i ha im april ferie gha und ha die ziit grad gnutzt um mir mau s'giger- museum ga azluege...
absolut faszninierend!!! i hätt zwar dänkt, dass es grösser isch- aber die ganzi usstellig verbreitet sich de doch über 3 stöck und über wunderschöni rüümlichkeite (i würd sofort dört iziehe
). langsam und bedächtig hei mir die usstellig agluegt und sie bi jedem bild stiller worde. d'hauptthemene vom giger si ganz klar aliens- aber i sore sexistische, perverse und detaillierter form, dass es eim grad angst macht! dernäbe gseht me au bilder, wie dr suizid vollzoge wird- das geit ad niere, au wenns zeichnet isch!
im 2. stock hets de no es abteil nur für erwachsene. i ha dänkt, dass es äuä ziemlech heftig wird- aber so? dört gseht me bilder- nei, das darf i hie glaub gar nid ineschribe- krass!
mir hei üs e gueti h ziit gnoh für das museum und sie de när no ga s'schloss aluege. viel gseit hei mir aber nümme, wöu am giger sini bilder dermasse gwürkt hei, dass mir meh über ihn nochedänkt hei, als das üs schloss interessiert hätt...
suncollector: de tisch, vo dem wo du s'bildli postet hesch, de isch im 2.stock ufgstellt! de tisch isch natürlech absolute hammer. dernäbe hets no stüehl wo är gmacht het- genial!!!! bi sogar mau probe gsässe und die sir weicher als me dänkt!
i cha nume jedem wo söttigs interessiert de bsuech empfähle! me frogt sech zwar aschliessend, was wohl in herr giger sim kopf vorgeit- aber i glaube es isch besser, dass mir d'antworte nid wüsse...
gruess a alli
meli
