öb da guet oder schlecht isch, isch en anderi frog.

[Josh]

Was mer aber trotzdem schwer fallt isch: zVersueche folgendes Motto izhalte: Gib jedem Tag die Chance der Schönste deines Lebens zu sein.
I denke (mer)/ich mue eifach bewusster läbe, das isch en schwerigi sach aber sziel wär s'gliche findi!

Han immer Müeh mit so Binseweisheite... Ned dass sie kein wahre Kern hätted, aber sie sind halt oft sehr unrealistisch und deprimiered deshalb, wemmer sich danach wott richte und s ned schafft...
Mängisch "bruchts" au mal sone richtige Scheisstag, hani s Gfühl. Das hani ab und zue gha während de letschte 2 Jahr Schaffe als Informatiker... so Täg, wo d eifach scho am 10i am Morge uf d Uhr luegsch und dänksch, fuck, wie überstahn ich das no bis am 5i...?
Im Gägesatz dezue hani au ab und zue mal en Tag gha, woni am Abig am 8i gfunde han, so jetz muesi denn würklech langsam mal hei...
S Läbe isch es ständigs Ufe und Abe. Sobald s nur no eis vo beidem isch, bestaht d Gfahr, dass mer irgendwenn tüüf stürzt (für de Fall, dass mer mal ufere rosa Wolke schwebt, und eim denn irgendwenn de Alltag wieder iiholt), oder dass mer usem Loch nüme usechunt...

vo was i aber überzügt bin: es chan en weg für alli si! I gseh da bi villne wie sie gfange sind vom alltag, nix neues - every day the same fucking shit! mit dem kämpfi mi amigs au umenand

Das uf jede Fall. Und da findis sehr wichtig, dass mer Muet het zu Veränderige. D Veränderig chunt sälte zu eim is Läbe - mer muess sie sueche, und provoziere.
Bisher sind mini Läbesabschnitt immer i relativ churzi Häppli ufteilt gsi: 3 Jahr Gymi, 2 Jahr Informatik etc., so dass sich d Veränderig immer automatisch ergäh het, nachdem sone feste Abschnitt wieder verbii gsi isch. Aber ich dänke, grad Lüüt, wo sit Jahre im gliche Bruef stecked, chönd i so Tüüf inegrate... d Midlifecrisis wird wohl dur settig Umständ usglöst.

die wo da kenned: was isch eui "chraftquelle/ziel" das z'übersto?

Veränderig isch wichtig, findi. Au (oder vorallem) im Alltagstrott. Grad wemmer sich triibe laht, findi, läbt mer sis Läbe ned sälber, sondern "laht's läbe für sich"... Und dass so irgendwenn s Gfühl vonere grosse Leeri uftritt, verwundered mi ned.
Hüt isch das natürlech mit em schwache Arbeitsmarkt schwieriger als au scho. Het mer en Stell, klammered mer sich velech eifach dra, will mer froh isch, überhaupt eini z ha. Da isch jedi Veränderig en potentielle Risikofaktor...

[funk0r]

Findi ä es guets Thema
So chamer ebe luege was die andere so triibe und de vellecht sogar Sache i de eigeti Alltag bringe...

Bi mer esch au de PC en wichtige "Ziitvertrib" oder halt en gueti Beschäftigung... Frühner bini sehr vell am zocke gsi... jetzt tueni chli sound lose, surfe, maile und vell läse resp. informiere...
Fern gaff i ned so vell (oder nonig ;O ha jetzt de satelitteaschluss) ... Isch sicher eifach guet zum mal ganz Abschalte... Fern ON - Brain OFF
Oder chli Konsole zocke

Suscht lueg i au dezue, dass i vell mit Kollege was undernimme... quatsche, hänge, mal eis zäme gu zieh...
Da i jetzt en eigeti Wohnig han, lueg i jetzt au meh für Ornig und Idee, was ich no so i de Rüüm mache chönti...
Oder mal ganz eifach en Ego-Dance-Seschn duregä Chan au ganz amüsant si!

Mal chli richtig Wald laufe, ufs Bänkli hänge, uussicht gnüsse und eis rauche =) S'Schniide vum Eigeabau brucht dezue äne au no so sini ziit...
Und näbebi gangi no is Fitness... Teilwiis sehr de aschiss dezue... aber es tuet uh huere guet, wenn mers hinder sich het

Büecher hani eigentli ä gnueg am Start... nur müsst i mi mal überwinde azfange läse... Wenn i de mal drin bin wirds de meischt förmlich verschlunge =) Kennet er wahrschindli zu gute

Vellecht wirdi jetzt de einisch no afo sounde... chli uf ego uflegge und mal luege wasi so zstand bringe mitem PC

Oder mal mit Kollege en iisii Choch-Obig mache Zäme chöcherli, gmüetlich ässe und chli umelalle :>

Nur chli de Gedanke freie lauf lo denn chömet scho Idee-e...

gruzli funk0r

[Josh]

Hehe, am TV luege regelmässig nur Simpsons und Futurama. 17:00 uf SF2 afange, 19:00 uf Pro7 ufhöre!

