Forum-spili

[Lila]

öh ha mol welle froge obs da inne vilich au lüüt git wo das no easy finde..

also ide meiste fore gits eich sone offtopic-bereich..also so spili..

zum bispil °kiss or diss° da wür de so goh..ich nänne en begriff zb.Astrix^^..und de negst seit obers guet findet(kiss) oder doof(diss) und macht mit öpis neuem witer..

oder zum °bispil sekt oder selters° me nännt zwei sache wo mitenand verglichbar sind und stellt die zur uswahl..zum bispil ananas oder banane? hehe..usw..

also ich finds no witzig..aber ha dänkt froge mal zersch ob da überhaupt öper wür mitmache

[Käpten Hirni]

Hoy Lila..Aso i wür eher uf Fläschespieli oder so stoh..ne seich..ja mir machet amigs vil Kuhandel, Grass und Risiko..ähm het da überhaupt was ztue mit dim spieli..egal.spile fürs lebe gern...heheeh....spiel des lebens..zug

[@fire]

isch schteh äha auf doktor-spiele...

[Traumtänzer]

Klar macheni mit, spiele isch geil!

Und öpper da wo ds Grass kennt, cool! Wobie isch ja nid würk en überraschig, isch schliesslech es Psy-Forum...

[Lila]

isch zimli usgliche bis ez mit de umfrag..hnmmm..weis ned so rächt obs es bringe würd..

ha ebe schono dänkt dases idas forum ned eso inepasst

säges mal so..wenn mind.10 lüüt für ja gstimmt hend fangi mal öpis aa.sus lohnis la si

[temple]

Hoi Lila

Ich denke am beste fangsch eifach mal a, das chund denn scho is rollä ...

Grüässli

[tagträumer]

juhu... grass rockt..

i würds no toll finde so en spiel egge.

[Psymäleon]

Hehe, alles chlini Grass-Profis da inne... Grass für alle und d'Euphoria für mi

[Lila]

ok..ich probiers mal mit eim us..

obwohl die meiste wohl ned wend mitmache..mal luege vilich laufts jo glich..es langet au wenn nur 2 lüüt spiled..hehe..

e gueti variante zum sech chli besser kännelerne

[Cosinus]

jo sag nur infected oder defekt ....

[Käpten Hirni]

i will spile..los...han au schöggeli debii...hahahaha