Jau, Egodancesessions hani au no gmacht, woni no sälber e Wohnig gha han!

[funk0r]

hihi jo Wenns die halt i de Bei reizt, musch halt losshake Vorallem wenn neue Sound hesch =)

S "guete" momentan bi minere "Wohnig" esch, dass es en Wohnig dihei esch... Also bi eusem Huus en Abau, wo mer renoviert hend und en Wohnig drus gmacht... Vermietet gha... denn esch de gross bro inne, de esch jetzt züglet und voila Jetzt han ich sie! hrhrhhr

Brett und Chartespel chöne au sehr Unterhaltsam si =)

Im Summer... an See ( wohne gad a eim) gu hänge,bade,rede,rauche und HäkiSäki spele =) au ganz toll!

[Käpten Hirni]

Soso..interessant..aso i minere Wachstumsphase machi so guet wie meh als suscht..hehe...das fangt a vo true calling bis zu organisatorische beizetuure bis zum gemühtliche seechille mit de gitarre und de jambes bis zum ufmische... ja game dueni eigendli au chli aber ebe..chli so guet wie nüm..und e xbox 360 lohnt sich für mich nüm zchaufe:-) ja und chli spanis lerne, gedicht schribe und vorallem freue verfüähre:-)*gg*..jaja...thats life and its beautiful:-) so das isch widermal en kommentar gsii:-) piis und ja die wo sich kei ziit chönd näh,...nämät euch..es isch guet für geischt und seel:-)

[trilobyte]

Hey, es interessants Thema, ChriSmoS!
Susch spieli eigentlech cheibe gern Didgeridoo, aber leider viel z sälte, und eleige macht's au ned würklech Spass, es Djembe etc. würd das ganze scho chli ufpeppe... (ghört öper min Hilfeschrei? )

aus welcher ecke der schweiz kommst du denn?

[Josh]

Im Aargau und in Bern bin ich oft anzutreffen.

[Cat]

Ist zwar schon ein älteres Thema, aber ich bin ja auch relativ neu in dieser "Gemeinde"...
Meine Freizeitgestaltung besteht hauptsächlich aus lesen, lesen, und lesen.
Wenn ich 'mal kein Buch zur Hand habe, was allerdings selten vorkommt, dann bin ich total auf Entzug. Ähnlich geht es mir mit der Musik, wobei ich nicht nur Goa höre, sondern eigentlich alles ausser Reggae und Freejazz. Ich tanze auch sehr gerne, so ganz für mich allein im Haus, spiele Klavier und ein wenig Gitarre. Dann habe ich noch einen Hund, der ziemlich viel meiner Freizeit beansprucht, dafür gibt er aber auch viel. Dank ihm komme ich oft und auch bei jedem Wetter in die Natur hinaus, wobei ich auch meistens meinen Fotoapparat mitnehme.
Im Winter, wenn ich nicht arbeite, sitze ich öfters stundenlang vor dem PC, beim gamen bleibt man halt unweigerlich stundenlang hängen...
Mit Freunden ausgehen tue ich relativ selten, da meist immer alle bei uns zu Hause landen, wir sind bekannt für unser open house, everytime...
Ach ja, und spielen und puzzeln. Jede Weihnacht ein neues Mordillopuzzle, so von 1500 Teilen an haben wir alle. Kartenspiele mag ich am liebsten, Romme, Canasta und jassen natüterli...

[Drachenherz]

Cooles Topic, danke. *smile*

Letzthin hatte ich mit dem Dude eine Diskussion, und da hat er mir von einem Volksstamm erzählt, in deren Sprache es gar keine Unterteilung wie "Freizeit" und "Arbeit" gibt. Es fehlen schlicht die Begriffe "Freizeit" und "Arbeit" in ihrer Sprache. Es gibt dort einfach nur einen Begriff:

Leben.

Ich weiss aber leider nicht mehr, wie dieser Volksstamm heisst (vielleicht hat schonmal jemand von denen gehört und weiss noch, wie sie heissen?).

Aber als ich das gehört hatte, habe ich richtig Hühnerhaut bekommen...

Einfach nur leben... egal wo man ist, was man macht...
Hat mir recht (positiv) zum Nachdenken gegeben.

Peace,
A.